Article for the week

હવે, યુએસ ની તેજી નો છેલ્લો તબક્કો

ચાંદી, રૂપિયા માં ઉછાળા ની શક્યતા

ગયું આખું અઠવાડિયું કોઇપણ મોટી વધઘટ વિના પસાર થયું. રૂપિયો ડોલર સામે ૬૨ થી ૬૧.૯૨ પહોચ્યો. શેરબજાર ૬૨૬૭ થી ૬૩૧૩ રહ્યું. સોનું ૨૮૬૩૦ થી ૨૮૫૬૦ રહ્યું, ચાંદી પણ ૫૦૦ પોઈન્ટ ની રેંજ માં રહી. હા, ક્રુડ માં સળવળાટ જરૂર રહ્યો. નાતાલ ની રજાઓ માં જે વૈશ્વિક બજારો નો ઘાટ હોય છે બધું એમ જ રહ્યું. જો કે અઠવાડિયું પૂરું થતા માં એક મોટી નવીનતા જરૂર બની છે. શુક્રવારે સાંજે યુરો ડોલર સામે ૧.૩૮ ના તેના મુખ્ય અવરોધ ને વટાવવા માં સફળ રહ્યો છે. હા, એ સાચું કે આ અવરોધ ની ઉપર યુરો બંધ રહી શક્યો નથી. વાચકમિત્રો ને પ્રશ્ન જરૂર થશે કે યુરો ડોલર સામે વધ્યો એમાં નવાઈ શું થઇ? મિત્રો, ડોલર ઇન્ડેક્સ માં આશરે ઓગણચાલીસ ટકા જેટલું વેટેજ એકલા યુરો નું છે. યુરો વધે એટલે સ્વાભાવિક રીતે જ ડોલર ઇન્ડેક્સ માં નરમી રહે. બીઝનેસ ગાર્ડિયન ના વાચકો એ સારી પેઠે સમઝે કે જયારે જયારે યુએસ ડોલર ઇન્ડેક્સ માં નરમી ની શરૂઆત થાય છે, ત્યારે ત્યારે વૈશ્વિક રોકાણકારો ના રોકાણો યુએસ થી અન્ય વિકાસશીલ દેશો તરફ વળે છે. આપણી અગાઉ ની કોલમો માં આ વિષે વારંવાર લખાઈ ચુક્યું છે. બીજી તરફ યુએસ ના શેર બજાર માં તેજી ચરમસીમાએ છે. માર્ચ ૨૦૦૯ થી યુએસ માર્કેટ માં એકધારી તેજી જળવાયેલી છે. જુઓ ને માર્ચ ૨૦૦૯ થી અત્યાર સુધી ડાઉ જોન્સ ઇન્ડ ૩૦ માંડ પંદર મહિના દરમ્યાન ઘટાડા તરફી રહ્યો. બાકી ના ૪૧ મહિનાઓ તેજી તરફી રહ્યો. આપણા બજાર માં આ જ ગાળા માં કદાચ છવીસ મહિના નરમી ના રહ્યા છે. હમણાં- હમણાં યુએસ માર્કેટ ની આ તેજી ખુબ તોફાની બની છે અને યુએસ નું માર્કેટ ઓલ-ટાઈમ હાઈ પર ચાલી રહ્યું છે. યુએસ ની પાછળ-પાછળ જર્મની, સ્પેન, યુકે, ઓસ્ટ્રેલીયા બધા જ બજારો માં તેજી નો પવન ફુકાઇ રહ્યો છે. યુએસ માર્કેટ ની તેજી ની વાત કરીએ તો હાલ માં એવું ઘણી વખત જોવા મળે છે કે ડાઉ જોન્સ ઇન્ડ ૩૦ માં માંડ એક કે બે શેરો દિવસ દરમ્યાન ઘટાડા તરફી રહે. બાકી બધા જ શેરો માં લેવાલી હોય. પાંચ વર્ષ થી અમેરિકા ના બજાર માં એકધારી તેજી છે, પણ શું આ તેજી વિષે આપણે ક્યારેય સમાચાર પત્રો માં (આપણી આ કોલમ ને બાકાત રાખો) વાચ્યું? ગયા ઓગસ્ટ – સપ્ટેમ્બર માસ માં જયારે કરન્સી નું વાવાઝોડું પુરા સપાટાભેર ફુકાઇ રહ્યું હતું, ત્યારે આપણી કોલમ માં તેજી ના છેલ્લા તબક્કા વિષે વારંવાર લખ્યું હતું કે “કોઇપણ સ્ટોક, ઇન્ડેક્સ, કરન્સી કે કોમોડીટી નો કોઈ એક ટ્રેન્ડ જયારે સમાચાર પત્રો ની હેડ-લાઈન બને, જયારે એ ટ્રેન્ડ નક્કર હોવાનો પુરેપુરો અભિપ્રાય હોય, તો માની લેજો કે એ ટ્રેન્ડ નો તે છેલ્લો તબક્કો છે.” યુએસ સ્ટોક માર્કેટ નો આ તબક્કો હવે શરુ થઇ ચુક્યો છે. શુકવારે ડોલર ઇન્ડેક્સ નો ઘટાડો અને યુએસ સ્ટોક માર્કેટ નો પુરબહાર સાપ્તાહિક ઉછાળો જોતા આ વણલખ્યો માસ-સાયકોલોજી નો સિદ્ધાંત અહી બરોબર ફીટ બેસે છે. અર્થાત, આવનાર બે-ત્રણ મહિના દરમ્યાન યુએસ માર્કેટ માં તેજી નો પવન ઝોર પકડે અને “અમેરિકા નું બજાર વૈશ્વિક બજારો ની સરખામણીએ સલામત” હોવાનો નિષ્ણાતો નો અભિપ્રાય નક્કર બને, એવા સંજોગો નું નિર્માણ થવા જઈ રહ્યું છે. આ એ સમયગાળો હશે કે જયારે નેસ્ડેક ના મુખ્ય શેરો માં રોકાણ કરી ક્યા ભારતીય રોકાણકારે અઢળક નફો રળ્યો અને એ કેવા કુશળ રોકાણકાર છે, એવા લેખો છપાવા માંડે, અમુક ફંડ મેનેજરો યુએસ માર્કેટ ને લગતા ફંડ શરુ કરે કે પછી સ્ટીમ્યુલસ પેકેજ ની ગેરહાજરી માં પણ યુએસ નું અર્થતંત્ર કેટલું સક્ષમ છે એની ગાથાઓ ગવાવા માંડે – આવું બધું જ જોવા મળી શકે. જો કે અહી એક સારું પાસું એ છે કે યુએસ ના બજાર ની આ તેજી ના પડછાયા માં ભારત ના બજાર માં પણ મોટી તોફાની તેજી જોવાઈ શકે છે. યુએસ ના બજાર માં તેજી હોવાની સાથે સાથે હવે ડોલર ઇન્ડેક્સ કે બીજા શબ્દો માં કહો તો ડોલર નરમ પડી રહ્યો છે. રૂપિયો કે જે કેલેન્ડર વર્ષ ૨૦૧૩ માં ખુબ પછડાટ સહન કર્યા પછી સુધારા માટે સજ્જ છે, શેરબજાર ઓલ-ટાઈમ હાઈ પાસે વારંવાર અટવાઈ રહ્યું છે અને જે રીતે ભારતીય રોકાણકારો બજાર થી દુર થઇ ગયા છે, તે જોતા યુએસ ના બજાર ની આ છેલ્લા તબક્કા ની તેજી ની પાછળ આપણા બજાર માં પણ અણધાર્યા અને આકસ્મિત ઉછાળા જોવાઈ શકે. આવા તબક્કા ને ચોક્કસ સમયે પારખવો મુશ્કેલ હોય છે. મતલબ કે કોઈ છાતી ઠોકી ને એવું નથી કહી શકવાનું કે આવતા સોમવાર થી કે એના પછીના સોમવાર થી આવો ઉછાળો જોવાય. પરંતુ, એ નક્કી કે યુએસ માર્કેટ ના પડછાયા માં આપણું બજાર તોફાની ચાલ બતાવે ખરું. બીસનેસ ગાર્ડિયન ના વાચકમિત્રો ને દિવાળી સમયે ઓઈલ અને ગેસ ક્ષેત્ર ના શેરો માં રોકાણ કરવા સૂચવ્યું હતું. જે મિત્રો એ આ ક્ષેત્ર ના મુખ્ય શેરો માં રોકાણ કર્યું છે, એમને એટલું જ સૂચન છે કે “ધીરજ રાખો, વળતર સારું મળશે.”

કરન્સી ના ટ્રેન્ડ પર નજર કરીએ તો યુએસ ડોલર ઇન્ડેક્સ ૮૦.૮૦ ના તેના નજીકના અવરોધ ની નીચે જળવાયેલો છે. હાલ માં તો ડોલર ઇન્ડેક્સ તેના આ અવરોધ ને પાર કરવા માં સફળ ન રહે ત્યાં સુધી ડોલર ના કોઈ મોટા ઉછાળા ની ચિંતા નથી. આંતરાષ્ટ્રીય ક્રોસ રેટ ૬૧.૯૨ બંધ રહેલ USDINR માં હવે ૬૧.૪૫ તૂટતા ૬૦ સુધી ની શક્યતા પ્રબળ બની છે. યુરો અન્ય કરન્સીઓ સામે જળવાયેલો છે અને ડોલર સામે તો સુધારા તરફી પણ છે, એ જોતા EURinr માં ૮૬.૧૦ ની ઉપર ની ચાલ જોખમી રહે. હાલ માં તો EURINR માં પણ ૮૬.૯૫ નો મોટો અવરોધ છે. યેન સામે રૂપિયો સતત સાત અઠવાડિયા થી સુધારા તરફી છે અને હજી પણ આ સુધારો જળવાયેલો રહે.

કીમતી ધાતુઓ ના ટ્રેન્ડ ની વાત કરીએ તો આંતરાષ્ટ્રીય બજાર માં સોનું જ્યાં સુધી સાપ્તાહિક ધોરણે ૧૨૫૦ ડોલર ની ઉપર બંધ રહેવા માં સફળ ના રહે ત્યાં સુધી સોનું જોખમી જ છે. ચાંદી માં અઠવાડિયા ની શરૂઆત માં જ તેજી જોવાય અને ૨૦.૪૭ ડોલર કે કદાચ ૨૦.૭૭ ડોલર સુધીના પણ ભાવો જોવાઈ શકે. એમસીએકસ વાયદા ની વાત કરીએ તો ચાંદી ૪૬૫૦૦ થી ૪૬૯૦૦ ની રેંજ ને અઠવાડિયા ની શરૂઆત માં સ્પર્શી શકે.

ગતાંક માં યુએસ ક્રુડ માં ૧૦૧.૪૦ સુધીનો ઉછાળો જોવાવાની શક્યતા વિષે જણાવ્યું હતું. પરંતુ, સાથે-સાથે એમ પણ લખ્યું હતું કે ક્રુડ નો આ ઉછાળો છેતરામણો રહે. શુક્રવાર ના રોજ યુએસ ક્રુડ ૧૦૦.૭૬ ડોલર ને જ સ્પર્શી શક્યું છે. જે રીતે આખા અઠવાડિયા દરમ્યાન ધીમી ગતી નું કોન્સોલીડેસન રહ્યું, એ જોતા હવે ક્રુડ ઓઈલ માં ૧૦૧.૫૦ ડોલર નું સ્તર પાર થતા ફરી પાછી તોફાની ચાલ જોવાય. અઠવાડિયા ની શરૂઆત માં જ ક્રુડ માં ૧૦૧.૧૫ ડોલર સુધીનો ઉછાળો નોધાઇ શકે છે. એમસીએકસ વાયદા ને જ્યાં સુધી લાગે વળગે છે, ત્યાં સુધી ક્રુડ માં હવે ૬૧૨૨ ના સ્ટોપલોસે તેજી નો વેપાર કરી શકાય. જયારે નેચરલ ગેસ માટે આપણી કોલમ માં ૨૭૫-૮૦ ની રેંજ માં ટોપ-આઉટ થવાની શક્યતા જણાવી હતી. જો કે નેચરલ ગેસ માં હવે મંદી ના વેપાર માં ૨૯૦ નો સ્ટોપલોસ અવશ્ય જાળવવો.

એરંડા માટે આપણી કોલમ માં ત્રણેક અઠવાડિયા અગાઉ લખ્યું હતું કે “જુના ખેલંદાઓ ફરી સક્રિય થયા છે અને ફક્ત ૫૦૦૦ નો ભાવ બતાવવા માટે જ આ સટ્ટો ખેલાઈ રહ્યો છે.” એરંડા માં ૫૦૦૦ ના ભાવ થી જે વેચવાલી શરુ થઇ છે, તે હવે વેચાણ ની સર્કિટો બતાવી રહી છે. કોમોડીટી બજાર માં જાણે કે નિયમનકારી કોઈ સંસ્થા જ નથી. ક્યારેક ગુવાર તો ક્યારેક એરંડો, વર્ષ માં એકાદ આવું કારસ્તાન થતું જ રહે છે અને સટોડિયા આબાદ છટકી જાય છે. હાલ માં તો એરંડા ના વેપાર થી દુર જ રહેવું સલામત છે.

અન્ય ધાતુઓ માટે છેલ્લા ત્રણ અઠવાડિયા થી આપણી કોલમ માં તેજી ના ટ્રેન્ડ વિષે લખતા રહ્યા છીએ. આ વખતે બેઝ મેટલ ની આ તેજી કાઈ રૂપિયા ના ઘસારા ને આભારી નથી. પરંતુ, આંતરાષ્ટ્રીય બજારો માં આ ધાતુઓમાં હાલ માં તેજી જોવાઈ છે. લંડન મેટલ એક્ષ્ચેન્જ માં આ ધાતુઓ ના ભાવો સુધારા તરફી હોઈ, ઘર-આંગણે ભાવો તેજી તરફી રહ્યા છે. ગતાંક માં લેડ વિષે લખ્યું હતું કે લંડન મેટલ એક્ષ્ચેન્જ માં ૨૨૦૦ ડોલર ના ભાવે થી લેડ માં એકાદ પ્રત્યાઘાતી ઉછાળો જોવાઈ શકે, પરંતુ ૨૨૦૦ ડોલર ની ઉપર બંધ રહ્યા બાદ લેડ માં તોફાની ચાલ જોવાય. ગયા અઠવાડિયે એલએમઈ માં લેડ ૨૨૫૦ ડોલર પર બંધ રહ્યું છે. આ જોતા, છેલ્લા ત્રણ અઠવાડિયા થી ચાલતી લેડ ની તેજી આ અઠવાડિયે પણ ઉછાળા બતાવી શકે. નિકલ માં ૮૯૫ નો ભાવ હવે અવરોધ છે અને જ્યાં સુધી આ સ્તર અકબંધ રહે નિકલ માં નરમી જળવાય. 

A few stocks in Positive Trend

Hindustand Petroleum:

The oil marketing companies have been under-performing the markets after 2010. Post 2008 crisis the OIL PSUs gained lime-light on back of disinvestment news. But, after October 2010, these stock witnessed sharp selling and dropped to 10 years' low. At 160, it formed a bottom and have been bouncing back since then.


As of now, the stock has displayed sharp pull-back in recent weeks.

As of now, the stock is facing resistance at the previous bottom of 240.
When I studied the other technical parameters of the stock, it is clearly seen that the stock has been in uptrend and may test 270 which is 100 day Exponential Moving Average for the stock.

The December month Open price 215 has to be considered as a stoploss for the long position.


BHEL:

This stock has been in sharp down-trend after October 2010. When the rupee dipped to the historic LOW in last August, this stock formed a bottom at 105.

On monthly basis, this stock exited the falling channel formation.
Hence, the first hurdle for the stock on mothly chart is no other than mark of Rs.200.


Ranbaxy:

This stock has formed a CLASSICAL - Inverted Head and Shoulder pattern on Weekly chart.

Now, when we consider the fall seen in the stock during July 2013, the stock fell by 170 points from the neck-line of the Inverted Head and Shoulder Pattern.

Hence, the upside target for the stock is not less than 170 points in the coming days.

It is also a fact that such upsides take time and it may test the neck-line one more time, but overall, the stock has gained a strong uptrend.

JP Associate and Wipro:
These two stocks have been in momentum on weekly basis. Hence, the continuation of the trend is not ruled out.
JP Associate may test 61.6 and wipro which is at 13 year high, can rally even further.

- Sheetalpuri Goswami
sheetalpurig@gmail.com
+91 9879028295

Article for the week

સોનું-ચાંદી હજી પણ જોખમી

ક્રુડ માં ઉછાળો છેતરામણો સાબિત થાય

સુધરતા ડોલર સામે ટકી શકે છે રૂપિયો!

છેલ્લા છ અંકો થી આપણે સતત સોના-ચાંદી જોખમી તબક્કા માં હોવાનું લખતા રહ્યા છીએ. હમણાં ના આ ઘટાડા બાદ હવે ઘણા બધા નિષ્ણાતો નો મત છે કે સોના માં હવે ભાવો સુધારા તરફી રહે. જયારે સોના માં ભાવો સુધારા તરફી રહેવાનો મત નિષ્ણાતો વ્યક્ત કરે છે, ત્યારે એમનો સહુ થી મોટો તર્ક છે કે આંતરાષ્ટ્રીય બજાર માં છેલ્લા દોઢ વર્ષ થી સોનું સતત ઘટાડા તરફી રહ્યું છે અને ૧૯૦૦ ડોલર થી હાલ ના ૧૨૦૦ એટલે કે મથાળે થી આશરે ત્રીસ ટકા જેટલો ભાવ ઘટાડો જોવાઈ ચુક્યો છે. ત્રીસ ટકા ના આ ઘટાડા ને જોતા હવે સોના માં રોકાણ સલામત હોવાનો અભિપ્રાય નિષ્ણાતો આપી રહ્યા છે.

	યુએસ સ્પોટ સોનું	એમસીએક્સ સોનું	USDINR
સપ્ટેમ્બર ૨૦૧૧	૧૯૦૦ ડોલર	૨૮૦૦૦ રૂપિયા	૪૯
હાલ માં	૧૨૦૦ ડોલર	૨૮૫૦૦ રૂપિયા	૬૧.૯૨
ફેરફાર (ટકા માં)	-૩૬.૮૫%	+૧.૭૮%	+૨૬.૩૬%

હવે અહી નોધવા જેવી બાબત એ છે કે જયારે યુએસ સ્પોટ માં સોનું ૧૯૦૦ ડોલર ના સ્તરે હતું ત્યારે પણ સોનું ૨૮૦૦૦ ના સ્તર ને સ્પર્શ્યું હતું અને આજે ૧૨૦૦ ડોલર ના ભાવે પણ સોનું ૨૮૦૦૦ થી ઉપર ચાલી રહ્યું છે. આંતરાષ્ટ્રીય સોના માં જયારે છત્રીસ ટકા નો કડાકો બોલ્યો, ત્યારે રૂપિયા માં છવ્વીસ ટકા નો ઘસારો નોધાયો. ઉપરાંત સોના માં આયાત-ડ્યુટી માં પાંચ ટકા નો વધારો થયો. આ જોતા હાલ માં સોનું હજી પણ પાંચ ટકા ના પ્રીમીયમ થી ચાલી રહ્યું છે.  બીજી વાત, આંતરાષ્ટ્રીય બજાર માં સોના માં જયારે ઘટાડો ચાલી રહ્યો હતો, ત્યારે સાથે સાથે રૂપિયા માં પણ ઘસારો જોવાઈ રહ્યો હતો. રૂપિયા નો આ વર્ષ નો ઘટાડો ઐતિહાસિક હોઈ, હવે રૂપિયા માં સુધારા ને પણ અવકાશ છે. બીજી બાજુ હવે યુએસ ડોલર ઇન્ડેક્સ થોડે-ઘણે અંશે સુધારા તરફી હોઈ નિષ્ણાતો રૂપિયા માં ઘસારો ફરી શરુ થવાનો અભિપ્રાય વ્યક્ત કરી રહ્યા છે. એમ તો ગયા અઠવાડિયે જે જે રીતે USDINR સાપ્તાહિક ધોરણે ૬૨ ની ઉપર બંધ રહ્યો હતો, ત્યારે ફરી પાછા આપણે રૂપિયા ના ૭૦ સુધીના કડાકા ની વાતો સાંભળવા માંડ્યા હતા. ટુકમાં હાલ માં જે સોના માં તેજી ની વાત આવી રહી છે, તેનો મુખ્ય આધાર રૂપિયા માં ઘસારો ફરી શરુ થવાનો અને યુએસ સ્પોટ માં સોના માં સુધારા નો એ બન્ને ટ્રેન્ડ ફરી શરુ થવાની શક્યતા પર આધારિત છે. મિત્રો અહી ફક્ત એટલું જ કહેવું છે કે આ બન્ને ટ્રેન્ડ બિલકુલ – સો-એ-સો ટકા આવનાર અઠવાડિયા માં ઉંધા પડી શકે છે. જી હા, પૂરે પુરા સો ટકા. એટલે એક બીજું અઠવાડિયું આપના આ મિત્ર ની વાત માની ને સોના માં તેજી ના વેપાર થી દુર રહેવું હિતાવહ છે. હવે, સોના માં જયારે આપણે નરમી ની વાત કરી રહ્યા હોઈએ તો સ્વાભવિક રીતે જ ચાંદી માં પણ ધીરજ રાખવી પડે.

હવે વાત ગ્લોબલ ટ્રેન્ડ ની. તો છેલ્લા પાંચ અઠવાડિયા થી આપણી કોલમ માં યુએસ ફેડ દ્વારા કોઈક સરપ્રાઈઝ જોવાવા બાબત લખી રહ્યા હતા. પરંતુ, યુએસ ફેડ માં પણ ભારત ની રીઝર્વ બેંક ની પોલીસી ની જેમ બધું જૈસે થે જ રહ્યું. ભારત હોય કે અમેરિકા કોઈને પણ જોખમ લેવું નથી. સરવાળે જયારે સબ-પ્રાઈમ જેવી સ્થિતિ ફરી ઉભી થાય અને બીજો કોઈજ રસ્તો ન રહે, ત્યારે પછી સરકારો જાગે. જો કે આ પરિસ્થિતિ નો ચિતાર શાણા આંતરાષ્ટ્રીય રોકાણકારો ને પણ આવી જ ગયો હશે અને એવું પણ બને કે હવે ના ગાળા માં અમેરિકન સંસ્થાઓ નું ભારત માં રોકાણ વધે. આવી પરિસ્થિતિ માં સુધરતા ડોલર સામે પણ રૂપિયો ટકી શકે છે. મારા મિત્ર અને ટેકનીકલ એનાલીસ્ટ અશીષકુમાર ગોપી ના મતે યુએસ ડોલર ઇન્ડેક્સ ૮૨.૪ સુધી આવી શકે તેમ છે. એમના મતે ઓક્ટોબર માસ ના છેલ્લા અઠવાડિયા માં ૭૯.૧૫ ના નીચા સ્તરે થી આવેલું ડોલર ઇન્ડેક્સ નું રિવર્સલ હાલ માં આ ૮૨ નું સ્તર બતાવી શકે. પરંતુ, જ્યાં સુધી USDINR ને લાગે-વળગે છે, આપણી કોલમ માં ગયા અઠવાડિયે પણ લખાયું હતું કે ૬૨.૪૦ સુધી ઉછળ્યા બાદ USDINR અવરોધાય. ગયા અઠવાડિયે યુએસ સ્પોટ માં ૬૨.૬૫ સુધી ઉછળ્યા બાદ સપ્તાહ ના અંત માં આ કરન્સી સ્પોટ ૬૧.૯૨ બંધ રહ્યું છે. જે સ્પષ્ટ દર્શાવી રહ્યું છે કે છેલ્લા બે દિવસો માં ડોલર ઇન્ડેક્સ સુધરવા છતાં રૂપિયો ટકી રહ્યો છે. જયારે EURINR આંતરાષ્ટ્રીય સ્પોટ માં હવે ૮૪.૧૦ તૂટતા હવે ૮૧.૩૩ સુધીના ઘટાડા ની શક્યતા છે. JPYINR માટે બે-એક અઠવાડિયા અગાઉ ૫૮.૫૦ નું સ્તર જણાવ્યું હતું. આગલા અઠવાડિયે યેન આ સ્તર સુધી ઘટ્યા બાદ સુધર્યો હતો, પરંતુ ગયા અઠવાડિયે ફરી રૂપિયા માં સુધારા ને પગલે યેન માં નરમી જળવાયેલી છે. બ્રિટીશ પાઉન્ડ માં પણ આ જ સ્થિતિ છે. સરવાળે આ અઠવાડિયે ડોલર ઇન્ડેક્સ સુધરવા છતાં એવું બની શકે કે રૂપિયો તમામ આંતરાષ્ટ્રીય કરન્સીઓ સામે સુધારો બતાવે.

એનર્જી વાયદા ની વાત કરીએ તો યુએસ ક્રુડ હાલ માં ભલે ૯૯ ડોલર ના સ્તરે સીધું અને સડસડાટ ઉછળ્યું હોય. પરંતુ, યુએસ ક્રુડ નો આ ઉછાળો છેતરામણો સાબિત થઇ શકે છે. આવતા અઠવાડિયે શરૂઆત ના દિવસો માં અચાનક અને અણધાર્યા સ્તરો બતાવી યુએસ ક્રુડ ૧૦૦ ડોલર ના આંક ને પાર કરવા માં સફળ રહે, પરંતુ અઠવાડિયા ના અંતિમ દિવસો માં ક્રુડ માં પીછેહઠ જોવાય. નેચરલ ગેસ એમસીએકસ વાયદા માં ગતાંક માં અઠવાડિયા દરમ્યાન ટોપ-આઉટ થવાની શક્યતા જણાવી હતી. પરંતુ, હજી પણ નેચરલ ગેસ વાયદા માં તેજી નો ટ્રેન્ડ બનેલ હોઈ, વેચાણ ની પોઝીશન માં સાવચેતી રાખવી. વેચાણ માટે કોઈક અણધાર્યા ઇન્ટ્રા-ડે સ્વીંગ ની રાહ જોવી યોગ્ય રહે. નેચરલ ગેસ ની જેમ જ હમણાં એરંડા માં પણ આવી જ કૃત્રિમ તેજી ચાલી રહી છે. એરંડા માં ગતાંક માં જણાવેલ ૫૦૦૦ નો જોવાઈ ચુક્યો છે. બજાર માં ચાલતી ચર્ચાઓ ની વાત કરીએ તો ત્રણ-ચાર વર્ષ થી બજાર થી દુર રહેલ જુના જોગીઓ ફરી એરંડા માં કાર્ટેલ કરી કૃત્રિમ તેજી રચી રહ્યા હોવાના સમાચારો છે. સ્પોટ એક્ષ્ચેન્જ કૌભાંડ બાદ વેર-હાઉસ રીસીપ્ટ સામે પોઝીશન શક્ય ન હોઈ, આ પરિસ્થિતિ નો લાભ ઉઠાવવા હાલ માં આ જુના ઉસ્તાદોએ પુનરાગમન કર્યું હોઈ શકે. આ તો સ્પોટ એક્ષ્ચેન્જ માં નાના ઘણા રોકાણકારો ના પૈસા હોઈ એ બાબત ખુબ ઉછળી. બાકી બે વર્ષ પહેલા ની ગુવાર ની તેજી હોય કે હળદર ની તેજી, ઈલાઈચી ની કૃત્રિમ તેજી બધા માં નિયમનકારી સંસ્થાઓ છેવટે હાથ ખંખેરી ને જ બેસી જાય છે ને! એરંડા માં ૫૨૦૦ સુધી ના ઉછાળે ૫૩૪૦ ના સ્ટોપલોસ થી નાની એવી વેચાણ ની પોઝીશન બનાવી શકાય. અહી એ ખાસ નોધવું કે એટલી જ પોઝીશન બનાવવી કી જ્યાં દોઢસો રૂપિયા ફેર લોસ બુક કરવો પડે તો પણ જરાય તકલીફ ન રહે.

અન્ય ધાતુઓ માં ગયા અઠવાડિયે ઝીંક અને લેડ માં તેજી નો ટ્રેન્ડ જળવાયેલો રહ્યો, જયારે કોપર અને એલ્યુમીનીયમ નરમ રહ્યા. લેડ વિષે ગતાંક માં આપણે લખ્યું હતું કે આંતરાષ્ટ્રીય બજાર માં લેડ ના ભાવો માં કઈક અંધાધુંધી થઇ શકે તેમ હોઈ, આ ધાતુ તેજી ના ટ્રેન્ડ તરફી છે. લેડ માં ગયા અઠવાડિયે રૂપિયો સુધરવા છતાં તેજી જળવાયેલી રહી છે. ડીસેમ્બર માસ ની શરૂઆત થી જ લંડન મેટલ એક્ષ્ચેન્જ માં લેડ ૨૦૪૦ ડોલર ના ભાવ થી સતત સુધરતું રહ્યું છે અને હાલ માં ૨૧૭૦ ડોલર ને સ્પર્શ્યું છે. ૨૨૦૦ ડોલર થી લેડ માં એકાદ પ્રત્યાઘાતી ઘટાડો જોવાઈ શકે. પરંતુ, ૨૨૦૦ ડોલર ની ઉપર બંધ રહ્યા બાદ લેડ માં આંતરાષ્ટ્રીય બજાર માં પણ તોફાની તેજી જોવાઈ શકે.

a Bit early to say "Party is Over"

The Nifty spot open for the week is placed at 6168. Today Nifty spot closed at 6166.

Barely, a couple of points decline. But, within the week, the sentiment of the traders is much shaken.

Before, we come to any conclusion for the Index, let's take into consideration two simple and basic points.

1) The Index has not breached important support yet. Will the support be breached or not that is anyone's speculation. But, as of now, it is not breached.

As we see on the above Weekly chart, the previous resistances have become important supports for the Index now. These support level which is placed at 6150 or so is not breached.

So far so, for the week, the Index is forming a Doji.

2) On immediate basis, Nifty resist to hold 6230 level.

During most of last fortnight, the Index has been in a range of 6230 to 6150. It is absolutely right that by and large the index has remained on the lower end of this channel. But, please not that the weekly close has yet not taken place.

Conclusion: Before the weekly close takes place, ascertaining target of the Nifty spot is just a hook. That is anyone's speculation. Tomorrow, if the Index closes below 5140, the selling pressure will be seen even in the next week. If the Index manages to close above 6130, positive momentum will start building up again.

Happy trading.

Sheetalpuri Goswami

Weekly article on Global Trends

દેવાળિયા ડોલર નું સુરસુરિયું ક્યારે?

બે વર્ષ પછી બેઝ મેટલ માં આંતરાષ્ટ્રીય તેજી

નેચરલ ગેસ, એરંડો ટોપ બનાવવા ભણી

છેલ્લા ત્રણ અઠવાડિયા થી આપણી કોલમ માં યુએસ ફેડ તરફ થી કોઈ આશ્ચર્ય જોવાવા બાબત લખાઈ રહ્યું છે. ટેપરીંગ ના મુદ્દે એક પછી એક નિવેદનો જ આવી રહ્યા છે અને કોઈ મગ નું નામ મરી પાડી જ નથી રહ્યું. યુએસ ડોલર ઇન્ડેક્સ પાંચ અઠવાડિયા થી સાધારણ નરમી ની ચાલ માં રહ્યો અને ૫૦,૧૦૦ ઉપરાંત ૨૦૦ અઠવાડિયા ની એક્ષ્પોનેન્શીય્લ એવરેજો જે અનુક્રમે ૮૧.૧૦, ૮૦.૭૭ અને ૮૦.૪૯ ની નીચે ૮૦.૧૮ બંધ રહ્યો છે. આ એવરેજો માં નોધવા જેવી બાબત એ છે કે હવે આ એવરેજો માં ક્રોસ-ઓવર બનવા જઈ રહ્યા છે. એટલે કે ૨૦૦ અઠવાડિયા ની એવરેજ ૧૦૦ અઠવાડિયા થી ઉપર ગોઠવાય અને ૧૦૦ અઠવાડિયા ની એવરેજ ૫૦ અઠવાડિયા ની ઉપર. આવા ક્રોસ-ઓવર બની જાય તો ડોલર ઇન્ડેક્સ નો ટ્રેન્ડ બરાબર ઘટાડા તરફી નો બની જાય. અગાઉ ની આપણી કોલમો માં વારંવાર ચર્ચા કરી છે કે ડોલર ઇન્ડેક્સ નું વધવું કે ઘટવું ગ્લોબલ ટ્રેન્ડ નું સહુ થી નિર્ણાયક પરીબળ છે. અમેરિકા નો ડોલર મજબુત બને તો દુનિયાભર ના રોકાણો અમેરિકા તરફ વળે. ઉપરાંત ડોલર સુધરે એટલે આંતરાષ્ટ્રીય કોમોડીટી ના ભાવો પણ ઉંચે જાય. ડોલર ઘટે ત્યારે આ પ્રવાહ ફંટાય. આપણા શેરબજાર ની ગયા અઠવાડિયા ની ચાલ જ જુઓ ને. ચુંટણી ના પરિણામો જાહેર થતા ની સાથે જ નિફ્ટી માં ૬૪૨૫ નું ઊંચું સ્તર જોવાયું. પણ આખા અઠવાડિયા દરમ્યાન નિફ્ટી ઘટતી રહી. ગયા અઠવાડિયા દરમ્યાન નિફ્ટી માં દૈનિક તો માંડ વીસ-પચીસ પોઈન્ટ ની ચાલ રહી. આગલા દિવસે યુએસ ડોલર ઇન્ડેક્સ સુધારા સાથે બંધ રહે એટલે બીજા દિવસે નિફ્ટી ગેપ-ડાઉન ખુલે, આખું ટ્રેડીંગ સેશન દસ-પંદર પોઈન્ટ ની રેંજ માં વધઘટ મર્યાદિત રહે અને ફરી પાછું બજાર બીજા દિવસે આગલા સાંજ ના ડોલર ના ટ્રેન્ડ મુજબ ગેપ-ડાઉન રહે. જ્યાં સુધી નિફ્ટી ને લાગે-વળગે છે, ગતાંક માં જેમ જણાવ્યું હતું, નિફ્ટી તેજી ના ટ્રેન્ડ માં જ છે. ૫૯૯૦ ની નીચે નો સાપ્તાહિક બંધ ન જોવાય, ત્યાં સુધી નિફ્ટી નો ટ્રેન્ડ તેજી તરફી જ છે. સોમવાર ના રોજ ગેપ-અપ ઓપનીંગ જોવાય તો ગયા અઠવાડિયા નો બંધ અને નીચો ભાવ નિફ્ટી ના ટેકા બની જશે. પરંતુ, ગેપ-ડાઉન ઓપનીંગ જોવાયું તો એ જ સ્તરો મોટા અવરોધ બની જાય.

ડોલર ઇન્ડેક્સ ગયા અઠવાડિયે છેલ્લા દિવસો માં સુધારા તરફી રહ્યો જેના પગલે USDINR માં પણ ઉછાળો નોધાયો છે. જો કે, USDINR આંતરાષ્ટ્રીય સ્પોટ માં ૬૩.૨૫ ની નીચે રહે ત્યાં સુધી તેમાં કોઈ મોટો હાઉ નથી. પરંતુ, બે અઠવાડિયા માં ડોલર ફરી પાછો એમર્જિંગ માર્કેટ્સ ની કરન્સી સામે સુધરવા માંડ્યો છે. હોંગકોંગ, ચીન અને સિંગાપોર ને છોડીને બે અઠવાડિયા દરમ્યાન ડોલરે સુધારો દર્શાવ્યો છે. ખરેખર તો ડોલર ની આ જે તેજી છે, તે બોન્ડ ખરીદી ની જે અમેરિકા ની નીતિ ચાલી રહી છે, તેને આભારી છે. જાપાનીઝ યેન ની નરમ ચાલ ને લીધે સુધરતા યુરો છતાં ડોલર ટકી રહ્યો છે.

બીજી તરફ કીમતી ધાતુઓ પણ સતત ઘટાડા બાદ ગયા અઠવાડિયે સાધારણ સુધારા સાથે બંધ રહી. આંતરાષ્ટ્રીય બજાર માં સોના માં સતત જોવાઈ રહેલો ઘટાડો ગયા અઠવાડિયે અટક્યો. આમ તો જો કે સોનું ૧૨૬૭ ડોલર સુધી અઠવાડિયા દરમ્યાન ઉછળ્યું, પણ બંધ ૧૨૩૮ ડોલર રહ્યું. છેલ્લા ચાર અંકો થી આપણી કોલમ માં કીમતી ધાતુઓ માં સાવચેતી રાખવા બાબત લખતા રહ્યા છીએ. હજી પણ સોનું અને ચાંદી નરમી ના ટ્રેન્ડ માંથી બહાર નીકળ્યા નથી. તેજી ના વેપાર માટે સોના-ચાંદી માં ઓછા માં ઓછા બે અઠવાડિયા હજી પણ ધીરજ રાખવી હિતાવહ છે. છેલ્લા ચાર અંકો થી યુએસ ફેડ દ્વારા કોઈક આશ્ચર્ય જોવાવા બાબત લખી રહ્યા છીએ, પરંતુ હજી સુધી આવા કોઈ સમાચાર આવ્યા નથી. સપ્ટેમ્બર ૨૦૧૧ થી આંતરાષ્ટ્રીય બજારો માં ઘટતું રહેલું સોનું હવે કોઈક બોટમ આઉટ ની ચાલ બતાવે એવી પ્રબળ શક્યતાઓ છે. બોટમ આઉટ ની ચાલ માં સ્ટોક કે કોમોડીટી અચાનક ડીપ અને નીચા સ્તરો થી ઉછાળા બાદ સાઈડ-વે ની ચાલ બતાવતા હોય છે. સોના માં જો કોઈ આવી બોટમ-આઉટ ની ચાલ આવી તો મોટા આચકા જોવાઈ શકે છે. ચાંદી માં પણ આ જ પરિસ્થિતિ છે. ભલે ગયા અઠવાડિયે ચાંદી માં નીચા ભાવો થી લેવાલી જોવાઈ હોય, હજી પણ ચાંદી તેજી માટે સલામત નથી. બેઝ મેટલ ની તેજી જોતા ચાંદી માં તેજી નો વેપાર કરવો પણ હોય તો ૪૫૦૦૦ ની ઉપર ની ચાલ જોવાતા ૪૩૭૦૦ ના મોટા સ્ટોપલોસ થી નાની પોઝીશન માં વેપાર કરી શકાય.

ગયું અઠવાડિયું નેચરલ ગેસ માટે ભારે તોફાની રહ્યું. આપણી કોલમ માં ત્રણેક અઠવાડિયા અગાઉ નેચરલ ગેસ માં નવા હાઈ બનવા બાબત લખ્યું હતું. આ અઠવાડિયું નેચરલ ગેસ ની તેજી નું કદાચ છેલ્લું અઠવાડિયું સાબિત થાય. હવે ના બે અઠવાડિયા માં નેચરલ ગેસ ટોપ-આઉટ થઇ જવાની પૂરી શક્યતા છે. ક્રુડ માટે ગયા અઠવાડિયે આપણે બે-ત્રણ અઠવાડિયા રાહ જોવાનું સૂચવ્યું હતું. યુએસ ક્રુડ હવે ફરી પાછું ૯૧ ડોલર થી ૯૭ ડોલર ની જૂની રેંજ માં હોઈ, હાલ માં બે-ત્રણ અઠવાડિયા નક્કર ટ્રેન્ડ માટે રાહ જોવી યોગ્ય રહે.

ગયા અઠવાડિયા ની સહુ થી ધ્યાનાકર્ષક બાબત રહી બેઝ મેટલ ની તેજી. કોપર, લેડ, ઝીંક, એલ્યુમીનીયમ અને નીકલ સહીત તમામ ધાતુઓ અઠવાડિયા દરમ્યાન સુધારા તરફી રહી. લંડન મેટલ એક્ષ્ચેન્જ માં આ તમામ ધાતુઓ છેક માર્ચ ૨૦૧૧ થી ઘટાડા તરફી છે. આ ધાતુઓ માં બે વર્ષ થી આંતરાષ્ટ્રીય બજારો માં ભાવો ઘટતા રહ્યા છે. જો કે આપણા બજાર માં તો હમણાં ઓગસ્ટ અંત માં જ આ ધાતુઓ માં નવા લાઈફ-હાઈ બન્યા હતા. પરંતુ, એ તો રૂપિયા ના ઘસારા ને લીધે. બાકી આંતરાષ્ટ્રીય બજારો માં આ ધાતુઓ માં સતત વેચવાલી જોવાતી રહી છે. એલએમઈ ના ભાવો જોતા લેડ સહુ થી વધારે તોફાની ધાતુ બનવા તરફ આગળ ધપી રહી છે. હાલ માં ૨૧૦૦ ડોલર પ્રતિ ટન ના ભાવે ટકેલ લેડ માં જયારે ભાવો ૨૨૫૦ ડોલર વટાવશે, ત્યારે આ મેટલ માં ફરી પાછી ૨૦૧૦-૨૦૧૧ જેવી તોફાની ચાલ શરુ થાય. આ ચાલ માં ૨૮૦૦-૨૯૦૦ ડોલર સુધીના તોફાનો જોવાય તો પણ નવાઈ નહી. કોપર માં પણ ગયા અઠવાડિયે જે ૪૬૦ ની ઉપર નો બંધ જોવાયો છે, તે જોતા કોપર માં પણ સુધારો આગળ વધી શકે. ઝીંક માં તો છેલ્લા ત્રણ વર્ષો નો ત્રીજો સહુ થી મોટો ઉછાળો ગયા અઠવાડિયે નોધાયો. વાયદા ના ભાવો માં ૬.૫% ના ઉછાળા સાથે ઝીંક તમામ ધાતુઓ માં સુધરવા માં અગ્રેસર રહી. અહી સહુ થી નોધવા જેવી બાબત એ છે કે અત્યાર સુધી ટ્રેડરો બેઝ મેટલ માં મુખ્યત્વે ડોલર ના સુધારા – ઘટાડા ને મહત્વ આપતા. ગયા અઠવાડિયે ડોલર તો સાધારણ સુધારા સાથે બંધ રહ્યો અને ટ્રેડરો ડોલર ના સામાન્ય સુધારા સામે બેઝ મેટલ ના મોટા ઉછાળા ને જોતા વેચવાલી કરતા રહ્યા. હકીકત માં આ વખતે બેઝ મેટલ માં તેજી આંતરાષ્ટ્રીય બજારો માં સુધારા ને આભારી હોઈ, હાલ માં ડોલર કરતા આંતરાષ્ટ્રીય ભાવો પર નજર રાખવી આવશ્યક છે.

એરંડા માં ઓગસ્ટ મહિના થી એકધારી તોફાની તેજી જળવાયેલી છે. આ અઠવાડિયે એરંડા ની તેજી ટોપ-આઉટ થઇ જવાની પુરેપુરી શક્યતા છે. ઉછાળે ૫૦૦૦ ની ઉપર નો કોઈક ભાવ વાયદા માં પડે કદાચ એની જ રાહ જોવાઈ રહી છે. ત્યાં થી આ તેજી ના વળતા પાણી શરુ થાય.

The Golden 90 days of stock market

શેરબજાર નો સુવર્ણકાળ

ગતાંક માં નિફ્ટી સ્પોટ ના ૬૩૫૦ ની ઉપર બંધ રહેતા ૭૦૦૦ સુધીના ઉછાળા ની શક્યતા શું લખી કે ઘણા મિત્રો ના ભવાં વાંકા થયા. “મોદી ફેક્ટર” બજાર પર કેવી અસર કરશે અને મુખ્ય ચુંટણી ની તારીખો ને આધારે નિફ્ટી ના લેવલ નું આખા વર્ષ ની ચાલ નું કેલેન્ડર બધા પોતપોતાની રીતે બનાવી લીધું છે. આપણી આ કોલમ માં અમે બને ત્યાં સુધી સીધી, સટ અને સંક્ષિપ્ત માં બજાર ના ટ્રેન્ડ ની ચર્ચા કરવાનો પ્રયત્ન કરીએ છીએ. છેલ્લા ત્રણ અંકો થી આપણી કોલમ માં ચાંદી વિષે ફક્ત ૧૯ ડોલર નું સીધું અને સટ ટાર્ગેટ લખતા રહ્યા. ગયા અઠવાડીએ યુએસ સ્પોટ માં બુધવાર ના રોજ ૧૮.૯૦ ડોલર નું તળિયું જોવાયું. છેલ્લા બે અંકો થી JPYINR માં નરમ રુખ વિષે સીધું જ લખતા રહ્યા. સામાન્ય રીતે ટ્રેડર, રોકાણકાર બજાર ના નિર્ણયો લેતી વખતે સમાચારો ને ધ્યાન માં લઇ ને પગલા ભરતા હોય છે. મારા દસ વર્ષ ના અનુભવ માં મે એટલું જોયું છે કે સમાચાર તો પછી પ્રગટ થાય છે, બજાર ના વંટોળ પહેલા ફુકાઇ જાય છે. રોકાણ ના નિર્ણયો માં આપણે આવી બધી અન્ય બાબતો ને મહત્વ આપીએ છીએ અને મુખ્ય પાસાઓ ને સદંતર અવગણીએ છીએ. શું મિત્રો આપે એ બાબતે ધ્યાન આપ્યું છે કે દસ વર્ષ માં પહેલી વખત બજાર લાઈફ-ટાઈમ હાઈ પર પહોચ્યું છે અને નિફ્ટી નો પ્રાઈસ મલ્ટીપલ દસ વર્ષ ની એવરેજ પાસે જ છે. પ્રાઈસ મલ્ટીપલ એટલે માનો  કે નિફ્ટી ના શેરો નું અર્નિંગ અગર ૧ રૂપિયો હોય અને નિફ્ટી નો ભાવ ૨૫ હોય તો નિફ્ટી ૨૫ ના પ્રાઈસ મલ્ટીપલ પર કહેવાય. અગાઉ જયારે-જયારે નિફ્ટી ૬૦૦૦ ના આંક પર પહોચી, ત્યારે નિફ્ટી નો આ પ્રાઈસ મલ્ટીપલ ૨૫ ની ઉપર જ હોતો. દસ વર્ષ માં નિફ્ટી ૨૫ ના મલ્ટીપલ ની ઉપર માંડ ચારેક મહિના જ ટકી શકી. હાલ માં ભલે નિફ્ટી ૬૦૦૦ ની ઉપર હોય, પરંતુ નિફ્ટી નો આ પ્રાઈસ મલ્ટીપલ છે ૧૮.૬૦. દસ વર્ષ ની નિફ્ટી ના આ પ્રાઈસ મલ્ટીપલ ની એવરેજ છે ૧૮.૩૮. આ ડેટા નેશનલ સ્ટોક એક્ષ્ચેન્જ ની વેબસાઈટ પર જ ઉપલબ્ધ છે.

વાચકમિત્રો ને એ પ્રશ્ન જરૂર થાય કે “જયારે સપ્ટેમ્બર માસ માં નિફ્ટી ૫૨૦૦ સુધી ઘટી હતી, ત્યારે કોઈએ રોકાણ ની સલાહ ન આપી અને કેમ હવે?” આના જવાબ માં હું એટલું કહીશ કે શેરબજાર માં તેજી અગર પાંચ વર્ષ રહે, તો પણ મુખ્ય કરંટ માંડ ત્રણ મહિના માટે હોય છે. આ જે ૯૦ દિવસ નો ગાળો હોય છે, એ એવો તોફાની હોય કે ત્યારે શ્રેષ્ટ વળતર મેળવી શકાય. એ સુવર્ણકાળ ના ૯૦ દિવસ બાદ એવું નથી કે તેજી ના રહે, મુખ્ય કરંટ નીકળી ગયા પછી બજાર ટકેલું રહે એ તો ડીસ્ત્રીબ્યુસન કહેવાય. આવા ડીસ્ટરીબ્યુશન માં જે શેર ખરીદો એ કરેકશન માં તકલીફ જરૂર આપે. રહી વાત બજાર સતત ઘટતું હોય ત્યારે ખરીદી કરવાની. તો સાહેબ જી, ઘટતા બજાર માં શેરો ભલે ખુબ જ મોટા ડિસ્કાઉન્ટ માં મળી રહ્યા હોય, પણ રોકાણ કરીને એકાદ વર્ષ રાહ જોવાની થાય, તો ધીરજ રાખનારા કેટલા? આ જયારે લખાઈ રહ્યું છે, ત્યારે મને એ ખબર નથી કે ચાર રાજ્યો માં સરકાર કોની આવશે, કોણ જીતશે અને કોણ હારશે. જયારે આ અંક વાચકો ના હાથ માં હોય, ત્યારે કદાચ આ ચિત્ર સ્પષ્ટ થઇ ગયું હોય. પરંતુ, જે રીતે યુએસ ડોલર ઇન્ડેક્સ ૨૦૦ અઠવાડિયા ની એવરેજ ની નીચે તરફ જઈ રહ્યો છે, જે રીતે ગ્લોબલ માર્કેટ માં કીમતી ધાતુઓ માં વેચવાલી છે, અમેરિકા ના શેરબજાર માં પાંચ વર્ષ થી ચાલતી તેજી હવે જે રીતે અવરોધાઇ રહી છે, જે રીતે બે વર્ષ ખુબ પછડાટ સહન કર્યા બાદ રૂપિયો સુધારા માટે સજ્જ છે, જે રીતે ભારતીય રોકાણકારો ની રીયલ એસ્ટેટ અને સોના બાદ ઇક્વિટી છેલ્લી પસંદ બની ગઈ છે અને વિદેશી રોકાણકારોએ છ મહિના માં ઇક્વિટી માં જે રીતે રોકાણો કર્યા છે તેના આધારે શેરબજાર નો આ ૯૦ દિવસ નો સુવર્ણકાળ હવે હાથવેંત માં છે. બજાર વધી ગયા પછી તો પોતાને સમાચારો થી સંપૂર્ણ માહિતગાર કહેવડાવનારા કઈક નિષ્ણાતો સક્રિય થઇ જશે. “મેં ફલાણા દિવસે કહ્યું હતું કે નિફ્ટી નું આ ટાર્ગેટ છે” – એવું કાંઈક કેટલાય મોઢે સાંભળવા મળશે. સ્મોલકેપ અને મિડકેપ શેરો માંથી ક્યા શેર ખુબ-ખુબ વધવાના એવા અભિપ્રાયો વ્યક્ત થતા રહેશે અને જે રોકાણકારો એ શેરો માં રોકાણ કરશે, એ કરેકશન માં માથે દઈ ને બેઠા હશે. આવા કોઈજ ઉદાહરણ બન્યા કરતા ઉત્તમ એ છે કે આપણે રોકાણ-ટ્રેડીંગ ને ટોચની ૧૦૦ કંપનીઓ પુરતું મર્યાદિત રાખીએ.

આગળ જેમ લખ્યું કે રોકાણ નો નિર્ણય લેતા પહેલા રોકાણકાર – ટ્રેડર ક્ષુલ્લક બાબતો ને વધુ મહત્વ આપે છે અને મુખ્ય પાસાઓ ને સદંતર અવગણે છે. એવું નથી કે સામાન્ય રોકાણકાર જ, નિષ્ણાતો પણ ઘણી વખત આવી જ ભૂલો કરતા હોય છે. ફન્ડામેન્ટ ના સારા અભ્યાસુઓ ઇન્ડેક્સ, શેર ના પ્રાઈસ મલ્ટીપલ, ડીવીડંડ ને ધ્યાને લીધા સિવાય જીડીપી ગ્રોથ કેવો રહેશે એના ક્યાસ કાઢવા માં માથું ખંજવાળતા રહે છે, તો ટેકનીકલ ના સારા જાણકારો બ્રેક-આઉટ અને ફોલ્સ-બ્રેકઆઉટ માં અટવાતા રહે છે. એસ્ટ્રો ટેકનીકલવાળા અત્યારે એ શોધી રહ્યા છે કે સાત વર્ષ માં પહેલી વખત બુધ સૂર્ય ની પાછળ છે, છતાં બજાર માં તેજી કેમ છે. તેઓ પણ સહુ થી મોટું પાસું કે શની અને રાહુ નું તુલા રાશી માં સાથે હોવું એને અવગણે છે. વાચકમિત્રો ને નમ્ર વિનંતી કે આ વાંચ્યા પછી મને જ્યોતિષ-શાસ્ત્ર વિષે પ્રશ્નો ન પૂછતાં. જ્યોતિષ-શાસ્ત્ર નું મારું જ્ઞાન ફક્ત વાચન ની રૂચી પુરતું જ મર્યાદિત છે અને  બીજું કે માય નેમ ઇસ ગોસ્વામી એન્ડ આઈ એમ નોટ એન એસ્ટ્રોલોજીસ્ટ.

રૂપિયા માં સુધારો આગળ વધે

નવેમ્બર મહિના ના બીજા અઠવાડિયા માં સતત ચાર અઠવાડિયા થી સુધરી રહેલ ડોલરે રૂપિયા સામે જેવો સ્પોટ માં ૬૩ નો હાઈ બનાવ્યો કે બધા નિષ્ણાતો ફરી પાછા રૂપિયા ના રકાસ ની વાતો કરવા માંડ્યા હતા. આપણી કોલમ માં ત્યારે પણ લખ્યું હતું કે “આવનાર સપ્તાહ માં ડોલર રૂપિયા સામે ૬૪ નું સ્તર બતાવે પણ ડોલર ના રૂપિયા સામે ના દરેક ઉછાળા છેતરામણા સાબિત થાય.” તેના પછી ના અઠવાડિયે ડોલર રૂપિયા સામે ૬૩.૯ સુધી ઉછળ્યો અને ત્યાં થી ઘટાડા તરફી છે. આવનાર પખવાડિયા માં રૂપિયો ડોલર સામે ૫૯ નું સ્તર બતાવે તો નવાઈ નહી. હવે ઉછાળે ડોલર રૂપિયા સામે ૬૨.૪૪ આસપાસ સ્પોટ માં અવરોધાય. બીજી બાજુ ડોલર ઇન્ડેક્સ ૨૦૦ અઠવાડિયા ની એક્ષ્પોનેન્શીય્લ એવરેજ થી સહેજ નીચે બંધ રહ્યો છે. ડોલર ઇન્ડેક્સ ની સાથે સાથે અમેરિકા ના શેરબજાર માં પણ નરમી રહી છે. છેલ્લા પાંચ વર્ષ થી યુએસ માર્કેટ માં જે તેજી જળવાયેલી છે, તેમાં હવે એક કરેકશન ની અપેક્ષા છે. ગતાંક માં આપણે યુએસ ફેડ ધ્વારા કોઈક આશ્ચર્ય જોવાવા બાબત લખ્યું હતું. હજી સુધી તો યુએસ તરફ થી આવું કાઈ જોવા મળ્યું નથી. પરંતુ, જે રીતે યુએસ ડોલર ઇન્ડેક્સ ઘટી રહ્યો છે, જે રીતે ડોલર ઇન્ડેક્સ ના ઘટવા ની સાથે-સાથે સોના માં પણ વેચવાલી આવી રહી છે, તે જોતા સ્ટીમ્યુલસ પેકેજ ના સ્ટેરોઈડ પર ઉભેલું અમેરિકા નું અર્થતંત્ર કોઈક આંચકો આપશે જરૂર. અહી એ નોધવું રહ્યું કે છેલ્લા ચાર વર્ષો માં યુએસ એમર્જિંગ માર્કેટ ને પોતાનો સહુ થી મોટો હરીફ માનવા માંડ્યું છે. અમેરિકનો નોકરી અને રોકાણ માં આ વિકાસશીલ દેશો સાથે સ્પર્ધા માં રાચે છે. ઘણે અંશે આ વાત સાચી પણ છે. અગર અમેરિકા નું અર્થતંત્ર નરમી ની લપેટ માં આવે તો વૈશ્વિક રોકાણકારો ઉપરાંત અમેરિકી નાણા સંસ્થાઓ પણ વિકાસશીલ દેશો માં જ પોતાના રોકાણો ઠાલવશે. એટલે અમેરિકા ના આવા આંચકા છતાં રૂપિયો ટકવા માં સફળ રહે કેમકે રૂપિયા એ તો તેના ભાગ ના શોક અને આફ્ટર શોક ચાર મહિના પહેલા જ જોઈ લીધા છે.

સોના-ચાંદી હજી પણ સલામત નથી

છેલ્લા ત્રણ અંકો થી ચાંદી માટે અહી ૧૯ ડોલર નું ટાર્ગેટ લખતા રહ્યા છીએ અને ગયા અઠવાડિયે યુએસ સ્પોટ માં ૧૮.૯૦ ડોલર નો નીચો ભાવ જોવાયો. ગતાંક માં સોના માં પણ નરમી રહેવા બાબત લખ્યું હતું. ગયા અઠવાડિયે છેલ્લા બે દિવસો માં નીચા સ્તરો થી યુએસ સ્પોટ માં બન્ને કીમતી ધાતુઓ માં ફરી સુધારો જોવાયો છે. પણ, હજી સોના-ચાંદી માં ટ્રેન્ડ નરમી નો જ છે. ખાસ કરીને ચાંદી માં જ્યાં સુધી ૨૦.૨૫ ડોલર ની ઉપર નો બંધ ન જોવાય, ચાંદી જોખમી તબક્કા માં જ છે. ગયા અઠવાડિયે યુએસ સ્પોટ માં સોનું ૧૨૧૦ ડોલર સુધી ઘટ્યા બાદ ૧૨૫૦ ડોલર સુધી ઉછળ્યું પણ ખરું. પણ હકીકત માં તો હવે નું જે પખવાડિયું છે, તે સોના-ચાંદી બન્ને માટે વધારે જોખમી છે. આપણા બજાર ના સંદર્ભ માં વિચારીએ તો પણ આ અઠવાડિયે અગર રૂપિયો પણ સુધરે અને યુએસ સ્પોટ માં નરમી ની ચાલ જળવાય તો મંદી નો સપાટો બેવડો થઇ શકે તેમ હોઈ, આ અઠવાડિયે બન્ને કીમતી ધાતુઓ માં ખુબ જ સાવચેતી રાખવી. ગયા અઠવાડિયે સાત આંતરાષ્ટ્રીય બેંકો ના ફંડ મેનેજરો સામે ગ્લોબલ માર્કેટ માં મેનીપ્યુલેસન ના આરોપો લાગ્યા છે. આ બેંકો ના ફંડ મેનેજરો વાયદા માં પે-ઇન ની સ્થિતિ નો ક્યાસ કાઢી હાજર અને વાયદા માં મેનીપ્યુલેસન કરતા હોવાના સમાચારો ચમક્યા છે. અગાઉ કરન્સી ના તોફાન વખતે પણ આ જ બેંકો ના ફંડ મેનેજરો “બેન્ડીટ”, “પાયરેટ” જેવા નામો થી કાર્ટેલ રચીને કામ કરતા હોવાના સમાચારો ચમક્યા હતા. ભારત, અમેરિકા કે સિંગાપોર બજારો મેનીપ્યુલેસન થી બાકાત રહી શકતા નથી, એ વરવી વાસ્તવિકતા છે. યુએસ સ્પોટ માં સોનું ૧૯૦૦ ડોલર થી ૧૨૦૦ ડોલર ઘટ્યું, તે દરમ્યાન આ બન્ને ધાતુઓ ની ગ્લોબલ માંગ માં શા પરિવર્તનો આવ્યા તે બાબત ફરી ક્યારેક ચર્ચા કરીશું. હાલ માં વાત ક્રુડ ની. સતત તેર અઠવાડિયા ઘટ્યા બાદ ગયા અઠવાડિયે યુએસ ક્રુડ માં ૯૨.૫૦ ડોલર થી સીધો ૯૭.૫૦ ડોલર નો મોટો ઉછાળો જોવાયો છે. આપણા છેલ્લા ત્રણ અંકો માં ક્રુડ માં સુધારો જોવાવા વિષે લખતા રહ્યા. પણ બે અઠવાડિયા ક્રુડ ઘટ્યું. ક્રુડ માં જે રીતે વીકલી ચાર્ટ ક્ન્સોલીડેસન થયા છે, તે જોતા ક્રુડ માં ઘટાડો માન્યા માં નહોતો આવતો. યુએસ ક્રુડ માં ફરી પાછો એજ ૧૦૦ ડોલર નો હવે અવરોધ છે. પણ, ક્રુડ માં કોઈ નક્કર ટ્રેન્ડ પરખવા હવે બે-એક અઠવાડિયા ધીરજ રાખવી પડે.

	નિફ્ટી આંક	પી ઈ
ડીસેમ્બર ૨૦૦૭	૬૦૯૦	૨૫.૮
નવેમ્બર ૨૦૧૦	૬૩૦૦	૨૫.૧૨
ડીસેમ્બર ૨૦૧૩	૬૧૦૦	૧૮.૫૦

Yesterday $Index closed below 200 Weeks' Exponential Moving Average.

Why is it so important?

US Dollar Index Monthly chart

Nifty Monthly chart

Modi inn or out, Market is just searching for a reason.

Will elections be an important event?

With the Assembly elections knocking the doors, the common talk of the traders is "how one person's PM candidature is going to affect the market". One such event we had seen this year is the incumbency of RBI governor. I heard a lot of traders stating "merely a change of RBI governor can not change the outlook of the market and the bulls will loose their grip soon." How far the markets will sustain the current level that's the matter of time. But, when we look around, we see a lot of people quitting the market. Many brokers reduced their staff and shrunk their presence. Many sub-brokers surrendered their registerations. Mutual Funds are net seller through out the year because of the redumption pressure. On the other side,  FIIs remained net buyers in Nifty 50 as well as CNX 100 shares. 

Current valuation of market

Source of data: http://www.nseindia.com/products/content/equities/indices/historical_pepb.htm

On global fronts, this year, our currency depreciated worst in last 20 years. Which provided a great opportunity to the Foreigners to buy many quality shares at throw away prices. The US market, which has been in One-sided bull run since 2009 may correct soon. The US Dollar Index has been with-holding the mark of 80, because of weakening Japanese Yen. 

Though the Nifty is at 6000, the valuations are still at undervalue levels. Finally, to conclude, I would say that this is an undervalue market where the quality holdings are in hands of the FIIs and an Average trader has become used to with short-sellings and for the investor equity is the last option after Real-estate and Gold.

So, the market is just in a search of a reason where rampant, sharp and swift move.

Sheetalpuri Goswami

પાછલી તેજી ના અશ્વો મોડે મોડે જાગ્યા

૨૦૦૮ સુધી ની તેજી ના તોફાની અશ્વો રિલાયન્સ, રિલાયન્સ કેપિટલ, ડીએલએફ, તાતા સ્ટીલ વગેરે શેરો માં ૨૦૦૦૦ સુધીના સેન્સેક્સ આંક સુધી કોઈ તેજી જોવાઈ નહી. ક્યારેક આઈટી, તો ક્યારેક ફાર્મા, ક્યારેક સિમેન્ટ તો ક્યારેક ઓટો શેરો આ પાંચ વર્ષ દરમ્યાન ચમકતા રહ્યા છે. પરંતુ, નાના રોકાણકરો ના પોર્ટફોલીઓ માં સહુથી ઊંચું હોલ્ડીંગ ધરાવનાર આ શેરો તેજી માં બાકાત રહ્યા છે. મોડે-મોડે ભલે, પણ હવે આ શેરો માં પણ ચમકારા શરુ થયા છે. તાતા સ્ટીલ ના ૨૦૦ થી ૪૦૦ સુધી ના સીધા ૧૦૦ ટકા ના ઉછાળા પહેલા રિલાયન્સ કોમ્યુનીકેશન માં પણ મોટો ઉછાળો જોવાઈ ચુક્યો છે. મંગળવાર ના બંધ ને ધ્યાન માં લેતા રિલાયન્સ કેપિટલ, ડીએલએફ અને રિલાયન્સ ઉછાળા બતાવી શકે છે. રિલાયન્સ માં ૮૬૬ ના ઊંચા મથાળે થી મંગળવાર ના રોજ સુધારો અટક્યો છે. પરંતુ, છેલ્લા ચાર દિવસ ની ચાલ જોતા હાલ માં રિલાયન્સ ૮૮૦ ના અવરોધ ને પડકારવા તરફ ધપી રહ્યો છે. રિલાયન્સ કેપિટલ માં પણ ૩૭૭ પાસે એક ટેકો રચાયો છે અને ૩૮૮ વટાવતા હવે આ શેર માં આઠ-દસ દિવસ માં ૪૧૦-૪૧૨ સુધીનો ઉછાળો જોવાઈ શકે છે.

નિફ્ટી સ્પોટ માટે ૬૨૩૧ અવરોધ

મંગળવાર ના રોજ ડીસેમ્બર સીરીઝ ની શરૂઆત સાથે જ બજાર માં જોવાયેલ લેવાલી ને બ્રેક લાગી. નિફ્ટી સ્પોટ સોમવાર ના ૬૨૨૯ ના હાઈ ની સામે ૬૨૨૫ થી જ અટવાતું રહ્યું અને નીચા માં ૬૧૯૧ સુધી ના ઘટાડા બાદ ૬૨૦૦ ના સાયકોલોજીકલ લેવલ ની ઉપર ૬૨૦૨ બંધ રહ્યું. અગાઉ મે મહિના માં પણ નિફ્ટી સ્પોટ માં આ જ સ્તરે થી વેચવાલી જોવાઈ હોઈ, હાલ પુરતું આ સ્તર નિફ્ટી માં અવરોધ બની રહ્યું છે. સરવાળે નિફ્ટી સ્પોટ જ્યાં સુધી ૬૧૨૦ ની ઉપર જળવાયેલું છે, ટ્રેન્ડ તેજી તરફી જ છે અને ૬૨૩૧ વટાવતા નિફ્ટી સપાટાબંધ ૬૩૫૦ તરફ પ્રયાણ કરે. સોમવાર નો ખુલ્યા-નીચો આંક ૬૧૭૧ હાલ માં નિફ્ટી સ્પોટ નો નજીક નો ટેકો છે.

ચાંદી ૧૯.૧૦ ડોલર

છેલ્લા ત્રણ અઠવાડિયા થી ચાંદી માટે ૧૯ ડોલર ના ટાર્ગેટ વિષે લખતા રહ્યા છીએ. યુએસ સ્પોટ માં ચાંદી માં ૧૯.૧૦ ડોલર નું સ્તર જોવાઈ ગયું છતાં ચાંદી માં હજી રુખ નરમી નો જ છે. હજી ચાંદી માં “સાઈડ વે” ચાલ બાકી હોઈ, તેજી નો વેપાર હજી પણ જોખમી છે.

ફેડ નો ફફડાટ શમ્યો નથી

શું નિફ્ટી ૭૦૦૦ આવી શકે?

કીમતી ધાતુ માં હજી પણ હાઈ-એલર્ટ યથાવત

છેલ્લા બે અઠવાડિયા થી યુએસ ડોલર ઇન્ડેક્સ ૮૦.૪૮ ની ૨૦૦ અઠવાડિયા ની એક્ષ્પોનેન્શીય્લ એવરેજ ના ટેકા ને જાળવી રહ્યો છે. ત્રણ અઠવાડિયા ની નરમ ચાલ દરમ્યાન પણ ડોલર ઇન્ડેક્સ આ ટેકા ને જાળવવા માં સફળ રહ્યો છે. ડોલર ઇન્ડેક્સ ના મુખ્ય ઘટક એવા યુરો માં ત્રણ અઠવાડિયા થી સતત સુધારો ચાલુ છે અને આ ત્રણેય અઠવાડિયા દરમ્યાન યુરો ડોલર સામે સુધરતો રહ્યો છે. ગયા અઠવાડિયે જે આપણે ડોલર ના યેન સામે ના જે બ્રેક-આઉટ ની અને “યેન કેરી ટ્રેડ” ના પોઝીટીવ બદલા ની શરૂઆત ની જે વાત કરી હતી, તે યેન ના ઘટાડા ને લીધે ડોલર ઇન્ડેક્સ આ અઠવાડિયે પણ તેની મહત્વ ની એવરેજ ની ઉપર ટકી ગયો છે. ગયા અઠવાડિયે જે યેન ના ઘટાડા નું સૂચવ્યું હતું, તે ઘટાડા ની શરૂઆત થઇ ચુકી છે. JPYINR આગલા અઠવાડિયે ૬૨ ની ઉપર બંધ હતો, તે ગયા અઠવાડિયે ૬૦.૯૦ બંધ રહ્યો છે. આ અઠવાડિયે યેન માં ૫૯ સુધી નો ઘટાડો જોવાય તો નવાઈ નહી. ટુક માં જાપાન ની સરકાર ની યેન ને નરમ રાખવા ની નીતિ હાલ માં ડોલર ને ટેકો આપી રહી છે, બાકી યુએસ માં જે “ફોર્સ શટ ડાઉન” ની ઘટના બની, તે પછી અમેરિકા તરફ થી કોઈ આકરું સરપ્રાઈઝ અપેક્ષિત છે. યુએસ ડોલર ઇન્ડેક્સ, EURUSD અને યુએસ ક્રુડ ૨૦૦ અઠવાડિયા ની એક્ષ્પોનેન્શીય્લ એવરેજ ના ટેકા ને જાળવી રહ્યા છે. આ ત્રણેય માં આ મહત્વ ની એવરેજ પાસે થી જે કોઈ મોટા ટ્રેન્ડ-રિવર્સલ જોવાયા, તો ગ્લોબલ માર્કેટ માં નવા સમીકરણો રચાશે.

યુએસ પોતાના અર્થતંત્ર માં લીક્વીડીટી જાળવી રાખવા માટે જે કોઈ પણ પગલા લેશે, હાલ પુરતું તો એમ લાગી રહ્યું છે કે તેના એ પગલે વિકાસશીલ અર્થતંત્રો ને ફાયદો થવો જોઈએ. જે રીતે રૂપિયા અને સાથે સાથે શેરબજાર માં પણ સુધારો જળવાયેલો છે, તે જોતા યુએસ ફેડ ધ્વારા અમેરિકા ના અર્થતંત્ર માં લીક્વીડીટી વધારવા નો કોઈ પ્રયાસ થયો, તો તેમાં ભારત ને લાભ અવશ્ય થશે. નવેમ્બર માસ ના બીજા અઠવાડિયા માં જયારે સતત પાંચમાં અઠવાડિયે ડોલર રૂપિયા સામે સુધર્યો અને ૬૩.૯ સુધી નો ઉછાળો બતાવી ૬૨.૯૬ બંધ રહ્યો, ત્યારે બધા જ નિષ્ણાતો ડોલર ના ફરી મોટા ઉછાળા ની વાતો કરવા માંડ્યા હતા. આપણી કોલમ માં ત્યારે પણ લખ્યું હતું કે “ડોલર ના રૂપિયા સામે ના જે કોઈપણ ઉછાળા જોવાય, તે સરવાળે છેતરામણા રહે”. રૂપિયા નો ઘસારો વર્ષ ૨૦૧૩ માં જે પેનિક બતાવી ચુક્યો છે, તે જોતા USDINR તેના છેલ્લા તબક્કા ની તેજી બતાવી ચુક્યો છે અને હવે તેમાં “સાઈડ-વે અને ત્યારબાદ ઘટાડો” એવી ચાલ જોવાય.

રૂપિયા ના આ સુધારા ને શેરબજાર પણ સમર્થન આપી રહ્યું હોય એમ નિફ્ટી આંક ૬૦૦૦ ની ઉપર જળવાયેલો છે. ગતાંક માં નિફ્ટી માટે ૬૧૨૮ નું સ્તર અવરોધ હોવાનું લખ્યું હતું. કેમકે, અગાઉ ના બે અઠવાડિયા જયારે નિફ્ટી સાપ્તાહિક ધોરણે ઘટી ને બંધ રહી, તે બન્ને અઠવાડિયા ના નિફ્ટી સ્પોટ ના ખુલ્યા સ્તર હતા ૬૧૨૮ આસપાસ. ગયું આખું અઠવાડિયું નિફ્ટી આ સ્તર ની નીચે જ રહી. પણ, જ્યાં નવેમ્બર માસ ની ડેરીવેટીવ સીરીઝ પૂરી થઇ, ત્યાં જ નિફ્ટી માં ફરી પાછો સિત્તેર-એશી પોઈન્ટ નો ઉછાળો જોવાયો. જે રીતે નાના રોકાણકારો શેરબજાર થી દુર થઇ ગયા છે, બ્રોકરો જે રીતે પોતાના કામકાજો ઘટાડી રહ્યા છે, જે રીતે મુચ્યુઅલ ફંડો માંથી રોકાણકારો રોજે-રોજ પોતાના રોકાણો પાછા ખેંચી રહ્યા છે અને જે રીતે વિદેશી રોકાણકારો મુખ્ય શેરો ઉપરાંત સીએનએક્સ ૧૦૦ માં પોતાનું રોકાણ વધારી રહ્યા છે, તે જોતા નિફ્ટી ૭૦૦૦ આવી જાય તો પણ નવાઈ નહી. બીજું કે વીકલી ચાર્ટ પર નિફ્ટી માં ખુબ લાર્જર ડીગ્રી ની “કપ એન્ડ હેન્ડલ” પેટર્ન નું નિર્માણ થયું છે. આ પેટર્ન નું બ્રેક-આઉટ આવશે ૬૩૫૦ ની ઉપર. મતલબ કે નિફ્ટી સ્પોટ માં ૬૩૫૦ કે તેની ઉપર નો સાપ્તાહિક બંધ જોવાય ત્યારે જ. જો અને તો ની ભાષા ને ભલે આપણે એનાલીષ્ટો માટે અનામત રાખેલી ભાષા કહેતા હોઈએ, પણ “જો નિફ્ટી સ્પોટ માં ૬૩૫૦ ની ઉપર નો સાપ્તાહિક બંધ જોવાયો, તો પંદર અઠવાડિયા માં જ નિફ્ટી ૭૦૦૦ ને સ્પર્શી શકે છે.”

કીમતી ધાતુઓ ની વાત કરીએ તો છેલ્લા ત્રણ અઠવાડિયા થી સોનું ૨૯૭૦૦ થી ૩૦૭૦૦ ની રેંજ માં જળવાયેલું છે. સામે યુએસ સ્પોટ માં સોનું સતત ચાર અઠવાડિયા ના ઘટાડા બાદ ગયા અઠવાડિયે નાના સુધારા સાથે બંધ રહ્યું છે. ગયા અઠવાડિયે ૧૨૫૧.૩૫ ડોલર બંધ રહેલ યુએસ સ્પોટ માં જ્યાં સુધી સોનું ૧૨૯૯ ડોલર ની નીચે જળવાયેલું છે, ત્યાં સુધી સોના માં મોટા કડાકા ની શક્યતા યથાવત છે. આંતરાષ્ટ્રીય બજાર માં પાંચ અઠવાડિયા માં સોના માં ૧૦૦ ડોલર નો કડાકો બોલાઈ ગયો, પરંતુ અહી એ પાંચ અઠવાડિયા દરમ્યાન રૂપિયા ના ઘટાડા ને લીધે સોનું જળવાયેલું રહ્યું. હવે નો યુએસ સ્પોટ નો ઘટાડો ભારતીય બજાર માં પણ તીવ્ર ઘટાડો લાવી શકે. તેજી માટે સોના માં ૩૦૮૦૦ ની ઉપર નો બંધ ન જોવાય, ત્યાં સુધી વેપાર જોખમી છે. ચાંદી માટે આપણી કોલમ માં સતત બે અઠવાડિયા થી ૧૯ ડોલર સુધી ના ઘટાડા વિષે લખતા રહ્યા છીએ. છેલ્લા પાંચ અઠવાડિયા થી ઘટતી રહેલી ચાંદી યુએસ સ્પોટ માં ગયા અઠવાડિયે નાના સુધારા સાથે ૧૯.૯૯ ડોલર બંધ રહી છે. પરંતુ, ચાંદી માં સરવાળે હજી પણ ટ્રેન્ડ મંદી નો છે અને ચાંદી ૧૯ ડોલર સુધી નો ઘટાડો બતાવી શકે છે. એમસીએક્સ વાયદા માં ૪૨૮૦૦ મોટો ટેકો છે અને આ ટેકો તૂટે તો વધારે નીચા ભાવો પણ જોવાઈ શકે છે. જ્યાં સુધી ચાંદી માં ૪૫૮૦૦ ની ઉપર નો બંધ ન જોવાય, ટ્રેન્ડ નરમી નો છે. છેક સપ્ટેમ્બર ૨૦૧૨ થી ચાંદી માં અમેરિકી સંસ્થાઓ નું હેમરીંગ ચાલુ જ છે. યુએસ સ્પોટ માં ચાંદી માં હવે જે ઘટાડો જોવાશે, તેમાં ચાંદી ત્રણ વર્ષ ના ઘટાડા ના ટ્રેન્ડ માં બોટમ-આઉટ થઇ શકે. પરંતુ, જયારે કોઈપણ સ્ટોક, ઇન્ડેક્સ, કોમોડીટી કે કરન્સી ટોપ-આઉટ કે બોટમ-આઉટ થાય ત્યારે તે વખત ના ટ્રેન્ડ ની નક્કરતા વિષે ટ્રેડરો નો વિશ્વાસ ચરમસીમાએ પહોચે. ચાંદી માં આવા બોટમ-આઉટ માટે ૧૯ ડોલર સુધી નો ઘટાડો અને ત્યારબાદ ત્રણ થી ચાર મહિના તે સ્તર ની આસપાસ ઘુટાઉ જરૂરી છે.

ગયા અઠવાડિયે આપણે ક્રુડ-ઓઈલ માં ઉછાળા ની શક્યતા જણાવી હતી. પરંતુ સતત નવમાં અઠવાડિયે ક્રુડ માં ઘટાડો જળવાયેલો રહ્યો છે. યુએસ ક્રુડ માં ૯૨ ડોલર નું સ્તર ૨૦૦ અઠવાડિયા ની સાપ્તાહિક એક્ષ્પોનેન્શીય્લ એવરેજ છે અને ગયા અઠવાડિયે ક્રુડ ૯૧.૭૭ ડોલર નું નીચું સ્તર બનાવી ૯૨.૭૨ ડોલર બંધ રહ્યું છે. સાપ્તાહિક ધોરણે ક્રુડ ઓવર-સોલ્ડ પોઝીશન માં છે. પરંતુ, હજી આ અઠવાડિયે શરૂઆત માં ૯૨ ડોલર ના સ્તર ને જાળવવા માં સફળ રહ્યું તો ક્રુડ માં ઉછાળો જોવાઈ શકે. જયારે નેચરલ ગેસ ના વાયદા માટે ગતાંક માં ૨૫૭ સુધી ના ઉછાળા ની વાત કરી હતી. ગયા અઠવાડિયે ૨૪૬.૭ બંધ રહેલ ગેસ માં હજી પણ આ ટાર્ગેટ યથાવત છે.

અન્ય ધાતુઓ ની વાત કરીએ તો ગયા સપ્ટેમ્બર માસ માં જે પહેલા અઠવાડિયા માં રૂપિયા ના રકાસ ને લીધે ધાતુઓ માં જે ઊંચા ભાવો નોધાયા, તે ભાવો થી એલ્યુમીનીયમ, કોપર, લેડ અને ઝીંક આ તમામ ધાતુઓ સરવાળે ઘટાડા ના ટ્રેન્ડ માં રહી છે. હાલ માં એલ્યુમીનીયમ સતત ત્રણ અઠવાડિયા ઘટ્યું, તો કોપર બે અઠવાડિયા થી નાનો સુધારો નોધાવી રહ્યું છે. લેડ છેલ્લા ચાર અઠવાડિયા થી સરવાળે ઘટાડા તરફી છે. તો નિકલ સતત નીચા સ્તરો બતાવી રહ્યું છે. ઝીંક માં પાંચ અઠવાડિયા ની તેજી બાદ ત્રણ અઠવાડિયા થી ઘટાડો જોવાતો રહ્યો છે. ટુકમાં આ તમામ ધાતુઓ માં ઉછાળે ટ્રેન્ડ વેચવાલી નો છે.

	છેલ્લો બંધ	૨૦૦ સપ્તાહ ની એક્ષ્પ એવરેજ	ગ્લોબલ ટ્રેન્ડ પર અસર
યુએસ ડોલર ઇન્ડેક્સ	૮૦.૬૪૫૦	૮૦.૪૯૨૧	ડોલર ઇન્ડેક્સ નો ઘટાડો વિકાસશીલ અર્થતંત્રો માં રોકાણો વધારે.
EURUSD	૧.૩૫૯૦	૧.૩૩૧૬	યુરો સુધરતા ડોલર ઇન્ડેક્સ માં નરમી જળવાય.
યુએસ ક્રુડ	૯૨.૭૨ ડોલર	૯૨.૦૮ ડોલર	ક્રુડ ના ભાવો જળવાતા ઉત્પાદન ખર્ચ જળવાયેલ રહે. જો કે ક્રુડ ના વધારે ઘટતા ભાવો અર્થતંત્ર માં મંદી ની નિશાની પણ કહેવાય.

શેર બજાર માં આવી શકે છે કડાકો

છેલ્લા આઠ અઠવાડિયા થી મુખ્ય ઇન્ડેક્ષો માં સીધી અને સડસડાટ ચાલ જોવાઈ છે. રાઈસિંગ એજ ની આ ચાલ માં જયારે પણ યુ-ટન જોવાય, તો ઘટાડા ની ચાલ પણ ઝડપી રહે. આપણા શનિવાર ના આર્ટીકલ માં પણ નિફ્ટી સ્પોટ માટે ૬૩૩૫ મુખ્ય અવરોધ હોવાનું જણાવ્યું છે. હાલ માં ઇન્ડેક્ષ ૬૨૦૦ ના મથાળા ની ઉપર બંધ છે અને વેચાણ માટે બજાર માં કોઈ જ કારણ દેખાતું નથી. પરંતુ, ટેકનીકલી બજાર ઓવર-બોટ ઝોન માં આવી ચુક્યું છે. આપણા ૫ ઓક્ટોબર ના અંક માં પણ જયારે નિફ્ટી માટે ૬૨૨૦ નું ટાર્ગેટ જણાવ્યું હતું, ત્યારે લખ્યું હતું કે ચારેક અઠવાડિયા માં ટોપ-આઉટ પણ શક્ય છે.


વેચાણ ના વેપાર માટે બેન્કિંગ શેર યોગ્ય

USDINR કે જે છેલ્લા આઠ અઠવાડિયા થી સતત ઘટાડા તરફી છે, તેમાં અઠવાડિયા ની શરૂઆત માં જ ફરી પાછો સળવળાટ શરુ થયો છે. હા, અહી થી USDINR માં જે ઉછાળા જોવાશે તે છેતરામણા હશે, તે સાચું. પણ, રૂપિયા માં આવતો ઘસારો બેન્કિંગ શેરો માં વેચવાલી નું દબાણ લાવે. જો કે ઓઈલ અને મેટલ શેરો માં પણ હાલ ની તેજી માં જે ઉછાળા જોવાયા છે, તે મુજબ વેચાણ જોવાઈ શકે.

ચાંદી માં ઉછાળા ની છે શક્યતા

એક તરફ ડોલર રૂપિયા સામે સતત પીટાયા પછી હવે એકાદ ઉછાળા માટે તૈયાર છે, તો બીજી તરફ યુએસ સ્પોટ માં ચાંદી ૨૨.૫૦ ડોલર ના મહત્વ ના અવરોધ ને સ્પર્શવા ભણી છે. એમસીએકસ વાયદા માં ૨૧ તારીખ ના રોજ સાંજ ના છ વાગ્યા થી ચાંદી સતત ૪૯૨૦૦ પાસે અવરોધાતી રહી. સરવાળે ચાંદી માં ૪૯૭૫૦ ઉપર ની ચાલ જોવાતા ૫૧૮૦૦ સુધી નો ઉછાળો શક્ય છે. જયારે સોના માં યુએસ સ્પોટ માં ૧૩૨૮ વટાવતા ૧૩૫૭ ડોલર ની શક્યતા છે.

સોના ની ચમક દિવાળી પુરતી મર્યાદિત

ગયા અઠવાડિયે સોના માં ૨૮૩૫૦ થી ૨૯૪૮૦ સુધી નો, એટલે કે ૧૦૦૦ રૂપિયા થી વધારે નો ઉછાળો નોધાયો છે. દિવાળી ટાણે સોના માં આવેલો આ ઉછાળો મહદઅંશે તહેવાર ની આ મોસમ ને આભારી કહી શકાય. આમ તો જો કે આંતરાષ્ટ્રીય બજાર માં પણ સોના માં ગયા અઠવાડિયે ૧૨૫૦ ડોલર આસપાસ થી જે સુધારો શરુ થયો, તેમાં ૧૩૧૫ ડોલર સુધી ના ભાવો જોવાયા છે.

આંતરાષ્ટ્રીય બજાર માં સોના ની લેવાલી નરમ ડોલર ને આભારી 

યુરો અને યેન સામે ડોલર નરમ પડવા માંડ્યો છે. યુરો ડોલર સામે ૧.૩૬૯૦ નું સ્તર આવતા અઠવાડિયે વટાવે એની પૂરી શક્યતાઓ છે. આ સ્તર વટાવતા યુરો ડોલર સામે બે વર્ષ ના હાઈ પર પહોચશે. આંતરાષ્ટ્રીય સ્તરે જયારે ડોલર નરમ પડવા માંડે છે, ત્યારે વિદેશી ભંડોળ માં ડોલર ના વિકલ્પ તરીકે દુનિયા ના દેશો ની આંતરાષ્ટ્રીય બજારો માં સોના માં લેવાલી વધતી હોય છે. આમ હાલ માં નરમ પડી રહેલ યુએસ ડોલર ઇન્ડેક્ષ આંતરાષ્ટ્રીય બજારો માં સોના ના ભાવો માં સુધારા માટે કારણભૂત છે. 

રૂપિયા ની તાકાત સોના ની ચમક ફીકી પાડે 

આપણા બજારો ને લાગે વળગે છે, ત્યાં એટલું જરૂર કહી શકાય કે હાલ નો રૂપિયા નો સુધારો સોના માં ઉછાળા ને ધીમો કરે. USDINR માં હાલ માં ૬૦.૫૫ તૂટતા ચાર અઠવાડિયા માં ૫૮.૫૦ સુધી ના સ્તરો ની શક્યતા જોતા (૬૦.૫૫ તૂટે તો જ), આંતરાષ્ટ્રીય સ્તરે સોનું સુધરવા છતાં અહી ભાવો માં મોટા ઉછાળા ન જોવાય. અહી એ નોધવું રહ્યું કે એમસીએક્સ વાયદા માં સોના માં હવે ૨૮૩૫૦ મુખ્ય ટેકો છે અને જ્યાં સુધી આ ટેકો અકબંધ રહે, સોનું સુધારા તરફી છે. એ ન્યાયે હાલ ની દિવાળી ની મોસમ માં સોના માં ચમક જળવાયેલી રહે. 

સોના માં ઓગસ્ટ માં થયું ટોપ-આઉટ

ગયા ઓગસ્ટ માસ માં જે રીતે રૂપિયા માં પેનિક થયું અને સોના માં ૩૫૦૦૦ સુધી ના કમોસમી ઉછાળા નોધાઇ ગયા, તે જોતા સોના માં ટોપ-આઉટ થઇ ગયા ની શક્યતાઓ પુરતી છે. ૨૯૫૦૦ આસપાસ બંધ રહેલ સોના માં ઉછાળે હવે ૩૧૯૦૦ મુખ્ય અવરોધ છે અને તહેવારો ની લેવાલી માં આ અવરોધ મહત્વ નો સાબિત થાય. સરવાળે દિવાળી ની આતશબાજી માં સોના ની ચમક થી અંજાઈ ન જવું સારું!

૬૩૩૫ - નિફ્ટી સ્પોટ માટે "લાઈન ઓફ કન્ટ્રોલ"


તા. ૫ ઓક્ટોબર ના રોજ નિફ્ટી માં વીકલી ચાર્ટ પર રચાઈ રહેલ "કપ એન્ડ હેન્ડલ" પેટર્ન વિષે જણાવ્યું હતું.

જયારે બજાર માં સર્વત્ર "વેચો-વેચો" ની વાતો સાંભળવા મળતી હતી, ત્યારે આપણી આ વેબ-સાઈટ પર નિફ્ટી માટે ૬૨૨૦ નું ટાર્ગેટ જણાવ્યું હતું.  હાલ માં ખરાબ ઔદ્યોગિક ઉત્પાદન ના આંકડા (આઈઆઈપી) અને તેજી માટે ના કોઇપણ સમાચાર ના અભાવ છતાં બજાર માં સતત લેવાલી જળવાયેલી રહી. ડોલર ઇન્ડેક્ષ માં શરુ થયેલ નરમી કે બીજા શબ્દો માં કહીએ તો ડોલર યુરો, પાઉન્ડ જેવી કરન્સી સામે નરમ રહેવા નું શરુ થતા, એમર્જિંગ માર્કેટ્સ માં તેજી જોવાઈ છે.

બ્રેક-આઉટ સાચું પણ, સાવચેતી જરૂરી
આપણી "કપ એન્ડ હેન્ડલ" પેટર્ન માં ૬૧૦૦ ની ઉપર બ્રેક-આઉટ જણાવ્યું હતું, ગયા અઠવાડિયે નિફ્ટી સ્પોટ ના ૬૧૮૧ ના બંધ સાથે આ બ્રેક-આઉટ કન્ફર્મ થયું છે. પરંતુ, અહી એ ન ભૂલવું જોઈએ કે આ વીકલી ચાર્ટ ના બ્રેક-આઉટ ની વાત ચાલે છે. મોટે ભાગે આવા બ્રેક-આઉટ ને એક થી વધારે પ્રયત્ન ની જરૂર પડે છે. હાલ માં ચાલતો આ વર્ટીકલ રાઈસ મુખ્ય અવરોધ પાસે થી એકાદ કરેકશન આપે એવી શક્યતા વધારે છે.





છેલ્લા આઠ અઠવાડિયા થી નિફ્ટી માં વર્ટીકલ રાઈસ
ઓગસ્ટ મહિના ના છેલ્લા અઠવાડિયા માં નિફ્ટી માં જ્યાં ૫૧૧૮ નું બોટમ બન્યું, ત્યાર થી નિફ્ટી માં સીધી અને સડસડાટ ચાલ જળવાયેલી છે. સપ્ટેમ્બર માસ ના એક અઠવાડિયા ને બાદ કરતા બધા જ અઠવાડિયા ના બંધ સાપ્તાહિક ખુલ્યા ભાવ થી ઉપર રહ્યા છે. આ જોતા નવેમ્બર ૨૦૧૦ નો ૬૩૩૫ નો સાપ્તાહિક ખુલ્યો અને ઉંચો આંક નિફ્ટી ની આ દોડ ને થંભાવે.

ઇન્ડેક્ષ શેરો માં રિલાયન્સ, ભારતી દમદાર: તોફાની દોર માં હેવીવેટ ટ્રેડીંગ માટે સલામત વિકલ્પ

ગયા અઠવાડિયે રિલાયન્સ ૨૦૦ અઠવાડિયા ની એવરેજ કે જે ૮૬૫ આસપાસ છે, ત્યાં ખુલ્યો અને ૯૦૦ ના આંક ની ઉપર બંધ રહ્યો. ડોલર સામે સુધરતો રૂપિયો અને આંતરાષ્ટ્રીય બજારો માં તોફાની ક્રુડ - આ સંજોગો રિલાયન્સ ને આવનાર સમય માં ખુબ ફાયદો કરાવે. ક્રુડ અને ડોલર વિષે આપણે ફરી ક્યારેક ચર્ચા કરીશું, પણ હાલ માં રિલાયન્સ ૯૨૨ અને ૯૪૫ ના લેવલ તરફી રહે.

નિફ્ટી જુનીયર શેરો માં વધારે તોફાની ચાલ 
મુખ્ય ઇન્ડેક્ષો ના આ ઉછાળા ને પગલે અન્ય શેરો માં વધારે તોફાની તેજી ની ચાલ જોવાય. પરંતુ આવી ચાલ માં ફસાવા થી દુર રહેવું હિતાવહ. અગર પોઝીશન બનાવી હોય તો યોગ્ય સ્ટોપલોસ અવશ્ય રાખવો. 

શું કપ એન્ડ હેન્ડલ પેટર્ન બ્રેક-આઉટ બતાવશે?

મિત્રો ને ગયા અઠવાડિયે જણાવેલ "કપ એન્ડ હેન્ડલ પેટર્ન" યાદ હશે.

યાદ છે, ગયા અઠવાડિયે જયારે સહુ કોઈ વેચો વેચો કહેતા હતા, ત્યારે મારા આ બ્લોગ પર ૬૧૦૦ ના નિફ્ટી આંક વિષે લખ્યું હતું. 

મિત્રો, આ શેર બજાર છે And not a Cup of Tea.

ગયા અઠવાડિયા ની કપ એન્ડ હેડલ પેટર્ન 

હવે, આવતા અઠવાડિયે શું?

બધું બરાબર છે, કે કપ એન્ડ હેન્ડલ પેટર્ન નું બ્રેક-આઉટ અગર આવે, તો બજાર માં તોફાની તેજી થાય. પણ, તેજી ના અશ્વો દોડાવતા પહેલા એટલું જરૂર નોધી લેજો કે આ વીકલી બ્રેક-આઉટ ની વાત છે. આવા મોટા બ્રેક-આઉટ એમ આસાની થી ન જોવાય.

ઉપર ચાર્ટ માં એ પણ જણાવ્યું છે, કે UO ૭૦ ભણી હોઈ, હાલ પુરતું એકાદ ટોપ-આઉટ શક્ય છે.

વધારે તો કાઈ નહી, પણ આવતા અઠવાડિયે બુધવાર ની રજા બજાર ના ખેલંદાઓ આનંદ થી માણી લેજો.

ગુરુવારે મને ભૂલતા નહી.

શીતલપૂરી ગોસ્વામી

ટ્રેન્ડ ઇસ યોર ફ્રેન્ડ:

મોટા પ્રમાણ માં ઘટેલ કોઈ શેર હાલ માં કેટલા આકર્ષક સ્તર પર છે કે એ કયા ભાવ થી અન્ડર વેલ્યુડ કહેવાય એની પળોજણ માં પડ્યા કરતા વીતેલા અઠવાડિયા માં તેજી નો ટ્રેન્ડ જાળવી રાખનાર કે તેજી ના ટ્રેન્ડ માં આવેલ આ શેરો ટ્રેડીંગ માટે શ્રેષ્ટ રહે.

બજાજ-ઓટો: વીતેલા અઠવાડિયા માં સાપ્તાહિક ૬% થી વધારે ના ઉછાળા સાથે બંધ રહેલ આ શેર માં આવતા અઠવાડિયે ૨૦૫૧ આસપાસ  ૧૯૯૦ ના સ્ટોપ થી લેણ કરાય. અઠવાડિયા દરમ્યાન આ શેર માં ૨૨૧૦ સુધીના ઉછાળા ની શક્યતા છે.

ડીવીસ લેબ:  ડીસેમ્બર મહિના ના ૧૧૮૬ ના મથાળે થી આ શેર માં દસ મહિના દરમ્યાન સતત નીચા ભાવો જોવાતા રહ્યા છે. શુક્રવાર ના રોજ ૧૦૨૨ પર બંધ રહેલ આ શેર માં વીતેલા અઠવાડિયા માં ત્રણ ટકા નો સુધારો નોધાયો છે. ઉપરાંત, હાલ માં ફોલીંગ ચેનલ ની ઉંચી મર્યાદા ને સ્પર્શી આ શેરે તેજી નો અન્ડરટોન બતાવ્યો હોઈ, પખવાડિયા દરમ્યાન ૯૬૮ ના સ્ટોપલોસ થી ૧૧૦૦ રૂપિયા ના ટાર્ગેટ ને ધ્યાન માં રાખી રોકાણ કરી શકાય.

ઝી એન્ટરટેન: જુન મહિના માં ૧૨૫ ના સ્તરે થી બે વર્ષ ના કોન્સોલીડેસન માંથી આ શેરે મોટા ઉછાળા જાળવી રાખી ફક્ત ચાર મહિના માં આશરે ૯૦% ઉછળ્યો છે. હજી આ અઠવાડિયે પણ ૨૩૧ ના સ્ટોપલોસ થી આ શેર માં ૨૭૦ ના ટાર્ગેટ માટે તેજી ની પોઝીશન બનાવી શકાય.

હિન્દાલ્કો: અમેરિકા ની સ્થાનિક ઉદ્યોગો ને પ્રોત્સાહન આપવા ની નીતિ ને લીધે એક ચીન સિવાય બધા જ દેશો ના મેટલ ના શેરો માં મંદી નો માહોલ આ બે વર્ષો માં જળવાયો છે. આઠ અઠવાડિયા પહેલા ૮૫ ના છેલ્લા પાંચ વર્ષ ના તળીયે થી આ શેર માં સતત સુધારો જ નોધતો રહ્યો છે. આઠ અઠવાડિયા ની તેજી ની ચાલ માં હવે આ શેર તેની ૨૦૦ અઠવાડિયા ની એક્ષ્પોનેન્શીયલ એવરેજ કે જે ૧૨૯ છે, તેને સ્પર્શે તેવી પ્રબળ સમભાવના છે. તેજી ના વેપાર માં જોકે ૧૦૮ નો સ્ટોપલોસ જાળવવો જરૂરી છે.

શું ત્રણ વખત અસફળ રહેલ નિફ્ટી આ વખતે નવો હાઈ બનાવશે?

૨૦૦૮ ના મહા-ધબાય નમ: પછી નિફ્ટી બરાબર ત્રણ વર્ષ પછી જાન્યુઆરી ૨૦૧૧ માં ફરી ૬૨૦૦ ની ઉપર પહોચી હતી. ત્યારે એવું લાગવા માંડ્યું હતું કે ત્રણ વર્ષ ની મંદી જાણે કે પૂરી થઇ ગઈ. પણ, એ પછી રૂપિયા એ જે રકાસ કાઢ્યો, જાણે કે બજાર માંથી તેજી ગુમ જ થઇ ગઈ. હવે ૨૦૧૧ પછી ના બજાર માં સહુ થી વધુ નોધવા જેવી બાબત એ રહી હતી કે આ ગાળા માં ભારત ની ટોચ ની કંપનીઓ ની નફાકારકતા જળવાયેલી રહી હતી. એમ કહેવાય કે ૨૦૧૧ થી ૨૦૧૨ માં આ ટોચ ની કંપનીઓ એ પોતાનો ૨૫-૩૦ ટકા નો વૃદ્ધિદર જાળવી રાખ્યો હતો, પણ સામે રૂપિયો જ પચીસ થી પાંત્રીસ ટકા તુટ્યો એટલે એ નફાકારકતા શેરો ના ભાવો માં સુધારા માં તબદીલ ન થઇ.

હવે, જયારે ડોલર સામે રૂપિયો પાંચ અઠવાડિયા થી સતત સુધારો નોધાવી રહ્યો છે, અમેરિકા માં સ્ટીમ્યુલસ ના સ્ટેરોઈડ છતાં અર્થતંત્ર ની ગાડી પાટા પર થી ઉતરી રહી છે, અને સાથે સાથે નિફ્ટી ૫૧૦૦ ના તળિયા થી ફક્ત એક મહિના માં ૬૧૦૦ બતાવી ચુકી છે, ત્યારે એ પ્રશ્ન સ્વાભાવિક રીતે જ થાય કે શું આ વખતે આ બજાર નવો હાઈ બતાવશે?

જવાબ શોધવા આપણે નિફ્ટી ના વીકલી ચાર્ટ પર નજર કરીએ.

આગલા મહિના ના હજાર પોઈન્ટ ના કડાકા બાદ ગયા મહીને નિફ્ટી ભલે ૧૦૦૦ પોઈન્ટ ફરી ઉછળી, પરંતુ, આ કડાકા માં જ્યાં નેગેટીવ ઝોન નું નિર્માણ થયું, MACD આ નેગેટીવ ઝોન માંથી હજી સુધી બહાર નીકળી શક્યું નથી.

સામે અલ્ટીમેટ ઓસીલેટર ૬૭ વટાવી ને હવે ૭૦ ની ઓવરબોટ સપાટી તરફી છે. જયારે જયારે આ ઓસીલેટર ૬૦ ની ઉપર જોવાયું છે, ત્રણ થી ચાર અઠવાડિયા માં ટોપ-આઉટ બન્યા છે. પરંતુ, એ પણ હકીકત છે કે આવા ઝોન માં જ વધારે તોફાની ચાલ જોવાય છે.

સહુ થી મહત્વ ની વાત, નિફ્ટી ના વીકલી ચાર્ટ પર ની કપ એન્ડ હેન્ડલ પેટર્ન. આ પેટર્ન માં એક ટ્રેન્ડ લાઈન ની ઉપર ની ચાલ જોવાતા, તોફાની તેજી જોવાય છે. નિફ્ટી ના આ કપ એન્ડ હેન્ડલ પેટર્ન નું બ્રેક-આઉટ છે, ૬૨૨૦ આસપાસ.

સરવાળે, પાછલા અઠવાડિયા નો નિફ્ટી નો ખુલ્યો ભાવ ૫૮૦૦ જ્યાં સુધી અકબંધ રહે, આ ટ્રેન્ડ જળવાયેલો રહે. ૬૧૦૦ ની ઉપર ની ચાલ જોવાતા બજાર માં સપાટાબંધ તોફાની ચાલ જોવાય.


આ અઠવાડિયે તેજી ના ટ્રેન્ડ માં :
બજાજ-ઓટો, ડીવીસ લેબ, ઝી એન્ટરટેઈન અને હિન્દાલ્કો આ અઠવાડિયે સુધારા જાળવી રાખે.