25/12/2012


યુ એસ ફિસ્કલ કલીફ ના સમાચારે સોના-ચાંદી માં કડાકો
યુરો ના સુધાર ને પગલે ઔદ્યોગિક ધાતુઓ માં સ્થિરતા 
યુરો રૂપિયા સામે લાઈફ-ટાઇમ હાઈ પર

શેર બજાર માં ભારતીય સંસદ નું બેન્કિંગ બીલ અને કોમોડીટી બજાર માં અમેરિકી સંસદ નું ટેક્ષ સુધાર બીલ  સમગ્ર સપ્તાહ દરમ્યાન ચર્ચા માં રહ્યા. તાજેતર ના સમાચાર મુજબ અમેરિકી કોંગ્રેસે જોહન બોહનર નું ટેક્ષ માં સુધારા માટે નું વિધેયક રદ કર્યું છે. રીપબ્લીક સભ્યો એ "વર્ષે દસ લાખ ડોલર થી વધારે કમાતા અમેરિકનો એ વધારે ટેક્ષ ચુકવવા" ના બીલ ને આગળ વધતું અટકાવ્યું. અમેરિકનો સરકાર ને જે ટેક્ષ ચુકવે તેની સામે સરકાર પોતાના ખર્ચા નો તાળો મેળવી, કેટલા ડોલર ટ્રેઝરી ડીપાર્ટમેન્ટ પાસે થી ઉભા કરવા પડે તે નક્કી કરે. ટ્રેઝરી મારફત આમ જેટલા ડોલર ઊંભા કરવા ની ફરજ પડે એ યુ એસ ની રાજકોષીય ખાધ (ફિસ્કલ ડેફીસીટ). વર્ષ 2012 ના આકડા મુજબ અમેરિકી સરકાર ની આયકર, કોર્પોરેટ ટેક્ષ,  સોશિયલ ઇન્સ્યોરન્સ માંથી અઢી લાખ કરોડ ડોલર ની આવકો સામે સરકાર સામાજિક સલામતી, ડીફેન્સ અને પબ્લિક હેલ્થ તેમ જ સ્વાસ્થ્ય સુવિધાઓ પાછળ વર્ષે સાડા ત્રણ લાખ કરોડ ડોલર ખર્ચે છે. આં રાજકોષીય ખાધ અમેરિકા માં નવી નથી. જયારે અંગ્રેજોએ ભારત માં પગ-પેસારો કરવા નો શરુ કર્યો હતો (ઈ.સ.1757 - સિરાજ-ઉદ-દૌલા અને લોર્ડ કલાઈવ વચ્ચે પ્લાસી લડાઈ) તે ગાળા માં અમેરિકા નો જન્મ (ઈ.સ.1785 - 91) થયો, ત્યારે તા 1લી જાન્યુઆરી 1792 ના રોજ અમેરિકી રાજકોષીય ખાધ સાડા સાત કરોડ ડોલર હતી. ત્યારે અમેરિકી કોંગ્રેસ નાણાં ભંડોળ ઉભું કરવા ને જેમ જરૂર પડે તેમ વખતો વખત પરવાનગી આપતું રહેતું. એક સદી પછી જયારે વિશ્વયુદ્ધ શરુ થયું ત્યારે નિર્ણયો ને ઝડપી બનાવવા માટે નવું નાણાં ભંડોળ ઉભું કરવા માટે ની રકમ ની એક મર્યાદા નક્કી કરી લેવા માં આવી અને યુ એસ ટ્રેઝરી જરૂરત મુજબ બોન્ડ કે ડેટ ઈન્સટ્રુમેન્ટ બહાર પાડી, આ મર્યાદા સુધી નાણાં ઉભા કરી શકે. જો આ મર્યાદા વધારવી હોય તો અમેરિકી કોંગ્રેસ અને પ્રેસિડેન્ટ ની મંજૂરી લેવી પડે. ગયા વર્ષે ઓબામા સરકાર દ્વારા આ ડેટ સીલીંગ વધારવા માં આવ્યું ત્યારે પણ સોના-ચાંદી ઉપરાંત કરન્સી અને વૈશ્વિક બજારો માં પણ તેની ભાવી અસરો ની ચર્ચા એ ખુબ ઝોર પકડ્યું હતું. અગર અમેરિકા નો ઈતિહાસ જોઈએ તો વર્ષ 1962 થી 2012 ના આ પચાસ વર્ષ માં 74 વખત આ ડેટ સીલીંગ વધારાયું છે. બીલ ક્લીન્ટન, જ્યોર્જ બુશ કે બરાક ઓબામા દરેક ના રાજ માં આ જાહેર દેવા ની મર્યાદા વધારવા માં આવી છે. આ રાજકોષીય ખાધ ઓછી કરવા કાં વધારે કર વસુલ કરવો પડે કે ખર્ચ માં કાપ મુકવો પડે. આવી ઉભી થતી પરિસ્થિતિ એટલે ફિસ્કલ કલીફ. સરકાર કર વધારે માંગે કે સામાજિક, સ્વાસ્થ્ય સુવિધાઓ અને ડીફેન્સ નો ખર્ચ ઘટાડે, બન્ને કિસ્સા માં અર્થતંત્ર ની ગતી ધીમી પડે. અમેરિકી અર્થતંત્ર ને લગતા આ સમાચારો ને પગલે સોના-ચાંદી તેમ જ કરન્સી માં મોટી ઉથલપાથલ જોવાઈ. આમ તો જો કે જ્યોર્જ બુશ ના વહીવટી તંત્રે વર્ષ 2002 માં આપેલી કર રાહતો ની સમય મર્યાદા આ ડીસેમ્બર માં પૂર્ણ થતા અમેરિકનો ને ચુકવવા પાત્ર કર એમ પણ વધવા નો છે. હવે, અહી આપણે બજાર ના નિયમો પ્રમાણે વિચારીએ તો અમેરિકી અર્થતંત્ર ધીમું પડે તો ડોલર ઘટે. બરાબર? જો ડોલર ઘટે તો વૈશ્વિક રોકાણકારો રોકાણ ના સલામત વિકલ્પ તરીકે વધારે સોનું લેવા પ્રેરાય? અગર વૈશ્વિક રોકાણકારો વધારે સોનું લે તો વિશ્વ બજાર માં અને તેના પગલે ઘર આંગણે સોના નો ભાવ વધે? તો પછી સોના માં ગયા અઠવાડિયે ગાબડું કેમનું જોવાયું? અહી યાદ કરાવી દઉ કે ગયા અઠવાડિયે આપણી આ કોલમ માં આપણે સોના માટે 30950 તૂટતા 30450 અને ક્રુડ માં 4985 ની શક્યતા જણાવી હતી. હાલ પુરતી આ ચર્ચા અહી અટકાવી આપણી કોલમ ના મૂળ મુદ્દા પર આવી જઈએ. આવતા અંક માં આપણે ટ્રેન્ડ અને તેના નિર્ણાયક પરીબળ ની ચર્ચા કરીશું.

કરન્સી માટે વીતેલું સપ્તાહ નકારાત્મક પરિણામો વાળું રહ્યું. રૂપિયા નો ડોલર સામે નો ઘસારો આગળ ધપ્યો અને સપ્તાહ ના છેલ્લા દિવસે ડોલર રૂપિયા સામે 55.00 ની ઉપર જોવાયો. જયારે યુરો રૂપિયા સામે 73.00 ના સર્વોચ્ચ સ્તરે રહ્યો. બ્રિટીશ પાઉન્ડ, જાપાનીઝ યેન ની સામે સુધરેલા ડોલર ની સામે યુરો બીજા સપ્તાહે પણ સુધરતો રહ્યો. જયારે રૂપિયા માં નરમાઇ બીજા અઠવાડિયે આગળ ધપતા યુરો રૂપિયા સામે 73.05 સુધી જોવાયો. જયારે યેન સામે ડોલર હાલ માં જાણે કે 14 વર્ષ ના ઘટાડા બાદ મોટા પાયે સુધારા તરફી હોય તેમ ઓવર-બોટ ઝોન માં પણ સુધરતો રહ્યો. અઠવાડિયા નો સરવાળો રૂપિયો અને યેન માં ઘસારો, ડોલર માં સામાન્ય ઘસારો અને યુરો માં સામાન્ય સુધારો દર્શાવે છે.

સોનું-ચાંદી: ગતાંક માં સોના માટે લખ્યું હતું કે યુ એસ સ્પોટ માં સોનું દોઢ મહિના માં ત્રીજી વખત 200 દિવસ ની એક્ષ્પોનેન્શીયલ મુવિંગ એવરેજ પાસે આવી રહ્યું હોઈ, આ એવરેજ $1683.50 તૂટતા 1644 ની શક્યતા છે. જયારે MCX ફેબ્રુઆરી વાયદા માં 30950 નો સપોર્ટ તૂટતા 30450 ની શક્યતા જણાવી હતી. મંગળવાર ના રોજ યુ એસ સ્પોટ માં 200EMA તૂટતા  સોનું $1635 સુધી જોવાયું. જયારે MCX ફેબ્રુઆરી વાયદા માં 30370 સુધી નો નીચો ભાવ બતાવ્યા પછી સોના માં પ્રત્યાઘાતી ઉછાળો જોવાયો અને શુક્રવાર ના રોજ 30888 બંધ રહ્યો. હાલ માં યુ એસ સ્પોટ માં $1634 અને MCX વાયદા માં 30480 મહત્વ ના ટેકા છે. હવે, જ્યાં સુધી આ સપોર્ટ અકબંધ રહે, પ્રત્યાઘાતી ઉછાળો આગળ ધપે. એ પણ નોધવું રહ્યું કે હવે ફેબ્રુઆરી વાયદા માં 31160 મોટો અવરોધ છે અને જ્યાં સુધી 31160 ઉપર નો બંધ ન જોવાય, મોટા સુધારા ની આશા ન રાખી શકાય. જયારે ચાંદી માં સોના ના પગલે વેચવાલી આગળ વધી અને ગુરુવાર ના રોજ MCX માર્ચ વાયદા માં સેલર સર્કીટ સુધી નો ભાવ જોવા મળ્યો. સોના ની જેમ ચાંદી માં પણ હવે ગયા અઠવાડિયા નો નીચો ભાવ યુ એસ સ્પોટ માં $29.62 અને MCX માર્ચ વાયદા માં 57220 મહત્વ ના ટેકા છે. આ સપોર્ટ અકબંધ રહે તો પ્રત્યાઘાતી ઉછાળો આગળ ધપે.  59500 હવે, માર્ચ વાયદા માટે અવરોધ છે અને ચાંદી માં આગળ ની તેજી માટે 59500 ઉપર નો બંધ આવશ્યક છે. 59500 ઉપર નો બંધ આવતા તોફાની વધઘટ જોવા મળે.

ક્રુડ: જાન્યુઆરી વાયદા માટે અહી 4815 ઉપર નો બંધ આવતા 4985 ની શક્યતા જણાવી હતી. મંગળવાર ના રોજ થી શરુ થયેલ સુધારા માં ક્રુડ જા વાયદા માં ગુરુવાર ના રોજ 4989 નો ઉંચો ભાવ જોવાયા બાદ શુક્રવાર ના રોજ 4913 બંધ રહ્યો. આ સપ્તાહ માં હજી પણ 4825 ને જ ટેકો ગણી શકાય. 4913 બંધ રહેલ જા વાયદા માં 4856 સુધી ના ઘટાડા ની શક્યતા નકારી શકાય નહી, પરંતુ, 4825 અકબંધ રહેતા 5045 સુધી ના ઉછાળા ની શક્યતા છે.

કોપર: ગતાંક માં કોપર માટે 448 ઉપર નો બંધ આવતા 455.60 અને 443.10 તૂટતા 436 ની શક્યતા જણાવી હતી. બુધવાર ના રોજ શરુ થયેલ ઘટાડા માં ફેબ્રુઆરી વાયદા માં ગુરુવાર ના રોજ 432.15 નો નીચો ભાવ જોવાયો. શુક્રવાર ના રોજ 438.80 બંધ રહેલ વાયદા માં હવે 432.10 મહત્વ નો ટેકો અને 446 અવરોધ છે. આ અઠવાડિયે કોપર માટે 432 થી 446 ની રેંજ કહી શકાય.

એલ્યુમીનીયમ, નિકલ, લેડ અને ઝીંક: ગતાંક માં એલ્યુમીનીયમ ડીસેમ્બર વાયદા માં 113.75 તૂટતા 111.90 ની શક્યતા જણાવી હતી. બુધવાર ના રોજ શરુ થયેલ ઘટાડા માં ગુરુવાર ના રોજ 111.55 નો નીચો ભાવ જોવાયો. જયારે નિકલ ગતાંક માં જણાવેલ 951 ના ટેકા પાસે (ગુરુવાર ના રોજ 949 નો નીચો ભાવ) રહી, શુક્રવાર ના રોજ 957.70 બંધ રહ્યું. લેડ કોપર અને નિકલ થી વિપરીત સુધારા તરફી રહ્યું અને છેલ્લા પાંચ અઠવાડિયા ના 124.90 ના અવરોધ ને વટાવવા માં પણ સફળ રહ્યું. ઝીંક માટે ગતાંક માં જણાવ્યું હતું કે 113 આસપાસ થી વાયદા ની પોઝીશન સરખી થતા વેચાણ જોવાય અને 111.10 તૂટતા 109.20 સુધી ની શક્યતા કહી શકાય. મંગળવાર ના રોજ 114 નો ઉંચો ભાવ જોવાયા પછી ડીસેમ્બર વાયદા માં વેચાણ ના પગલે ગુરુવાર ના રોજ 111.10 નો નીચો ભાવ જોવાયો. પરંતુ, શુક્રવાર ના રોજ ફરી 113.05 નો બંધ જોવાયો. આ સપ્તાહે લેડ અને ઝીંક હજી પણ સુધારા તરફી રહેવા ની શક્યતા છે. જો કે ઉતાવળિયો નિર્ણય કરી તેજી નો સોદો કરતા પહેલા વાયદા ની એક્ષ્પાયરી જરૂર ધ્યાન પર લેવી. ઝીંક માટે 110 અને લેડ માટે 123.70 મહત્વ ના ટેકા છે. એલ્યુમીનીયમ માં આગળ ની તેજી માટે 115.45 કે તેની ઉપર નો બંધ આવશ્યક છે. નિકલ માં આગળ ની તેજી માટે 971 ઉપર નો બંધ અને 940 નું અકબંધ રહેવું આવશ્યક છે.

કપાસ, જીરું અને એરંડો: MCX વાયદા માં શુક્રવાર ના રોજ 1013 બંધ રહ્યા બાદ કપાસ માં શનિવાર ના રોજ આ 1028 સુધી ના ભાવ જોવાયા છે. 1012 ની ઉપર કપાસ માં લેવાલી ઝોર પકડવા ની શક્યતા વધારે છે. ગતાંક માં જીરા માટે NCDEX માર્ચ વાયદા માં 15600 ની ઉપર લેવાલી સુધરવા નો આશાવાદ વ્યક્ત કર્યો હતો. શુક્રવાર ના રોજ 15900 ખૂલેલ માર્ચ વાયદો શનિવાર ના રોજ 15500 સુધી જોવાયો. આ સપ્તાહે શરૂઆત ની નરમાઈ પછી ભાવો સુધારા તરફી રહી શકે છે. માર્ચ વાયદો 15000 ની ઉપર રહે ત્યાં સુધી અન્ડર-ટોન તો તેજી તરફી જ કહી શકાય. કેસ્ટર જાન્યુ વાયદા માં સપ્તાહ ની શરૂઆત માં 3670 સુધી ના ઘટાડા ની શક્યતા નકારી શકાય નહી. જયારે 3985 કે તેની ઉપર નો બંધ આવતા ભાવો સુધારા તરફી રહે.



સપ્તાહ ના સૂચન:
સોનું: યુ એસ સ્પોટ માં $1635 નો સપોર્ટ. MCX ફે. વાયદા માં 30450 નો સપોર્ટ અને 31160 અવરોધ.
ચાંદી: યુ એસ સ્પોટ માં $26.62 નો સપોર્ટ. MCX માર્ચ વાયદા માં 57220 ટેકો.
ક્રુડ: શરૂઆતી નરમી માં 4824 અકબંધ રહેતા 5045 ની શક્યતા.
કોપર: 432 થી 446 ની રેંજ. રેંજ નો બ્રેક-આઉટ આગળ ના ટ્રેન્ડ માટે નિર્ણાયક.
એલ્યુમીનીયમ: 116.60 અવરોધ. 115.45 ઉપર બંધ ન આવતા 111 ની શક્યતા.
લેડ: 123.70 ના ટેકા નું અકબંધ રહેવું આગળ ની તેજી માટે આવશ્યક.
નિકલ: 940 - 971 ની રેંજ. રેંજ નો બ્રેક-આઉટ આગળ ના ટ્રેન્ડ માટે નિર્ણાયક.
ઝીંક: આગળ ની તેજી માટે 110 નું અકબંધ રહેવું આવશ્યક.

08/12/2012

નવેમ્બર 2010 પછી પહેલી વખત શેર બજાર માં બહોળો ધમ-ધમાટ જોવા મળ્યો. હમણાં ની તેજી માં લગભગ તમામ ક્ષેત્ર ના શેરો માં લેવાલી રહી. ઇન્ડેક્ષ હેવી-વેઇટ ઉપરાંત મીડ-કેપ અને સ્મોલ કેપ માં પણ ખરીદી જોવાઈ. સરકાર ને સંસદ ના બંને ગૃહો માં રીટેલ ક્ષેત્ર માં વિદેશીરોકાણ ને મળી રહેલ લીલી ઝંડી એ શેર બજાર માં જાણે કે નવા પ્રાણ પૂર્યા હોય એમ, સતત બીજા અઠવાડિયે પણ ઇન્ડેક્ષો સુધારા તરફી રહ્યા. આપણી આ કોલમ માં આશરે બે-એક માસ પહેલા શેર બજાર વિષે આપણે જણાવ્યું હતું કે, ટ્રેડર મંદી ના વેપાર થી ટેવાઈ ગયા છે અને બજાર ધીમી પણ સાતત્યપૂર્ણ ચાલ થી નવી રેંજ પકડતું રહ્યું હોઈ, મોટા બદલાવ ના એંધાણ છે. હાલ ના તબક્કે એ જરૂર કહીશ કે કોઈ પણ મોટા બદલાવ ના સમાચાર નું શેર-બજાર ત્રણ તબક્કા માં રીએક્શન બતાવે. 1) વધારે પડતો ઉન્માદ કે ભય,  2) તે ઉન્માદ કે ભય નું કરેકશન અને 3) આવેલ બદલાવ ને અનુરૂપ દિશા. હાલ ના તબક્કે બજાર માં FDI નો ઉન્માદ તેના અંતિમ ચરણ માં હોઈ શકે. જેમાં ઇન્ડેક્ષ સિવાય ના શેરો માં મોટું તોફાન રહે છતાં પણ ઇન્ડેક્ષ અણધાર્યા અને અચાનક નવા સ્તર સ્પર્શતા જોવાય. પરંતુ સુધારા ની ગતી ધીમી પડે.માટે હવે નવા રોકાણ માટે એકાદ પખવાડિયા સુધી સાવધાની રાખવી સારી.

ગયા અઠવાડિયે શુક્રવાર ને બાદ કરતા લગભગ આખા અઠવાડિયા દરમ્યાન કીમતી ધાતુઓ અને ક્રુડ માં ધોવાણ જોવાયું. યુ એસ ડોલર ઇન્ડેક્ષ ની વાત કરીએ તો શરૂઆત ના બે-એક દિવસ ના ઘટાડા બાદ ડોલર ઇન્ડેક્ષ માં મોટો પ્રત્યાઘાતી ઉછાળો જોવાયો. અહી એ નોધવું રહ્યું કે શુક્રવાર સિવાય સમગ્ર સપ્તાહ દરમ્યાન રૂપિયો ડોલર સામે સુધરતો રહ્યો. બુધ અને ગુરુવાર ના રોજ ડોલર યુરો અને જાપાનીઝ યેન સામે સુધર્યો અને મજબૂત રહ્યો, છતાં પણ રીટેલ માં વિદેશીરોકાણ ની સંસદ ની મંજૂરી ને પગલે રૂપિયા માં ડોલર સામે નો સુધારો આગળ વધ્યો. ફક્ત શુક્રવાર ના રોજ રૂપિયો નરમ રહ્યો. વર્ષ 2006-07 માં જયારે આપણા શેર-બજાર માં તોફાની તેજી ચાલી રહી હતી, અને ડોલર ઇન્ડેક્ષ સતત ઘટી રહ્યો હતો, તે અરસા માં ડોલર જાપાનીઝ યેન સામે તો સુધારા તરફી હતો. મતલબ કે ડોલર રૂપિયા સહિત ની વૈશ્વિક કરન્સી સામે નરમ રહ્યો ત્યારે જાપાનીઝ યેન સામે તો ટકેલો કે સુધરતો રહ્યો. જયારે 2008 પછી ડોલર ઇન્ડેક્ષ માં સુધારો રહ્યો, કે ડોલર અન્ય કરન્સી સામે સ્થિર કે સુધારા તરફી રહ્યો ત્યારે યેન સામે ઘટતો રહ્યો. પરંતુ નિષ્ણાતો ના મતે, હાલ ના તબક્કે ડોલર યેન સામે હવે મોટા સુધારા દર્શાવવા માટે સજ્જ છે. જયારે ડોલર બ્રિટીશ પાઉન્ડ તેમજ યુરો સામે પણ સુધારા તરફી રહેવા ની શક્યતાઓ વધી રહી છે. જયારે રૂપિયા નો ડોલર સામે નવેમ્બર અંત માં શરુ થયેલ સુધાર આગળ ધપી શકે. 53.7500 તૂટતા આ ટ્રેન્ડ નું કન્ફર્મેશન મળે. કરન્સી એ એવું દર્પણ છે જે કોઈ પણ અર્થતંત્ર ના બદલાવ નું પ્રતિબિંબ ઝડપ થી ઝીલી લે છે. ડોલર યુરો, બ્રિટીશ પાઉન્ડ જેવી યુરોપીયન કરન્સી ઉપરાંત યેન જેવી એશિયન કરન્સી સામે સુધરવા ની ધારણા સાથે સાથે રૂપિયા ના ડોલર સામે સુધારા ની આશા યથાવત છે. અર્થાત, અમેરિકા અને ભારત ના આર્થિક વિકાસ નો આશાવાદ છે, જયારે જાપાન અને યુરોપીયન દેશો માં વિકાસ ધીમો રહે.

સોનું- ચાંદી અને ક્રુડ સપ્તાહ દરમ્યાન ગતાંક માં અહી જણાવેલ મહત્વ ના ટેકા થી નીચે જોવાયા. જયારે કોપર ઉપરાંત નિકલ, લેડ, ઝીંક અને એલ્યુંમીન્યમ અહી જણાવેલ અવરોધ વટાવવા માં અસમર્થ રહી, નરમ રહ્યા.


સોનું: MCX ફેબ્રુઆરી વાયદા માં ડેઈલી ચાર્ટ પર હાયર લો - હાયર ટોપ ફોર્મેશન હોઈ, હાલ માં ગુરુવાર નો 30915 નો નીચો ભાવ મહત્વ નો ટેકો છે. જયારે શુક્રવાર નો ઉંચો ભાવ 31340 વટાવતા લેવાલી જોર પકડે જે નવેમ્બર મધ્ય માં શરુ થયેલ તેજી ના પહેલા અવરોધ (31640) સુધી જળવાઈ રહે.
યુ એસ સ્પોટ માં સોનું આ સવા મહિના માં બીજી વખત 200 દિવસ ની એક્ષ્પોનેન્શીયલ એવરેજ ($1683) નો ટેકો લઇ, પાછું ફર્યું છે. હાલ પુરતું $1730 સુધી લેવલી જળવાવા ની આશા છે.


ચાંદી: સાડા ત્રણ માસ ની મોટી અફડાતફડી પછી ચાંદી માં હાલ માં રેંજ બાઉન્ડ વધઘટ જળવાઈ રહે. હાલ માં માર્ચ વાયદા માં 60000 મહત્વ નો ટેકો છે. જયારે ગુરુ અને શુકવાર ના રોજ જોવાયેલ ઊંચુ સ્તર 62840 નજીક નો અવરોધ છે. ચાંદી માં હવે 62840 ની ઉપર નો બંધ ન જોવાય ત્યાં સુધી મોટી તેજી ની આશા ન રાખી શકાય. પણ, 62840 પર નો બંધ 64600 સુધી ની તેજી લાવી શકે.


ક્રુડ: ગતાંક માં અહી 4884 વટાવતા 5001 સુધી ના ઉછાળા ની શક્યતા વ્યક્ત કરી હતી. પરંતુ, સોમવાર ના રોજ 4854 ખૂલેલ વાયદો 4942 નો ઉંચો ભાવ બતાવી 4878 બંધ રહ્યો. મંગળવાર થી સતત ઘટતો રહેલ વાયદો ગુરુવાર ના રોજ 4772 ના મહત્વ ના ટેકા થી નીચે 4687 બંધ રહ્યો. હવે, ક્રુડ માં 4671 તૂટતા 4540 સુધી ના ઘટાડા ની શક્યતા નકારી શકાય નહિ. યુ.એસ ક્રુડ નવેમ્બર માસ ની શરૂઆત થી $85 થી $89 ની રેંજ માં રહ્યું છે. સોમવાર ના રોજ શરુ થયેલ તેજી $89 ની ઉપર ટકવા માં અસમર્થ રહી અને શુકવાર ના રોજ $86 નો બંધ જોવાયો. સોમવાર ના રોજ આ ઘટાડો આગળ વધે તો $85 ટકાવવા માં સમર્થ રહે છે કે નહી તે જોવું રહ્યું.


કોપર: ગતાંક માં કોપર માટે અહી જણાવ્યું હતું કે 444 વટાવતા મોટી અફડાતફડી જોવાય. પરંતુ, 448 ને મોટો અવરોધ જણાવ્યો હતો. સોમવાર થી શરુ થયેલ લેવાલી 447.7 આસપાસ થી અટકી કોપર વાયદો 440 સુધી જોવાયો. હજુ, પણ કોપર માં એજ 448 નો અવરોધ યથાવત છે. ગુરુ અને શુક્રવાર નો નીચો ભાવ 440 તૂટતા નવેમ્બર ની તેજી નો છેલ્લો અવરોધ 433 સુધી ના ઘટાડા ની શક્યતા નકારી શકાય નહી.


લેડ: પાછલા બે અંકો માં જણાવેલ 124.90 ના અવરોધ ને વટાવવા માં ગયા સપ્તાહે પણ લેડ અસમર્થ રહ્યું. મંગળવાર ના રોજ થી શરુ થયેલ ઘટાડા માં લેડ ગતાંક માં અહી જણાવેલ 120 ના સ્તરે બંધ રહ્યું. હવે, લેડ બુધવાર નો ઉંચો ભાવ 122.35 વટાવવા માં અસમર્થ રહે તો 115.80 સુધી ના ઘટાડા ની શક્યતા કહી શકાય.


નિકલ: સોમવાર ના રોજ નિકલ અહી જણાવેલ 950 ના અવરોધ ને પાર કરી 960 બંધ રહ્યું. પરંતુ, મંગળવાર ના રોજ થી શરુ થયેલ ઘટાડા માં 935 સુધી જોવાયું. હજુ પણ નીકલ માં 950 ને અવરોધ કહી શકાય. જયારે હાલ ના તબક્કે 920 મહત્વ નો ટેકો હોઈ, આ સપ્તાહ માં નિકલ માં 920 થી 950 ની રેંજ માં રહેવા ની શક્યતા વધારે છે. આ રેંજ નું બ્રેક-આઉટ આગળ ના ટ્રેન્ડ માટે નિર્ણાયક રહે.


ઝીંક: ગતાંક માં ઝીંક માટે 111.95 નો અવરોધ વટાવવા માં અસમર્થ રહેતા 108 સુધી ના ઘટાડા ની શક્યતા જણાવી હતી. સોમવાર ના રોજ ઝીંક વાયદો 111.75 ના ઊંચા સ્તરે થી ઘટતો રહી, શુક્રવાર ના રોજ 109.80 બંધ રહ્યો. હવે, ઝીંક માં મંગળવાર નો ઉંચો ભાવ 111.10 મહત્વ નો અવરોધ છે. જયારે શુક્રવાર નો બંધ ભાવ 109.80 તૂટતા 107.85 સુધી ના ઘટાડા ની આશા રાખી શકાય.


કપાસ: શુક્ર અને શનિવાર ના રોજ શરુ થયેલ લેવાલી જળવાઈ રહે, તો કપાસ MCX ના વાયદા માં 1000 ની ઉપર ની તેજી સુધી ની શક્યતા નકારી શકાય નહિ.


જીરું: સારા ઉત્પાદન ના આશાવાદે જીરા માં હજી સુધી તો ચાલુ મહિના માં લેવાલી ની અભાવ જોવાયો છે. પરંતુ, આ સપ્તાહે હાજર માં લેવાલી નીકળતા વાયદા માં પણ ભાવો ટકેલા રહેવા ની શક્યતા છે.


સોયા અને સોયા રીફાઇન: ગતાંક માં સોયા ઇન્દોર NCDEX વાયદા માં ઘટાડો આગળ વધવાની શક્યતા વ્યક્ત કરી હતી. પરંતુ, હાજર માં લેવાલી ના પગલે સપ્તાહ દરમ્યાન વાયદા માં પણ ભાવો વધતા રહ્યા. આ લેવલી જળવાઈ રહે તો આગામી સપ્તાહ માં વાયદા માં 3340 સુધી ના સુધારા ની શક્યતા નકારી શકાય નહિ.
જયારે સોયા રીફાઈન વાયદો 745 ની નીચે રહે ત્યાં સુધી નવી લેવાલી નો અભાવ કહેવાય.


સોનું: 30915 મહત્વ નો ટેકો. 31340 વટાવતા 31600 ની શક્યતા
ચાંદી: ઘટતી દૈનિક રેંજ 62860 ઉપર નો બંધ ન આવે ત્યાં સુધી લેવાલી ની અભાવ
ક્રુડ: 4671 તૂટતા 4540 ની શક્યતા
કોપર: 440 તૂટતા 433 સુધી ના ઘટાડા ની શક્યતા. 448 અવરોધ
લેડ: 122.35 અવરોધ. 115.80 સુધી ના ઘટાડા ની શક્યતા
નિકલ: 950 થી 920 ની સાપ્તાહિક રેંજ
ઝીંક: 109.80 તૂટતા 107.85 ની શક્યતા. 111.10 મહત્વ નો અવરોધ.

એરંડો: NCDEX વાયદા માં 3520 ઉપર લેવાલી સુધરે
કપાસ: લેવાલી જળવાતા MCX વાયદા માં 1000 ની શક્યતા
હળદર: 5320 ઉપર સટ્ટાકીય લેવાલી જોવાય.
જીરું: હાજર માં લેવાલી ના પગલે વાયદા માં સુધારા ની શક્યતા
સોયા અને સોયા રીફાઇન: લેવાલી જળવાઈ રહેવા ની શક્યતા

મેટલ માં તેજી ને યુ-ટર્ન , સોના માં લેવાલી ની શક્યતા
રૂપિયા ની મક્કમ સુધારા તરફી ચાલ

30/11/2012

આપણી આ કોલમ માં આપણે વારંવાર રૂપિયો ડોલર ની સામે અન્ય વૈશ્વિક ચલણ કરતા વધુ ઘસાયો હોવાની ચર્ચા કરી છે. આપણે એ પણ જોયું કે છેલ્લા પાંચ વર્ષ માં (ખાસ કરીને 2008 પછી) ડોલર વૈશ્વિક કરન્સી સામે સુધરતો રહ્યો, પણ રૂપિયા સામે નો સુધારો અન્ય કરન્સી ની સરખામણીએ ઘણો વધારે હતો. જાન્યુઆરી 2008 થી ઓક્ટોબર 2012 સુધી અગર ડોલર ઇન્ડેક્ષ સાડા ચાર ટકા સુધર્યો તો ડોલર તો રૂપિયા સામે આ ગાળા માં પાંત્રીસ ટકા જેટલો સુધર્યો છે. કરન્સી માં સુધારા ના આર્થિક પરિબળો માં જે તે દેશ ની કુલ આયાત-નીકાસ સહુ થી મોટું પરીબળ છે. અગર રાજકીય પરિબળો સ્થિર રહે તો જે દેશ ની આયાત વધુ તેને ગ્લોબલ કરન્સી ની જરૂર વધારે પડે જ. દેશ ની કુલ આયાત કુલ નિકાસ કરતા વધારે રહે, ત્યારે વિદેશ વેપાર ખાધ ઉભી થાય. જે દેશ ની વિદેશ વેપાર ખાધ મોટી રહે, તેનું ચલણ પણ બોજા હેઠળ રહે અને ચલણ નું મૂલ્ય ઘસાય. ભારત પણ અન્ય વિકાસશીલ દેશો ની જેમ આ વિદેશ વેપાર ખાધ નો સામનો કરી રહેલો દેશ છે. આપણો વિદેશ વેપાર દસકા માં દસ ગણો થયો.તેમાં નિકાસો માં પણ દસ ગણી વૃદ્ધિ થઇ તો આયાતો માં પણ. ટકાવારી માં તો આ વિદેશ વેપાર ખાધ નાનો ફેરફાર જણાય, પણ આંકડાકીય વાત કરીએ તો દસ વર્ષ માં 600 કરોડ ડોલર ની વેપાર ખાધ વધી ને અઢાર હજાર કરોડે પહોચી. હવે, આમાં જોવા જેવી વાત એ છે કે જયારે આપણી આયાતો સાડા ચાર હજાર કરોડ ડોલર ની હતી ત્યારે આપણે ચારસો કરોડ ડોલર નું સોનું વિશ્વ બજાર માંથી ખરીદતા. જયારે આયાતો 48 હજાર કરોડે પહોચી, ત્યારે સાડા ચાર હજાર કરોડ ડોલર નું સોનું આપણે વિદેશો માંથી મંગાવીએ છીએ.

નાણાકીય વર્ષ	કુલ નિકાસો (હજાર કરોડ ડોલર)	કુલ આયાતો (હજાર કરોડ ડોલર)	વિદેશ વેપાર ખાધ (હજાર કરોડ ડોલર)
2000 -01	4456	5053	597.60
2011-12	30,596	48,932	18,336

	કુલ આયાત (કરોડ ડોલર)	સોના ની આયાત (કરોડ ડોલર)
2001-02	5141	417
2006-07	18,573	1,446
2011-12	48,932	4,450

પણ વર્ષ 2011-12 માં સોના ની આયાત માં ધરખમ વધારો રહ્યો. વર્ષ 2010-11 કરતા 11-12 માં સોના ની આયાત 40% થી પણ વધુ રહી. અહી, એ યાદ રાખીએ કે આ જે સોનું આયાત થયું, તે કોઈ ઔદ્યોગિક વપરાશ કે ઉત્પાદન વધારવા માટે ની આયાત નથી. સોના નો મોટાભાગે ઉપયોગ ઘરેણા અને રોકાણ ના વિકલ્પ તરીકે જ થયો છે. ઘરેણા ની જે નિકાસ થાય છે, તેમાં પણ સોનું વપરાય છે, તે બાબત સાચી. પણ, કુલ નિકાસ માં તેનો હિસ્સો કેટલો? ફક્ત બે ટકા. એક બાજુ સોના ની આયાત પાછળ ખર્ચાતા કરોડો ડોલર રૂપિયા ને નબળો કરે, અને રૂપિયો નબળો પડતા પાછા આપણા રોકાણકારો વધતી મોંઘવારી માં રોકાણ સલામત વિકલ્પ તરીકે વધારે સોનું લેવા પ્રેરાય. આમ, હાલ ના સમય માં સોના માં ભાવ-વધારા નું એક સર્ક્યુલર વમળ બ્જ્યું છે. કોઈ પણ ચલણ ના મૂલ્ય માં / પ્રભુત્વ માં આર્થિક તેમ જ રાજકીય બન્ને પરિબળો કામ કરે છે, એ વાત સો ટકા સાચી. જયારે યુ એસ માં વલ્ડ્ર ટ્રેડ સેન્ટર પર હુમલો થયો, અને તેના પગલે અમેરિકા એ અફઘાનિસ્તાન અને અખાતી દેશો માં સૈન્ય મોકલ્યું તે પછી વૈશ્વિક બજારો માં ડોલર સતત ઘસાતો રહ્યો જાન્યુઆરી 2002 થી જાન્યુઆરી 2008 સુધી ડોલર ઇન્ડેક્ષ આશરે 34% જેટલો ઘટ્યો. ભારત માં કોઈ રાજકીય ઉથલપાથલ થઇ નથી. ભારતીય કોર્પોરેટ જગત ની નફાક્ષમતા અને ઉત્પાદન લગભગ સ્થિર કે સુધારા તરફી રહ્યા છે. છતાં વર્ષ 2011-12 માં ડોલર રૂપિયા સામે સવા ચૌદ ટકા સુધર્યો અથવા તો રૂપિયો ડોલર સામે ચૌદ ટકાથી પણ વધારે ઘસાયો. આ ગાળા માં ડોલર ઇન્ડેક્ષ તો માત્ર પોણા ચાર ટકા વધ્યો છે. તાજેતર માં પુણે માં રીઝર્વ બેંક ના ડેપ્યુટી ગવર્નર સુધીર ગોકર્ને સોના ની આયાત ઘટાડવા પર ભાર મુક્યો. તેમના મતે આપણી આયાત-નિકાસ ની ખાધ સોના ની વધી રહેલી આયાત ના પગલે ઝડપ થી વધી રહી છે. ગયા નાણાકીય વર્ષ માં જે વેપાર ખાધ માં વધારો જોવાયો તેમાં 80% હિસ્સો સોના નો રહ્યો. સોના નું વૈશ્વિક ઉત્પાદન વાર્ષિક ચાર હજાર ટન જ રહ્યું છે, તો 1999 થી અત્યાર સુધી માં સોના ની ઘર-આંગણે માંગ સતત વધતી રહી, હજાર ટને પહોચી છે. આમ,હાલ ના તબક્કે તો આપણી વધી રહેલી સોના ની માંગ અને સોના ની આયાત એ આપણા અર્થતંત્ર પરનો બોજો છે. ગયા વર્ષે રીઝર્વ બેન્કે સોના ની સામે ધિરાણ કરતી ફાયનાન્સ કંપનીઓ ને તેમનું ધિરાણ સોના ની કિંમત ના 85% થી ઘટાડી 60% કરવા નિર્દેશ કર્યો. જયારે હમણાં જ 30 ઓક્ટોબરે બેંકો અને નોન-બેન્કિંગ ફાયનાન્સ કંપનીઓ ને કોઈ પણ રીતે સોનું ખરીદવા માટે ધિરાણ આપવા પર મનાઈ ફરમાવી. ચાલુ નાણકીય વર્ષ માં આપણી વેપાર ખાધ છેલ્લા બાર વર્ષ ની સર્વોચ્ચ સપાટીએ પહોચી છે, એવા માં સરકાર સોના ની આયાત ઘટાડવા નક્કર પગલા લે, તે સાચે જ જરૂરી છે.

ગયું અઠવાડિયું રૂપિયા માટે સુધારા નું રહ્યું અને રૂપિયો ડોલર સામે સવા બે ટકા જેટલો સુધર્યો. સપ્તાહ ની શરૂઆત માં 55.450 રહેલ રૂપિયો શુક્રવારે 54.250 પર બંધ રહ્યો. અહી એ નોધવું રહ્યું કે આ અઠવાડિયા માં ડોલર ઇન્ડેક્ષ માં કોઈ મોટો ઘટાડો નથી રહ્યો. અઠવાડિયા ની શરૂઆત માં 80.2530 રહેલ ડોલર ઇન્ડેક્ષ 80.2320 પર જ બંધ રહ્યો. ડોલર યુરો અને પાઉન્ડ સહીત ની યુરોપીયન કરન્સી તેમ જ જાપાનીઝ યેન ની સામે લગભગ સ્થિર રહ્યો. માત્ર રૂપિયા સામે નરમ રહ્યો. આપણા શેર બજારે પણ રૂપિયા ની મક્કમતા ને પ્રતિસાદ આપ્યો હોય તેમ ઇન્ડેક્ષ માં ચાર ટકા જેટલો સુધારો જોવાયો. તો સોના માં હજાર રૂપિયા થી પણ વધારે નો કડાકો બોલાયો. વર્ષ 2008 થી 73 થી 85 ની રેંજ માં રહેલ ડોલર ઇન્ડેક્ષે આ કોન્સોલીડેશન માં ચાર વર્ષ પુરા કર્યા છે. આપણા દિવાળી વિશેષાંક માં જણાવ્યું હતું તેમ, હવે ડોલર ઇન્ડેક્ષ નવી દિશા નક્કી કરે તેવા પ્રબળ સંકેતો છે.

	ગયા અઠવાડિયે	આ સપ્તાહ ની શક્યતા
સોનું	રૂપિયા ના ડોલર સામે ના સુધારા ને પગલે આશરે 1300 રૂપિયા જેટલો ઘટાડો.	યુ એસ સ્પોટ માં $1704 તૂટે તો $1668 સુધી ની શક્યતા. MCX ફેબ્રુઆરી વાયદા માં 30950 મહત્વ નો ટેકો.
ચાંદી	ડીસેમ્બર વાયદો 64142 ના મથાળે થી ઘટી 61,185 બંધ રહ્યો.  યુ એસ સ્પોટ માં બુધવાર નો $32.92 નો લો હજી સુધી તોડ્યો નથી. જયારે રૂપિયા ના સુધાર ને પગલે ઘર-આંગણે 3000 રૂપિયા નો કડાકો.	63170 બધ રહેલ MCX માર્ચ વાયદા માં 61750 મહત્વ નો ટેકો. શરૂઆતી 700 - 1200 રૂપિયા ના ઘટાડા બાદ તેજી ની શક્યતા.
ક્રુડ	4826 ના સપોર્ટ ને અકબંધ રાખવા માં નિષ્ફળ. બુધ, ગુરુ અને શુક્રવાર ના રોજ 4790 પાસે સપોર્ટ જાળવ્યો. 4838 નો બંધ. યુ એસ માં $88.88 ના સપ્તાહ ના ઊંચા મથાળે બંધ.	4772 મહત્વ નો ટેકો. 4884 વટાવતા 5001 સુધી ના ઉછાળા ની શક્યતા યથાવત. 4772 નું અકબંધ રહેવું તેજી માટે આવશ્યક.
એલ્યુમીનીયમ	સતત પાંચમાં અઠવાડિયે પણ ઉછાળો. સોમવાર ના રોજ બનેલ 109 નો નીચો ભાવ આખા અઠવાડિયા દરમ્યાન અકબંધ.	આગળ ની તેજી માટે 115 ઉપર નો બંધ આવશ્યક. 116 વતાવવા માં અસમર્થ રહેતા 109.75 સુધી ના ઘટાડા ની શક્યતા.
કોપર	બુધવાર અને ગુરુવાર ના રોજ 429 નીચા ભાવ થી સુધારો. શુક્રવાર ના રોજ 1% ના ઉછાળા સાથે બંધ.	ફેબ્રુઆરી વાયદા માં 431.50 મહત્વ નો ટેકો. 444 ની ઉપર બંધ આવતા મોટી ઉથલપાથલ ની શક્યતા. જો કે, 448 અવરોધ.
લેડ	રેંજ બાઉન્ડ વધઘટ. 121.90 ના સાપ્તાહિક અવરોધ પર બંધ.	124.90 મહત્વ નો અવરોધ. 122 બંધ રહેલ ડીસેમ્બર વાયદા માં 123.25 વતાવવા માં અસમર્થ રહેતા 120 સુધી ના ઘટાડા ની શક્યતા.
નિકલ	ડીસેમ્બર વાયદો 912 થી 950 ની રેંજ માં રહી 931.70 બંધ. મંગલ અને બુધવાર નો સુધારો ટકાવવા માં અસમર્થ.	950 મોટો અવરોધ. 942 વટાવવા માં અસમર્થ રહેતા 915 સુધી ના ઘટાડા ની શક્યતા.
ઝીંક	સતત પાંચમાં સપ્તાહે સુધારા તરફી. ડીસેમ્બર વાયદા માં સોમવાર નો 107.65 નો નીચો ભાવ અકબંધ રાખી 110.55 નો બંધ.	111.95 મોટો અવરોધ. જે વટાવવા માં અસમર્થ રહેતા 108 સુધી ના ઘટાડા ની શક્યતા.
કપાસ	MCX વાયદા માં લેવાલી ની શરૂઆત.	970 વટાવતા વેચાણો કપાવા ની શક્યતા.
જીરું	લેવાલી માં સુસ્તી. NCDEX વાયદો સપ્તાહ ના નિમ્ન સ્તર 14207.50 પર બંધ.	મોટા વાવેતર અને સારા ઉત્પાદન ના આકડે હજી લેવાલી ધીમી.
એરંડો	આખા અઠવાડિયા ની સુસ્તી પછી શુક્રવારે લેવાલી. NCDEX ડીસેમ્બર વાયદો 3457 બંધ.	3525 વટાવતા અને હાજર માં લેવાલી આવતા વેચાણો કપાવવા ની શક્યતા.
સોયાબીન	સમગ્ર સપ્તાહ દરમ્યાન વેચવાલી.	શનિવાર ના રોજ શરુ થયેલ વેચવાલી આગળ ચાલવા ની શક્યતા.
સોયા રીફાઇન	સપ્તાહ ના શરૂઆતી સુધાર ને જાળવી રાખવા માં અસમર્થ. NCDEX ડીસેમ્બર વાયદો 720.25 બંધ.	NCDEX વાયદો 732 વટાવવા અસમર્થ રહે તો 695 ની શક્યતા.

રૂપિયા નો યુ-ટર્ન. સોના-ચાંદી માં કડાકો તો શેર-બજાર માં તેજી નું તોફાન.

સોના ની આયાત સામે કડક થતી રીઝર્વ બેંક.

25/11/2012

હાલ ના સમય માં શેર બજાર થી રોકાણકારો દૂર થઇ ગયા ની વાતો વખતો વખત સાંભળવા મળે છે. મોટા બ્રોકરેજ હાઉસ, સેબી કે નાણા મંત્રાલય, સહુ કોઈ શેર બજાર થી વિમુખ થતા નાના રોકાણકારો હાલ માં ચિંતા નો વિષય હોવાનું જણાવે છે. નાના રોકાણકારો ની જયારે પણ ચર્ચા થાય ત્યારે પબ્લિક ઈશ્યુ ની વાત નીકળ્યા વિના રહે નહિ. વધારે પડતા રીસર્ચ, સાચું વેલ્યુએશન કે અર્થતંત્ર નો રૂખ જેવી મોટી બાબતો ની પળોજણ માં પડવા કરતા સામાન્ય રોકાણકાર નવા ઈશ્યુ માં રોકાણ કરવા તરફ વધુ ઝૂકેલા રહે છે. આ નાના રોકાણકાર માટે ઈશ્યુ એટલે સીધી ને સટ વાત કે કંપની એ શેર ઓફર કર્યા, અને આપણે રોકાણ માટે લઇ લીધા. કેમકે આ રોકાણકાર ના મતે જે કંપની નફો કરતી હોય, ધંધો કરતી હોય તેને જ ઈશ્યુ લાવવા ની પરવાનગી મળે. પણ, છેલ્લા પાંચ વર્ષ માં આ ઈશ્યુ બજાર માં રોકાણકારો ને સરવાળે દગો જ થયો છે.

કેટલાક પ્રમોટરો કોઈક ચોક્કસ ઓપરેટરો સાથે સાંઠ-ગાંઠ કરી, બોગસ કંપની ના ઈશ્યુ મારફત લોકો પાસે થી પૈસા એકઠા કરી, ઓળવી ગયા. આ લોકો ની મોડસ-ઓપરેન્ડી પણ ગજબ ની રહી. જયારે પણ આવી બોગસ કંપની નો ઈશ્યુ આવે, તેમાં ઓપરેટર નો હિસ્સો ઈશ્યુ ની વેલ્યુ ના વીસ થી પાંત્રીસ ટકા સુધી નો હોય છે. જેવી જેની જરૂરત એવો ઓપરેટર નો ભાવ. ઈશ્યુ ખુલે ત્યારે આ ઓપરેટર એના જ મળતિયાઓ પાસે ઈશ્યુ માં અરજીઓ કરાવે. સાથે સાથે ઈશ્યુ ના ફોર્મ નો ગ્રે-માર્કેટ માં ભાવ પણ ઉંચો બોલાવવા માંડે. ઉપરાંત, સિંગાપોર, બર્મુડા, મોરેશિયસ જેવા ટેક્ષ હેવન ગણાતા દેશો માં બનાવી રાખેલ બોગસ FII મારફત અરજીઓ કરી, ઈશ્યુ ને વિદેશી રોકાણકારો ના ક્વોટા માં પણ ભરપુર છલકાયેલો બતાવે. હવે, રોકાણકાર તો બિચારો ગ્રે માર્કેટ નું ઊંચું પ્રીમીયમ અને FII ક્વોટા માં અનેક ગણો ભરાયેલો ઈશ્યુ જોવે એટલે અરજી કરવાનો જ. આ બોગસ FII કેવી રીતે બને, અને ક્વોલીફાઈડ ઇન્સ્ટીટ્યુશનલ બાયર (QIB) નો કેવો દુરુપયોગ થયો છે એની ચર્ચા આપણે ફરી ક્યારેક કરીશું. ઈશ્યુ ભરાયા પછી ખેલ શરુ થાય ઓપરેટર નો. જો ઈશ્યુ નો પુરતો માલ સામાન્ય રોકાણકારો માં પહેલા જ ખપી ગયો હોય તો તો પહેલા જ દિવસ થી બચેલા શેર પણ ગમે તે ભાવે રોકાણકારો ને પધરાવવા ના શરુ. પણ જો પૂરતા પ્રમાણ માં રોકાણકારો એ ઈશ્યુ ભર્યો ન હોય તો શરુ થાય તોફાની ખેલ. લીસ્ટીંગ ની શરૂઆત થી જ શેર માં મોટા પાયા પર વોલ્યુમ ફેરવવા માં આવે. ભાવ માં મોટી ઉથલપાથલ થવા માંડે. ભાવ ની વધઘટ જોઈ, સામાન્ય ટ્રેડર ઇન્ટ્રા-ડે, કે બે-એક દિવસ નો સોદો કરવા લલચાય. હવે જો સરવાળે પબ્લિક લેણ માં આવે તો તો આ ઓપરેટર નો માલ ખપી ગયો. પણ જો લોકો ને ઈશ્યુ માં કઈ દમ ન લાગ્યો અને મોટી ઉથલપાથલ જોઈ, ઇન્ટ્રા-ડે માં વેચાણે ચડ્યા, તો પછી આ શેર નો ભાવ ખુબ ઉંચો કરી, કે બાયર સર્કીટ લગાવી ટ્રેડરો ને ગભરાવી દેવાના. એમાં પણ ઘણી વખત તો ભાવ ઉંચો બંધ કરી, વેચાણ કરનાર ને ઓકશન માં પતાવી દેવાના અને પોતાનો માલ ઓકશન માં ઊંચા ભાવે વેચવાનો. હવે, આ ખેલ ખેલવા માટે અનેક નામ ના બોગસ ખાતા ની, કેટલાક બ્રોકરો ની જરૂર પડે, તે આવા ઓપરેટરો ને આસાની થી મળી જાય છે.
હવે, આવા ઈશ્યુ કેટલા તો આ રહ્યો આનો જવાબ. વર્ષ 2007 માં NSE મારફત આશરે 90 જેટલા ઈશ્યુ આવ્યા, તેમાં આશરે ત્રીસ આવા હતા. વર્ષ 2008 માં તો હદ થઇ ગઈ. NSE મારફત આવેલ કુલ છત્રીસ ઈશ્યુ માંથી પચીસ થી પણ વધારે આવા હતા. 2009 ના એકવીસ માંથી નવ જયારે 2010 માં તોતેર માંથી એકવીસ આવા ઈશ્યુ રહ્યા. કયા કયા ઈશ્યુ આવા રહ્યા, એમના હાલ ના ભાવ, કયા બ્રોકરો સાથે ની સાંઠ ગાંઠ રહી, તેની ચર્ચા આપણે ફરી ક્યારેક કરીશું. પણ સરવાળે 2007 થી 2010 સુધી માં દસ હજાર કરોડ થી પણ વધારે ના આવા ઈશ્યુ આવ્યા, જેમાં રોકાણકારો રાત પાણી એ રોયા અને ઓપરેટર અને પ્રમોટર મોટી મલાઈ તારવી ગયા. પાછા આવી રીતે રોકાણકારો ને છેતરી ને એકઠા કરેલ પૈસા નું મોટા પાયે જમીન અને મકાનો માં મોટા પાયે રોકાણ થયું અને જમીનો - મકાનો ના ભાવ પણ આસમાને લઇ જઈ, એમાં પણ વીસ ના સો કમાઈ લીધા. હર્ષદ મહેતા ના રૂપિયા ચાર હજાર કરોડ ના કૌભાંડ માં એના પર કેસ ચાલ્યો, તો આટલી મોટી ગેર-રીતી સરકાર કે નિયમન સંસ્થાઓ ની જાણ બહાર હોય, એ માની ન શકાય. સુરક્ષા અને આર્થિક બાબતો ની જાસૂસી નું કામ સમભાળતી આપણી ઈન્ટેલીજન્સ બ્યુરો (IB) ના વડા રાજીવ માથુર જે ડીસેમ્બર 2010 માં નિવૃત્ત થયા, તેમણે આવા ચાર ઓપરેટરો ના કારનામાં નો રીપોર્ટ સરકાર ને આપેલ. પણ, જમીનો અને રોકડ ના સ્થાનિક રાજકારણીયો ના આવા ઓપરેટરો મોટા વહીવટ ને લીધે, આ ઓપરેટરો આબાદ બચવા માં સફળ રહ્યા.

24/11/2012

વીતેલા સપ્તાહ માં ડોલર ઇન્ડેક્ષ ઘટાડા તરફી રહ્યો, પણ રૂપિયા સામે ડોલર સુધારા તરફી રહ્યો. ડોલર રૂપિયા સામે વર્ષ 2012 માં હાલ માં પોણા ચાર ટકા જેટલો સુધારો દર્શાવી ચુક્યો છે, જયારે ડોલરે વૈશ્વિક કરન્સી સામે 0.60% જેટલો જ સુધારો દર્શાવ્યો છે. ગતાંક માં અહી જણાવ્યા મુજબ ડોલર ઇન્ડેક્ષ સતત 6 સપ્તાહ થી સુધારા તરફી હોઈ, ગયા અઠવાડિયે કરેકશન જોવાયું. અહી એ નોધવું રહ્યું કે ડોલર ઇન્ડેક્ષ માં આશરે 40% જેટલું વેઇટેજ યુરો નું છે. ગયા અઠવાડિયે યુરો એ ડોલર સામે 1% થી વધારે નો સુધારો દર્શાવ્યો. યુરોપીયન કરન્સી યુરો અને બ્રિટીશ પાઉંન્ડ ડોલર સામે સુધર્યા જયારે એશિયન કરન્સી યેન અને રૂપિયા માં ઘસારો જોવાયો. આગળ આપણે આ કોલમ માં ચર્ચા કરી હતી કે છેલ્લા ચાર વર્ષ માં રૂપિયા નું ડોલર સામેં અન્ય વૈશ્વિક કરન્સી ની સરખામણીએ વધુ ધોવાણ જોવાયું છે. એમાં પણ વર્ષ 2011 વધુ ખરાબ રહ્યું અને ડોલર અન્ય કરન્સી સામે લગભગ સ્થિર રહ્યો છતાં રૂપિયા સામે વર્ષ 2011 માં આશરે 13% કરતા પણ વધારે નો સુધારો દર્શાવ્યો. જયારે વર્ષ 2012 માં ડોલર રૂપિયા સામે અન્ય વૈશ્વિક કરન્સી ની સમતોલ ચાલતો જોવાયો હતો. પણ ગયા સપ્તાહ ના છેલ્લા દિવસે ફરી પાછો આ ટ્રેન્ડ બદલાતો જોવાયો અને ડોલર ઇન્ડેક્ષ માં સપ્તાહ દરમ્યાન અડધા ટકા ના ઘટાડા સામે ડોલર રૂપિયા સામે અડધા ટકા જેટલો વધેલો રહ્યો. હવે આ સપ્તાહ માં ડોલર ઇન્ડેક્ષ ફરી પાછી તેની 200 દિવસ ની એક્ષ્પોનેન્શીય્લ એવરેજ (EMA) 79.90 પાસે હોઈ, તે નિર્ણાયક રહે. જયારે રૂપિયા સામે હજી પણ ડોલર માં 55.75 - 56.20 ની રેંજ ની શક્યતા નકારી શકાય નહિ.

ગતાંક માં અહી આપણે ક્રુડ ઓઈલ માટે 4762 અકબંધ રહેતા 4932 સુધી ના ઉછાળા ની શક્યતા અને 4939 મહત્વ નું રેસીસ્ટેન્સ જણાવેલું. સોમવાર ના રોજ જ ક્રુડ ઓઈલ 4850 આસપાસ ખુલી 4941 સુધી જોવાયું. પરંતુ, મંગળવાર ના રોજ નવેમ્બર સીરીઝ ની એક્ષ્પાયરી માં કડાકો જોવાયો. બુધવાર ના રોજ ડીસેમ્બર વાયદો અહી જણાવેલ 4791 ના સપોર્ટ થી (બુધવાર ના રોજ 4793 નો નીચો ભાવ) પૂરા અઠવાડિયા દરમ્યાન સુધારા તરફી રહ્યો. પરંતુ, હજી સુધી આપણા 4939 ના રેસીસ્ટેન્સ ઉપર બંધ રહેવા માં સફળ રહ્યો નથી. હવે આગામી સપ્તાહ માં ક્રુડ માં 4972 અને 5002 મહત્વ ના રેસીસ્ટેન્સ અને 4776 સપોર્ટ છે. હાલ ના તબક્કે 4826 અકબંધ રહે તો 5000 સુધી ના ઉછાળા ની શક્યતા નકારી શકાય નહિ.

જયારે સમગ્ર સપ્તાહ દરમ્યાન ગતાંક માં અહી જણાવેલ 31840 ના રેસીસ્ટેન્સ આસપાસ અટવાતા સોના માં સપ્તાહ ના છેલ્લા દિવસે રૂપિયા ના ડોલર સામે ના ધોવાણ ને પગલે 32250 સુધી ની તેજી જોવાઈ. સોના માટે આગળ આપણે આ કોલમ માં ચર્ચા કરી હતી કે જયારે ડોલર અન્ય કરન્સી સામે ઘટે પણ રૂપિયા સામે વધે તે કિસ્સા માં સોના માં તેજી નું રમખાણ સર્જાય છે. ગયા અઠવાડિયા માં ગ્લોબલ કરન્સી માં આ ટ્રેન્ડ બનતા સપ્તાહ ની શરૂઆત માં 31700 આસપાસ રહેલ સોના માં 500 રૂપિયા થી પણ વધારે નો ઉછાળો જોવાયો. હવે, આ સપ્તાહ માં ડોલર રૂપિયા સામે 55.65 - 70 ની ઉપર ની રેંજ ન બતાવે ત્યાં સુધી 32438 મહત્વ નું રેસીસ્ટેન્સ કહી શકાય. જયારે 31835 મહત્વ નો સપોર્ટ ગણાય.

ચાંદી માં ગતાંક માં અહી 62450 સુધી ની તેજી ની શક્યતા જણાવેલ. સપ્તાહ ની શરૂઆત થી જ સુધારા તરફી રહેલ ચાંદી માં 62200 આસપાસ અવરોધ જોવાયો. પણ, શુક્રવાર ના રોજ સોના ની સાથે સાથે  ઉછાળો જોવાયો અને ચાંદી સપ્તાહ ના રૂપિયા 2500 ના ઉછાળા સાથે 63500 ની પાર જોવાઈ. હાલ ના તબક્કે ચાંદી માં 63845 નજીક નો રેસીસ્ટેન્સ છે. આગામી સપ્તાહ માં શરૂઆત ન દિવસો માં લેવાલી નો અભાવ વર્તાવા ની શક્યતા છે. પરંતુ, ચાંદી માં હજી પણ ટ્રેન્ડ તેજી તરફી જ છે. હવે ચાંદી માં 61850 સાપ્તાહિક સપોર્ટ કહી શકાય. ચાંદી અગર તેના નજીક ના રેસીસ્ટે 63850 પર બંધ રહેવા માં સફળ રહે તો 64850 સુધી ના ઉછાળા ની શક્યતા નકારી શકાય નહી.

ગતાંક અહી કોપર માં 423 ઉપર નો બંધ આવતા 431 સુધી ની તેજી ની શક્યતા જણાવી હતી. પરંતુ, સોમવાર ના રોજ જ નવેમ્બર વાયદો 422 ખુલી, 428.30 બંધ રહ્યો અને મંગળવાર ના રોજ 431 નો ઉચો ભાવ જોવા મળ્યો. જયારે બુધવાર ના રોજ 423 સુધી ના ઘટાડા બાદ સતત અઠવાડિયા દરમ્યાન સુધારા તરફી રહી શુક્રવાર ના રોજ 431.30 નો ઉચો ભાવ બતાવી 430.95 બંધ રહ્યો. આ સપ્તાહ દરમ્યાન 437.60 - 437.75 મહત્વ નો અવરોધ અને નીચે માં હવે 426.60 મહત્વ નો સપોર્ટ છે.

નિકલ માટે ગતાંક માં અહી 893 વટાવતા 915 ની તેજી ની શક્યતા જણાવેલ. સોમવાર ના રોજ 885 આસપાસ ખૂલેલ વાયદા માં 898.60 નો બંધ આવ્યા બાદ સમગ્ર સપ્તાહ દરમ્યાન નિકલ સુધારા તરફી રહી, શુક્રવાર ના રોજ 920 પાસે બંધ રહ્યું. હવે, આ અઠવાડિયા માં નિકલ માં 936.60 - 937.80 નો અવરોધ છે. જોકે 936.6 ઉપર નો બંધ આવતા રુખ તેજી તરફી રહે. પરંતુ, 937.80 વતાવવા માં અસમર્થ રહે તો ફરી પાછી 904 - 902 સુધી ની શક્યતા ગણી શકાય.

અઠવાડિયા ના શરૂઆત ના બે દિવસો માં નરમ રહેલ લેડ માં છેલ્લા બે દિવસ માં તોફાની તેજી જોવાઈ. પરંતુ, ગતાંક માં અહી જણાવેલ 123.1 ના રેસીસ્ટેન્સ ને પાર કરવા માં લેડ સફળ રહ્યું નથી. શુક્રવાર ના રોજ 121.90 બંધ રહેલ વાયદા માં હવે 124.75 મોટો રેસીસ્ટેન્સ છે, જયારે ગુરુવાર ના રોજ બનેલ 118.80 નો નીચો ભાવ મહત્વ નો ટેકો કહી શકાય.

ઝીંક માટે ગતાંક માં 104.40 અકબંધ રહેતા 107.30 ની શક્યતા જણાવેલ. સોમવાર ના રોજ 105.20 ખૂલેલ ઝીંક ના વાયદા માં બુધવાર ના રોજ 104 નો નીચો ભાવ બતાવ્યા બાદ છેલ્લા બે દિવસ માં મોટો ઉછાળો જોવાયો અને ડીસેમ્બર વાયદો શુક્રવાર ના રોજ 107.70 બંધ રહ્યો. હાલ માં તો ઝીંક નો ડેઈલી અને વીકલી ચાર્ટ બ્રેક-આઉટ બતાવે છે. પરંતુ, તા 30 ઓક્ટોબર ના 96.55 ના નીચા ભાવ થી ઝીંક આ માસ માં 12 - 13 ટકા નો સુધારો નોધાવી ચુક્યું હોઈ, હાલ માં સાવચેતી જરૂરી છે. શુક્રવાર ના રોજ 107.70 બંધ રહેલ ઝીંક વાયદા માં આ અઠવાડિયા માં 109.10 મોટો અવરોધ છે. જયારે નિકલ ની જેમ ગુરુવાર ના રોજ બનેલ 104.85 નો નીચો ભાવ હવે મહત્વ નો ટેકો ગણી શકાય.

એલ્યુમીનીયમ શુક્રવાર ના રોજ ગતાંક માં અહી જણાવેલ 108.80 ના રેસીસ્ટેન્સ ની ઉપર 108.90 બંધ રહ્યું. હવે, આ સપ્તાહ માં 110.35 સુધી ની તેજી ની શક્યતા કહી શકાય. જયારે, લેડ અને ઝીંક ની જેમ ગુરુવાર ના રોજ જોવાયેલ 106.05 નો નીચો ભાવ મહત્વ નો ટેકો કહી શકાય.

દિવાળી ની રજાઓ પછી વાયદા ની એક્ષ્પાયરી ના પગલે સપ્તાહ ની શરૂઆત માં એગ્રો કોમોડીટી માં કામકાજ ધીમા રહ્યા. સપ્તાહ ની શરૂઆત માં રાજકોટ એરંડા વાયદો 3720 - 25 જોવાયા બાદ 3670 આસપાસ રહ્યો. જયારે NCDEX માં ડીસેમ્બર વાયદો 3500-05 આસપાસ રહ્યો. સોયાબીન ઇન્દોર NCDEX ડીસેમ્બર વાયદો નવી સીરીઝ ની શરૂઆત માં 3280 આસપાસ થી ઘટાડા તરફી રહી નીચે માં 3213 -14 સુધી જોવાયા બાદ 3242.50 બંધ રહ્યો. જ્યારે ડીસેમ્બર નો સોયારિફાઈન વાયદો 701 આસપાસ થી સુધારા તરફી રહી 717 સુધી જોવાયો.

મરી માં NCDEX ડીસેમ્બર વાયદો સીરીઝ ની શરૂઆત સાથે જ ઘટાડા તરફી રહી 39100 ના ઉચા મથાળે થી ઘટી 37600 સુધી નો ઘટાડો દર્શાવ્યા બાદ 38495 બંધ રહ્યો. કેટલાક વેપારીઓ ના મતે આ સપ્તાહ દરમ્યાન વાયદા માં શરૂઆતી ઘટાડા બાદ લેવાલી નીકળતા 39500 સુધી ના ઉછાળા ની શક્યતા નકારી શકાય નહિ. હળદર માં NCDEX ડીસેમ્બર વાયદા ની શરૂઆત માં જ ઉપલી સર્કીટ જોવાઈ. પરંતુ, શુકવાર ના રોજ ઘટી ડીસેમ્બર વાયદો 5146 બંધ રહ્યો. જીરા ના NCDEX ના વાયદા માં શુકવાર ના રોજ ઘટાડો જોવાયો અને 14537 બંધ રહ્યો. કપાસ મા પણ જીરા ની જેમ હાલ માં કામકાજો મર્યાદિત છે. પરંતુ, ત્રણેક અઠવાડિયા થી મર્યાદિત રેંજ માં રહેલ જીરા અને કપાસ ના ભાવો માં આ અઠવાડિયે નવી રેંજ / દિશા જોવાવા ની શક્યતા છે.

નિષ્ણાતો ના મતે આ ચોમાસા માં વરસાદ તો પૂરતો રહ્યો જેથી પિયત ની તો અછત નહિ વર્તાય. પરંતુ આ વખતે વરસાદ ખેચાતા તેના પગલે અનાજ, કઠોળ અને તેલીબીયા ના મુખ્ય ઉત્પાદક રાજ્યો માં વાવણી પણ ખેચાઈ. સરકારે આ વખતે ઉત્પાદન માં અનાજ નો આશરે 25 કરોડ ટન નો, કઠોળ નો પોણા બે કરોડ ટન નો અને તેલીબીયા નો આશરે ત્રણ કરોડ ટન નો લક્ષ્યાંક રાખેલ છે, જે પાછલા વર્ષ કરતા 7% જેટલો વધારે છે. મોડા પણ પૂરતા વરસાદે નદી, નાળા, ચેક-ડેમ છલકાઈ ઉઠતા સારા ઉત્પાદન ની આશા સેવાઈ રહી છે.

એશીયાઇ બજારો માં ડોલર નું તોફાન
ડોલર યુરોપીયન કરન્સી સામે ઘસાયો, પણ રૂપિયા સામે મજબૂત
સોના - ચાંદી માં તેજી નું તોફાન 

23/11/2012

ગયા સપ્તાહ માં પાંચ માંથી ચાર સેશન બજાર ખુલ્યા ભાવ થી નીચે બંધ રહ્યું છતાં પણ સાપ્તાહિક ધોરણે સુધારા તરફી રહ્યું. નિફ્ટી ઉપરાંત મહત્વ ના ઇન્ડેક્ષ જેવા કે બેંકનિફ્ટી, CNX IT અને CNX ઇન્ફ્રા માં પણ આ જ મુજબ નો ટ્રેન્ડ જોવાયો. જયારે નિફ્ટી જુનીયર અને CNX IT શરૂઆત ના બે સેશન ના ઘટાડા બાદ સુધારા તરફી રહ્યા.

સપ્તાહ દરમ્યાન ઘણી વિસંગતતાઓ જોવા મળી. સપ્તાહ દરમ્યાન ડોલર પણ રૂપિયા સામે સોમવાર અને મંગળવાર બંને દિવસો ના 54.8350 ના નીચા સ્તરે થી સતત સુધારા તરફી રહ્યો. જયારે આ જ ગાળા માં ડોલર અન્ય વૈશ્વિક કરન્સી સામે સતત ધોવાતો રહ્યો. સોમવાર ના રોજ નિફ્ટી સ્પોટ માં 5549 અને મંગળવાર ના રોજ 5548 ના નીચા સ્તર બતાવી બજારે સુધારો દર્શાવ્યો. આમ, હાલ ના તબક્કે નિફ્ટી સ્પોટ માં હવે 5545 મહત્વ નો સપોર્ટ કહી શકાય. જ્યારે સાથે સાથે ઉપર માં 5690 - 5705 ની રેંજ કે જ્યાં પાછલા ઉછાળા વખતે બજારે સપોર્ટ બનાવ્યો હતો, તે હવે હાલ ના સમયે રેસીસ્ટેન્સ કહી શકાય. આ સપ્તાહ માં હવે શરૂઆત ના બે-એક સેશન માં નિફ્ટી સ્પોટ 5675 વટાવવા માં સફળ રહે તો 5705 સુધી ની શક્યતા કહી શકાય. પણ 5675 ને વોલ્યુમ સાથે પાર કરવા માં અસમર્થ રહેતા ફરી પાછી 5545 ની શક્યતા નકારી શકાય નહિ. તા 5 ઓક્ટોબર ના રોજ ડોલર રૂપિયા સામે ના 51.3730 સ્તર થી સતત સુધારા તરફી રહ્યો છે. જયારે આ જ દિવસ ના બેંકનિફ્ટી સ્પોટ ના ઓપન અને હાઈ 11745 ને વટાવવા માં બેંકનિફ્ટી હજી સુધી સફળ રહી નથી. ગયા સપ્તાહ દરમ્યાન બેન્કિંગ સેક્ટર માં રાષ્ટ્રીયકૃત બેંકો ની વધી રહેલ નોન-પર્ફોમિંગ એસેટ (NPA) સતત ચર્ચા માં રહી. પરંતુ, અન્ય વિકાસશીલ અર્થતંત્ર ની જેમ ભારત માં પણ બેન્કિંગ ક્ષેત્ર વિષે આશાવાદ સેવાતો રહ્યો છે. બેન્કિંગ ક્ષેત્ર ના વિકાસ કે તેના અવરોધો ની ચર્ચા કરતા આપણે આ કોલમ ની મૂળ વાત પર આવીએ તો બેંકનિફ્ટી માં હાલ ના તબક્કે આગળ ની તેજી માટે 11660 કે તેથી ઉપર નો બંધ આવશ્યક છે. જયારે, 11280 નીચે નો બંધ આવતા વેચવાલી વધે.

મુખ્ય શેર:

ભારતી એરટેલ, ફાયનાન્સીયલ ટેકનોલોજી, MCX અને મેકડોવેલ:

નવેમ્બર માસ દરમ્યાન ભારતી આશરે 15% જેટલો સુધારો દર્શાવી ચુક્યો છે. ભારતી ઇન્ફ્રાટેલ ના ડીસેમ્બર માસ દરમ્યાન આવનાર રૂ.4000 કરોડ ના પબ્લિક ઇસ્યુ ના ચાલતા આ શેર માં સતત ઉછાળો જોવાયો છે. ટ્રેડીંગ માટે આ શેર માં 315 મોટું રેસીસ્ટેન્સ કહી શકાય. જયારે ફાયનાન્સીયલ ટેકનોલોજી અને MCX બન્ને શેરો પાછલા ચાર માસ થી સતત સુધારા તરફી રહ્યા છે. MCX ના શેર બજાર ના શરુ થઇ રહેલ એક્ષ્ચેન્જ ના આશાવાદ પાછળ આ શેરો માં સતત લેવાલી જોવાઈ છે. ગયા અઠવાડિયા માં આ બન્ને શેરો માં આવેલ ઘટાડા છતાં આ શેરો વીકલી ચાર્ટ પર હજી પણ ઓવર-બોટ ઝોન માં છે.  જયારે યુનાઈટેડ સ્પીરીટ માં આ જ મહિના માં 50% જેટલો ઉછાળો જોવાયો છે. યુનાઈટેડ સ્પીરીટ માં હાલ માં 1955 ને મહત્વ નું રેસીસ્ટેન્સ કહી શકાય. લાંબા ગાળા ના રોકાણ માટે આ શેર ચોક્કસ સારા છે. પરંતુ, ટ્રેડીંગ માટે સપ્તાહ દરમ્યાન સાવધાની જરૂરી છે.


પાવર ફાયનાન્સ, રિલાયન્સ અને રિલાયન્સ કેપિટલ:

આ ત્રણેય શેરો માં ગુરુવાર ના રોજ NSE કેશ સેગ્મેન્ટ માં બનેલ નીચા સ્તર અનુક્રમે 179.60, 761.40 અને 376.50 મહત્વ ના સપોર્ટ છે. આ સપ્તાહ દરમ્યાન આ નીચા ભાવ અકબંધ રહે તો તેમાં ઉછાળા ની શક્યતા ગણી શકાય.

વિસંગતતાઓ થી ભરેલું વીતેલું સપ્તાહ
તોફાની શેરો માં સાવચેતી જરૂરી

17/11/2012
ક્રુડ ઓઈલ માટે એવું કહેવાય છે કે જયારે અમેરિકા ના અર્થતંત્ર માં સુધારો આવે, ઔદ્યોગિક વિકાસ ઝડપી બને, અમેરિકનો ની આવક અને વપરાશ વધે તો તેની અસર ક્રુડ ની માંગ વધારે અને ક્રુડ ઓઈલ ના ભાવ વધે. યુ એસ ની એનર્જી ઇન્ફોર્મેશન એડમિનીસ્ટ્રેશને બહાર પાડેલ ડેટા જોઈએ તો અમેરિકા માં ક્રુડ ઓઈલ નો ઈધણ, ઘર વપરાશ નું બળતણ (ઠંડા પ્રદેશો માં ઘર ને હુંફાળું રાખવા પણ બળતણ જરૂરી), ઉત્પાદન ક્ષેત્ર અને પાવર જનરેશન માં વપરાશ થાય છે. વાહન વ્યવહાર માં 96%, ઔદ્યોગિક ઉત્પાદન માં 43%, ઘર વપરાશ તેમ જ વ્યવસાયિક વપરાશ માં 21% અને ઇલેક્ટ્રિક પાવર જનરેશન માં 3% ક્રુડ ઓઈલ નો બીજા ઉર્જા સ્ત્રોતો ની સરખામણીએ વપરાશ થાય છે. જયારે ઇલેક્ટ્રિક પાવર જનરેશન માં 14%, ઘર વપરાશ તેમજ વ્યવસાયિક ઉપયોગ માં 73% અને ઔદ્યોગિક ઉપયોગ માં 39% નેચરલ ગેસ નો અન્ય ઉર્જા સ્ત્રોતો ની સરખામણીએ વપરાશ થાય છે.

ખનીજ તરીકે મળતા આ ઉર્જા સ્ત્રોત ના આટલા બહોળા વપરાશ ના લીધે એ કહી શકાય કે જયારે અમેરિકા ના અર્થતંત્ર માં સુધારો આવે તો ક્રુડ ના ભાવ પણ વધે. અગર છેલ્લા ચાર વર્ષ ના આંકડા પર નજર કરીએ તો આ બાબત ને સમર્થન પણ મળે છે.

	UD GDP ગ્રોથ રેટ	ક્રુડ ના ભાવ ની વધઘટ
વર્ષ 2008	-3.28	-55.04
વર્ષ 2009	-0.05	86.33
વર્ષ 2010	2.38	14.18
વર્ષ 2011	2.0	8.42
અપ્રિલ 2011 થી સપ્ટે 2012	2.2	-14.29

વર્ષ 2008 પછી જયારે યુ એસ ના GDP ગ્રોથ રેટ માં સુધારો આવ્યો તે પછી ક્રુડ ના ભાવ પણ વધતા રહ્યા. વર્ષ 2008 માં GDP ગ્રોથ રેટ -3.28% રહ્યો તો સામે ક્રુડ ના ભાવ માં પણ 55% જેટલો ઘટાડો જોવાયો. જયારે વર્ષ 2009 માં ગ્રોથ રેટ લગભગ શૂન્ય રહ્યો તો આગળ ના વર્ષ માં ઘટેલ ક્રુડ ઓઈલ માં 86% જેટલો સુધારો જોવાયો.જયારે 2010 અને 2011 માં 2% થી ઉપર ના ગ્રોથ રેટ સામે ક્રુડ માં અનુક્રમે 14% અને 8% જેટલો સુધારો રહ્યો. પરંતુ, એપ્રિલ 2011 થી 2012 ના સપ્ટેમ્બર સુધી યુ એસ નો GDP ગ્રોથ 2% આસપાસ જળવાઈ રહ્યો છે, છતાં પણ આજ ગાળા દરમ્યાન ક્રુડ ઓઈલ ના ભાવ માં 14% જેટલો ઘટાડો જોવાયો છે. નિષ્ણાતો ના મતે પાછલા દસ વર્ષો માં ક્રુડ ના ભાવ માં આર્થિક ઉપરાંત રાજકીય પરિબળો વધુ પ્રભાવી રહ્યા. ક્રુડ ઓઈલ ના ઉત્પાદક અખાતી દેશો ઈરાક, ઈરાન, કુવૈત, લીબિયા માં રહેલી રાજકીય ઉથલપાથલ પાછલા વર્ષો માં ઊંચા ભાવ માટે વધુ કારણભૂત રહી. જયારે છેલ્લા એકાદ વર્ષ માં અમેરિકા ના ફરી અખાતી દેશો માં વધી રહેલા પ્રભુત્વ અને તેના પગલે સપ્લાય ની સ્થિરતા લીધે ક્રુડ ના ભાવ માં નરમી જોવાઈ.

હાલ ના ક્રુડ ઓઈલ ના ટ્રેન્ડ તરફ નજર કરીએ તો યુ એસ માં છેલ્લા ત્રણ માસ થી ભાવ ઘટતા જોવાયા છે. પરંતુ છેલ્લા ત્રણ સપ્તાહ થી 84 ડોલર ના સપોર્ટ થી ક્રુડ માં પ્રત્યાઘાતી ઉછાળો રહ્યો. પણ સાથે સાથે એ પણ નોધવું રહ્યું કે તા 19 ઓક્ટોબર પછી ક્રુડ ઓઈલ 50, 100 કે 200 જેવી મહત્વ ની એક્ષ્પોનેન્શીયલ મુવિંગ એવરેજ (EMA) ની ઉપર બંધ રહેવા માં એક પણ દિવસ સફળ રહ્યું નથી. જયારે MCX વાયદા ની વાત કરીએ તો ગયા અઠવાડિયે બે-એક દિવસો માં મોટી અફડાતફડી જોવાઈ. સપ્તાહ ના છેલ્લા દિવસે ડીસેમ્બર વાયદો 4850 સુધી જોવાયો. જો કે ટેકનીકલી ક્રુડ વાયદા માં આ સપ્તાહ માં 4939 મહત્વ નું પ્રતિકારાત્મક સ્તર કહી શકાય.

જયારે ડોલર ઇન્ડેક્ષ ની વાત કરીએ તો અમેરિકી રાષ્ટ્ર પ્રમુખ ની ચુંટણી ના દિવસ થી શરુ થયેલ સુધારો હાલ માં 81.50 આસપાસ અવરોધાતો જોવાયો છે. આ સપ્તાહ માં ડોલર ઇન્ડેક્ષ માં 81.80 મહત્વ નો રેસીસ્ટેન્સ કહી શકાય. જયારે ડોલર ની રૂપિયા સામે ની ચાલ માં શુક્રવાર ના રોજ 55.2250 સુધી નો ઉછાળો જોવાયો. પાછલા બે અંકો માં અહી જણાવેલ 54.10 ના સ્તર ની ઉપર ની ડોલર ની ચાલ વીતેલા સપ્તાહ માં શેર-બજાર તેમ જ કોમોડીટી માં ઘણી નિર્ણાયક રહી. આગળ ની કોલમ માં જણાવ્યા મુજબ હવે 55.65 અને 56.10 સુધી ના ઉછાળા ની શક્યતા નકારી શકાય નહિ. ડોલર રૂપિયા સામે સતત સાત સપ્તાહ થી સુધારા તરફી રહ્યો અને આ સાતે સપ્તાહ માં પાછલા સપ્તાહ નો લો તોડ્યા સિવાય ડોલર ની આગેકુચ જોવાઈ છે. આમ હવે આ અઠવાડિયે પાછલા સપ્તાહ નો લો 54.58 રૂપિયા ના સુધારા માટે નિર્ણાયક ગણાય.

સોનું: યુ એસ સ્પોટ માં $1713 આસપાસ બંધ રહેલ સોના માં હવે 1703 નું સ્તર આ સપ્તાહ માં નિર્ણાયક રહે જયારે ઉપર માં આગળ ની તેજી માટે હાલ માં $1722 ની ઉપર નો બંધ આવશ્યક છે. જયારે MCX માં 31650 પાસે બંધ રહેલ ડીસેમ્બર વાયદા માં હવે 31835 મહત્વ નો રેસીસ્ટેન્સ અને 31265 મહત્વ નો ટેકો છે. નવેમ્બર ની શરૂઆત માં ડોલર માં જોવાયેલી મોટી અફડાતફડી ના પગલે ગ્લોબલ માર્કેટ માં સોના ના ભાવ માં ઘણી ઉથલપાથલ જોવાઈ. નવેમ્બર ના પ્રથમ અઠવાડિયે 500 રૂપિયા નો કડાકો તો બીજા અઠવાડિયે 1000 રૂપિયા નો ઉછાળો સોના માં જોવાયો. આ સપ્તાહ માટે સોના માટે 31265 - 31835 ની રેંજ ગણી શકાય. અત્રે એ નોધવું રહ્યું કે દિવસ ની 50 થી 150 રૂપિયા ની વધઘટ બતાવતા સોના માં હાલ ની દૈનિક રેંજ 100 - 450 જેટલી જોવાઈ છે.

ચાંદી: યુ એસ સ્પોટ માં $32.31 બંધ ને પગલે આ સપ્તાહ માં $31.61 મહત્વ નો સપોર્ટ કહી શકાય. તા 5 નવેમ્બર થી શરુ થયેલ ચાંદી નો સુધારો હાલ માં તો $33 આસપાસ અટવાતો જોવાયો છે. જયારે MCX ડીસેમ્બર વાયદા માં 60,900 આસપાસ બંધ રહેલ ચાંદી માં હવે 59830 મહત્વ નો ટેકો છે. જો કે સપ્તાહ દરમ્યાન 61250 ઉપર નો બંધ આવતા 62470 સુધી ના ઉછાળા ની શક્યતા ગણી શકાય.

કોપર: તા 18 ઓક્ટોબર ના 444.4 ના ઉચા મથાળે થી કોપર સતત ઘટતું રહ્યું છે. પરંતુ તા 9 નવેમ્બર ના રોજ જોવાયેલ 412.65 ના નીચા ભાવ થી કોપર માં ધીમો પરંતુ મક્કમ સુધારો જોવાયો છે. ગયા અઠવાડિયે કોપર ડેઈલી ચાર્ટ પર ઊંચા બોટમ બનાવતું જોવાયું. જો કે આની સાથે સાથે 423 આસપાસ રેસીસ્ટ થતું પણ જોવાયું. શુક્રવાર ના રોજ 421.75 બંધ રહેલ કોપર માં હવે પાછલા અઠવાડિયા નો રેસીસ્ટન્સ 423 ઉપર નો બંધ નવી તેજી માટે નિર્ણાયક રહે. જયારે ગુરુવાર નો 418.60 નો નીચો ભાવ આ સપ્તાહ માં અગત્ય નો સપોર્ટ કહી શકાય.

લીડ: ગતાંક માં જણાવ્યા મુજબ લીડ માં અઠવાડિયા દરમ્યાન રેંજ -બાઉન્ડ વધઘટ જોવા મળી. તા 26 નવેમ્બેર ના 107.7 ના નીચા ભાવ થી સતત સુધારા તરફી રહેલ લીડ માં નવેમ્બેર માસ માં જ આશરે 10% જેટલો સુધારો જોવાયો છે. હાલ માં લીડ માં 123.1 મહત્વ નું પ્રતિકારાત્મક સ્તર છે.

એલ્યુમીનીયમ: અઠવાડિયા ના પહેલા દિવસે આશરે 3.5% જેટલો સુધારો દર્શાવ્યા પછી એલ્યુમીનીયમ સમગ્ર સપ્તાહ દરમ્યાન રેંજ-બાઉન્ડ રહ્યું. જો કે આ સપ્તાહ દરમ્યાન પણ એલ્યુમીનીયમ માં 108.8 રેસીસ્ટેન્સ કહી શકાય. જયારે નીચે માં 104.4 મહત્વ નો ટેકો છે.

નિકલ : એલ્યુમીનીયમ, લીડ અને ઝીંક ની સરખામણીએ નિકલ માં તેજી ઓછી જોવાઈ છે. હાલ ના તબક્કે આગળ ની તેજી માટે 893.5 ની ઉપર નો બંધ અત્યંત આવશ્યક છે. શુક્રવાર ના રોજ 882.6 બંધ રહેલ નિકલ માં હવે 893.5 ની ઉપર બંધ આવે તો જ 925 સુધી ની નવી રેંજ ખુલે.

ઝીંક: શુક્રવાર ના રોજ 106.5 નો ઉચો ભાવ બતાવ્યા બાદ 105.5 બંધ રહેલ ઝીંક માં હવે 107.3 ને મહત્વ નો રેસીસ્ટેન્સ કહી શકાય. જો કે તા 14 નવેમ્બેર ના રોજ બનેલ 106.60 પણ આ સપ્તાહ માટે નો રેસીસ્ટેન્સ છે.

જીરું અને કપાસ: NCDEX ના ડીસેમ્બર વાયદા માં હવે 14450 ને મહત્વ નો ટેકો ગણી શકાય જયારે MCX ના કપાસ ના વાયદા માં હવે તેજી માટે 925 નું અકબંધ રહેવું આવશ્કય છે. તહેવારો ની સીઝન માં આ બન્ને કોમોડીટી માં કામ કાજ પાંખા રહ્યા.





ક્રુડ: 4762 અકબંધ રહે તો 4932 સુધી ના ઉછાળા ની શક્યતા.
સપોર્ટ: 4791,  4736. રેસીસ્ટેન્સ: 4877,  4939

ચાંદી: 59830 મહત્વ નો સપોર્ટ. 61250 ની ઉપર નો બંધ આવતા 62450 સુધી ના ઉછાળા ની સમભાવના.

કોપર: 423 ઉપર નો બંધ આવતા 431 સુધી ની તેજી ની શક્યતા. 414.1 મહત્વ નો ટેકો.

ઝીંક: 104.4 નજીક નો સપોર્ટ. તે અકબંધ રહેતા 106.6 - 107.3 ની શક્યતા.

નિકલ: 893 વટાવતા 915 ની શક્યતા. 866.50 મહત્વ નો ટેકો.

કપાસ (MCX): તેજી માટે 925 નું અકબંધ રહેવું આવશ્કય. 949 ની ઉપર નો બંધ આવતા તેજી આગળ વધે.

13/11/2012
Despite nearly 1% fall on Friday, 9th November in Nifty and Sensex are still in positive territory. As of now an intermediate support is placed at 5645 in Nifty spot. But, my time-period calculation suggest to remain cautious on Monday, 19th November as an intermediate correction is expected then.

Jet Airways:
Buy in range of 368 - 376.
Stoploss: 360
Target: 405 -410
Time period: 1 week

After the rise of 7 consecutive sessions, the stock seems to be facing the resistance at 377.
Though the stock had breached the low formed in the month of September during the fall in the month of November, the possibility of a rally is still intact.

The technical parameters like MACD, Stock RSI, William etc suggest the stock has potential of breaching its current resistance.

Yesterday, the stock opened below the previous day's close but managed to close positive. Though the stock may face resistance at 381.3 and 389.5, the target for the position can be expected in the range of 405 - 410.


Power Finance Corporation:
Buy in range of 187 - 192.
Stop loss: 185.
Target: 206 - 213 -220
Time period: 1.5 months

The stock has been forming higher bottoms on the weekly chart.

On weekly chart the resistances placed are 197 and 208.

But, on the daily chart the stock has been taking support at 187 for last 7 session which its 50 Day Exponential Moving average also.

Though the stock has been also facing the resistance at 190 during these 7 sessions, the positive trend formation of the averages suggests the stock is gearing for a break-out above 190. Crossing 190 would bring the momentum up to 206.

24/11/2012



THE chart of the returns

વિશ્વ ના સહુથી મોટા અર્થતંત્ર ના રાષ્ટ્ર પ્રમુખ ની ચુંટણી ના પ્રભાવ થી દુનિયાભર ના બજારો બાકાત રહી શક્યા નહિ. શેર બજાર, મેટલ, સોનું, ચાંદી અને ક્રુડ ઓઈલ માં અઠવાડિયા દરમ્યાન ઘણી અફડાતફડી જોવા મળી. ગોલ્ડમેન સેશ, જે પી મોર્ગન, બેંક ઓફ અમેરિકા, ક્રેડીટ સુસ જેવી નાણાકીય બાબતો સાથે સંકળાયેલી અમેરિકી સંસ્થાઓ ના મીટ રોમની ના કેમ્પેન માં કરાયેલ મોટા યોગદાન ની સામે બરાક ઓબામા ના મુખ્ય ડોનરો માં માયક્રોસોફટ, ગુગલ, હાવર્ડ યુનીવર્સીટી નો સમાવેશ હોઈ, ઓબામા ની જીત ની બજારો પર શી અસર થશે તેના પણ વિશ્લેષણો સંભાળવા મળ્યા.

જો કે વીતેલા દસ વર્ષો પર નજર કરીએ તો એટલું નક્કી કે યુ.એસ. પ્રેસિડેન્ટ ની ચુંટણી નું વર્ષ ડોલર માટે નિર્ણાયક રહેલું છે. વર્ષ 2000 ના નવેમ્બેર માસ માં બનેલ ડોલર ઇન્ડેક્ષ ના 118.60 ના મથાળા ની ઉપર ડોલર ઇન્ડેક્ષ લાંબુ ટક્યો નહિ અને સતત ઘટાડા તરફી રહ્યો. જયારે વર્ષ 2004 ના નવેમ્બર માસ માં 81.53 અને ડીસેમ્બર માં 80.39 ના નીચા સ્તર થી ત્રણ વર્ષ સુધી ઇન્ડેક્ષ ઉપર ટકેલ રહ્યો તો નવેમ્બેર 2008 ના બનાવેલ 88.4630 ના ઉચા સ્તર ની ઉપર ટકવા માં ડોલર ઇન્ડેક્ષ હજી સુધી સફળ રહ્યો નથી. વિશ્વ ના સહુથી મોટા અર્થતંત્ર ની કરન્સી ની આગળ ની દિશા કઈ છે તે તો સમય જ કહેશે. હાલ માં તો ડોલર ઇન્ડેક્ષ 80.20 ની 200 દિવસ ની એક્ષ્પોનેન્શિઅલ એવરેજ વટાવી શુક્રવાર ના રોજ 81 સુધી જોવાયો. છેલ્લા સત્તરેક દિવસ થી સુધારા તરફી રહેલ ડોલર ઇન્ડેક્ષ માં હાલ માં સપ્તાહ ના પ્રારંભિક દિવસ ને બાદ કરતા 80.50 - 80.31 ના ઘટાડા ની શક્યતા વધારે લાગે છે. જો કે 81.25 ના મોટા રેસીસ્ટેન્સ ની ઉપર સુધારો આગળ વધે.

ડોલર સામે રૂપિયો (USDINR): અમેરિકા ના રાષ્ટ્રપ્રમુખ ની ચુંટણી ના દિવસે ડોલર ના રૂપિયા સામે ના 54.77 ના ઉચા મથાળા ને શુક્રવારે ફરી વટાવ્યા બાદ ડોલર રૂપિયા સામે 54.65 આસપાસ બંધ રહ્યો. 54.10 ની ઉપર ડોલર માં 55.36 સુધી ના ઉછાળા ની શક્યતા હોઈ, આગામી સપ્તાહ માં પણ ડોલર ની આગેકુચ ની શક્યતા નકારી શકાય નહિ.

સોનું: વીતેલું સપ્તાહ સોના માટે ભારે અફડાતફડી ભર્યું રહ્યું. આગળના અઠવાડિયે 30500 આસપાસ બંધ રહેલ સોનું ગયા શુક્રવારે 31500 ની પણ ઉપર રહ્યું. અમેરિકા ના બજાર માં પણ ગયા અઠવાડિયે આશરે 4ટકા થી પણ વધારે નો સુધારો જોવાયો. યુ.એસ.સ્પોટ માં 200 દિવસ ની એક્ષ્પોનેન્શિઅલ એવરેજ $1672 નો સપોર્ટ લઇ સોનું ફરી પાછુ 50 દિવસ ની એવરેજ ની પણ ઉપર $1735 સુધી જોવાયું. હવે, યુ.એસ. માર્કેટ માં આ સપ્તાહે $1755 ને મહત્વ નો રેસીસ્ટેન્સ ગણાય. પણ તે પાર કરતા $1778 સુધી નો ઉછાળો જોવાય. જયારે $1710 નીચે નો બંધ આવતા સોનું ફરી પાછું જોખમી તબક્કા માં ગણવું. જયારે MCX માં હવે 31100 ને મહત્વ નો સપોર્ટ ગણી શકાય. જયારે અમેરિકી બજાર માં $1755 નું સ્તર વટાવતા ઘર- આંગણે 32050 સુધી ની તેજી ની શક્યતા ગણી શકાય.

ચાંદી: સતત સાત અઠવાડિયા થી ઘટી રહેલ ચાંદી એ ગયા અઠવાડિયે તેજી તરફી રુખ બતાવી. હવે ચાંદી માં 58380 ને મહત્વ નો ટેકો ગણી શકાય. વીતેલા અઠવાડિયા માં વૈશ્વિક બજારો ની સાથે-સાથે ચાંદી માં પણ મોટી અફડાતફડી જોવાઈ. શુક્રવાર ના રોજ 60000 ની ઉપર ટકવા માં સફળ રહેતા ચાંદી માં હવે આગામી સપ્તાહ માં 62240 સુધી ની તેજી ની શક્યતા નકારી શકાય નહિ. જ્યાં સુધી ચાંદી 58870 ની ઉપર બંધ રહે, ટ્રેન્ડ તેજી તરફી ગણવો.સપ્તાહ દરમ્યાન ટ્રેડીંગ માટે 59930, 60430, 61720 મહત્વ ના લેવલ ગણી શકાય. ગ્લોબલ માર્કેટ માં સોના ના ભાવ માં આવેલ ઉછાળા ને પગલે ચાંદી પણ હવે $31.63 અકબંધ રહેતા રુખ તેજી તરફી રહે. યુ એસ સ્પોટ માં 200 દિવસ ની એક્ષ્પોનેન્શિઅલ એવરેજ $31.63 હોઈ, હવે આ સ્તર નિર્ણાયક રહે.

ક્રુડ: વીતેલા સપ્તાહ માં ક્રુડ યુ એસ 85.5 થી 84 ની રેંજ માં સપોર્ટ લેતું જોવાયું. જયારે MCX વાયદા માં 4592 અકબંધ રહ્યું. હવે ક્રુડ માં $83.75 તૂટતા $77.40 સુધી ના ઘટાડા ની શક્યતા ગણી શકાય. MCX માં હવે 4582 મહત્વ નો સપોર્ટ ગણી શકાય. 4571 ની નીચે નો બંધ આવતા 4450 સુધી ના ઘટાડા ની શક્યતા ગણી શકાય. ક્રુડ માં આગળની તેજી માટે 4661 ની ઉપર નો બંધ આવશ્યક છે. 4661 ની ઉપર નો બંધ આવતા 4800 સુધી ની તેજી થઇ શકે.

એલ્યુમીનીયમ, કોપર, લીડ, નીકલ, ઝીંક:
ગયા અઠવાડિયે કોપર ને બાદ કરતા તમામ ધાતુઓ તેમના મહત્વ ના સપોર્ટ લેવલ થી સુધારા તરફી જોવાઈ. પાછલા ત્રણ વર્ષો માં કોપરે પોઝીટીવ જયારે બે વર્ષો માં નિકલે નેગેટીવ રીટર્ન આપ્યું છે.

હાલ માં નવેમ્બેર વાયદા ની વાત કરીએ તો હવે એલ્યુમીનીયમ માં આગળ ની તેજી માટે 105.35 ની ઉપર નો બંધ આવશ્યક છે. નીચે માં 102.6 નો સપોર્ટ હોઈ, આ અઠવાડિયે એલ્યુમીનીયમ રેંજ-બાઉન્ડ કહી શકાય. 105.35 - 102.60 ની રેંજ નું બ્રેક-આઉટ આગળ ના ટ્રેન્ડ માટે મહત્વ નું કહી શકાય.
કોપર ના વાયદા માં હવે 413.20 ની નીચે નો બંધ આવતા મંદી આગળ વધે. સપ્તાહ દરમ્યાન ઇન્ટ્રા-ડે ની ઘટાડા તરફી ચાલ માં 409.45 મહત્વ નો ટેકો કહી શકાય. ઉપર માં 421.10 ની ઉપર નો બંધ 428 સુધી ની તેજી બતાવી શકે.
લેડ અને ઝીંક માં વીતેલા અઠવાડિયા માં તેજી નું તોફાન જોવા મળ્યું. જો કે ટેકનીકલ પેરામીટર જોતા, ઝીંક ની સરખામણીએ લેડ વધારે તેજી નો ટ્રેન્ડ વધારે મજબૂત જોવાયો. આ સપ્તાહ માં લેડ માં 123.15 નું રેસીસ્ટેન્સ મહત્વ નું રહી શકે. જયારે ઝીંક માં હવે 105.25 નિર્ણાયક રહે. આ સપ્તાહ માં બંને ધાતુઓ માં જ્યાં સુધી તેમના મહત્વ ના રેસીસ્ટેન્સ પાર ન થાય, ચાલ રેંજ-બાઉન્ડ રહે.
નિકલ માં આગળ ની તેજી માટે 866.50 નું અકબંધ રહેવું આવશ્યક છે. આ સપ્તાહે 866.50 - 897.40 ની રેંજ કહી શકાય. આ રેંજ નું બ્રેક-આઉટ આગળ ના ટ્રેન્ડ માટે નિર્ણાયક રહે.


ઈલાયચી, કપાસ, જીરું:
ઈલાયચી માં નવેમ્બેર વાયદા માં 759 અને ડીસેમ્બર વાયદા માં 790 અને 735 મહત્વ ના ટેકા છે. જયારે કપાસ MCX વાયદા માં 900 અને 870 મહત્વ ના ટેકા કહી શકાય. હાલ માં કપાસ 870 થી 980 માં રેંજ-બાઉન્ડ કહી શકાય. જો કે 980 વટાવતા 1030 સુધી ની શક્યતા નકારી શકાય નહિ. જયારે શુક્રવારે 14650 પર NCDEX માં બંધ રહેલ જીરા માં હવે 15050 સુધી ના ઉછાળા ની શક્યતા ગણી શકાય.





ડોલર ના પગલે ધાતુઓ માં તેજી
ચાંદી માં ઉછાળા ની તો અન્ય ધાતુઓ રેંજ-બાઉન્ડ રહેવા ની શક્યતા

05/11/2012

ગુજરાત ગાર્ડિયન ના સર્વ વાચક મિત્રો ને દિવાળી ની શુભકામના. આશા રાખીએ કે વિ .સં 2069 મંગલમય અને પ્રગતિકારક રહે.

વીતેલા ત્રણ - ચાર વર્ષો પર નજર કરીએ તો આ ગાળા દરમ્યાન શેર બજાર માં વોલ્યુમો સતત ઘટતા અને રોકાણકારો શેરબજારો થી વિમુખ થતા જોવાયા છે. પણ બજાર છેલ્લા ત્રણ વર્ષો માં રેંજ બાઉન્ડ રહી, ધીમે - ધીમે ઉપર ની રેંજ પકડતું રહ્યું છે. એમાં પણ પાછલા એક વર્ષ માં શેર બજાર ખરાબ સમાચારો પાછળ સાધારણ ઘટાડા આપતું અને પછી ધીમે ધીમે એ ઘટાડો રીકવર કરતુ અને પોઝીટીવ સમાચારો ના પગલે ઉછાળા આપતું જોવાયું. 2008 સુધી ની તેજી ના તોફાની અશ્વો જેવા કે ADAG શેર, ઇન્ફ્રા ક્ષેત્ર ના શેર કે ટેલીકોમ શેર ભલે તળિયે રહ્યા, પણ ઇન્ડેક્ષ ધીમા પણ મોટા કડાકા વગર સુધારા તરફી રહ્યા.

અહી એ અવશ્ય કહીશ કે એવરેજ ટ્રેડર જે મંદી ના રોજેરોજ ના વેપાર થી ટેવાઈ ગયા છે તેમણે પોતાના ટ્રેડીંગ અભિગમ માટે એક વખત વિચાર અવશ્ય કરી લેવો જોઈએ. સાથે સાથે વિવિધ એક્ષચેન્જો એ કરેલ પ્રવાહિતા અને રોકાણ ના વિકલ્પ લક્ષી સુધારા ને પણ અવશ્ય ધ્યાન પર લેવા જોઈએ. પાછલા 2 વર્ષો માં NSE એ વૈશ્વિક ઇન્ડેક્ષ જેવા કે DJIA, FTSE 100 અને S&P500 ના ફ્યુચર અને ઓપ્શન્સ તથા કરન્સી ના ફ્યુચર અને ઓપ્શન્સ શરુ કરી રોકાણકારો ને રિસ્ક હેજ કરવાની તેમજ ગ્લોબલ ઇવેન્ટ નો લાભ ઉઠાવવા ની તક પૂરી પાડી તો BSE એ પણ સેન્સેક્ષ ના ફ્યુચર અને ઓપ્શન્સ ઉપરાંત BSE 100 ના ડેરીવેટીવ ટ્રેડરો માટે ખુલ્લા મુક્યા. ટૂક માં ટ્રેડરે બજાર માં આવેલ ચેન્જ ને અનુરૂપ પોતાની સ્ટ્રેટેજી એવી રીતે બનાવવી જોઈએ કે જેથી મહત્તમ લાભ ઉઠાવી શકે.

ગ્લોબલ માર્કેટ ની વાત પર આવીએ તો ડોલર ઇન્ડેક્ષ કે જે ગયા વર્ષે અડધા ટકા ના ઘટાડા પર રહ્યો તે આ વર્ષે આ લખાય છે ત્યાં સુધી 4.5% નો વધારો દર્શાવી ચુક્યો છે. છેલ્લા ચાર વર્ષો થી કોન્સોલીડેશન માં રહેલ ડોલર ઇન્ડેક્ષ હવે કોઈ મોટા ફેરફારો ની એંધાણી આપી રહ્યો છે. માટે જ, આ વર્ષ માં ટ્રેડરે પાછલા વર્ષ માં નોધેલા મહત્વ ના લેવલ કે કેળવેલા ટ્રેડીંગ અભિગમ માટે એક વખત હોમવર્ક જરૂર થી કરી લેવું. હાલ પુરતો ડોલર ઇન્ડેક્ષ 76.60 થી 83.60 ની રેંજ માં છે. પરંતુ આ રેંજ માંથી બ્રેક-આઉટ બધાજ બજારો માટે નિર્ણાયક રહેશે.

ડોલર સામે રૂપિયો (USDINR): વિ . સં 2068 માં રૂપિયો ડોલર સામે હાલ માં આશરે દસ ટકા થી પણ વધારે નો ઘસારો દર્શાવી રહ્યો છે. પણ અત્રે એ નોધવું ઘટ્યું કે નવેમ્બેર 2010 થી નવેમ્બેર 2011 ના ગાળા માં જયારે ડોલર અન્ય કરન્સી સામે અડધા ટકા જેટલો ઘટ્યો છતાં પણ રૂપિયા સામે તો આશરે દસ ટકા જેટલો સુધર્યો હતો. પરંતુ, નવેમ્બેર 2011 થી નવેમ્બેર 2012 ના ગાળા માં ડોલર અન્ય કરન્સી સામે સાડા ચાર ટકા જેટલો સુધર્યો ત્યારે રૂપિયા સામે આશરે સાડા દસ ટકા જેટલો સુધર્યો. આમ ચાલુ વર્ષ માં રૂપિયા નો ડોલર સામે નો ઘસારો ધીમો જરૂર પડી રહ્યો છે. વિ .સં  2069 માં ડોલર નું રૂપિયા સામે નું 56.55 અને 51.10 સહુ થી નિર્ણાયક સ્તર છે. આ સ્તર ની આસપાસ શેર બજાર તેમજ કોમોડીટી બજારો માં મોટી અફડાતફડી જોવા મળે.

સોનું: નવેમ્બેર 2011 થી નવેમ્બેર 2012 ના ગાળા માં સોના માં આશરે 13.5% જેટલો સુધારો જોવાયો છે. પરંતુ, આ જ ગાળા માં ગ્લોબલ માર્કેટ માં સોના ના ભાવ માં અડધા ટકા થી પણ ઓછો વધારો થયો છે. જો કે વિ .સં 2068 નો આ 13.5% નો સુધારો વિ . સં .2067 ના 38% જેટલા જંગી વધારા ની સરખામણીએ તો સામાન્ય રહ્યો. પાછલા ત્રણ વર્ષો ના સોના ના ભાવો પર નજર કરીએ તો એ સ્પષ્ટ છે કે જયારે ગ્લોબલ માર્કેટ માં ડોલર ઘટ્યો ત્યારે સલામત રોકાણ ના વિકલ્પ તરીકે રોકાણકારો ની લેવાલી ને પગલે વૈશ્વિક બજાર માં અને તેની પાછળ ઘર-આંગણે સોના ના ભાવ વધ્યા. પરંતુ જયારે ડોલર માં સુધારો જોવાયો ત્યારે, રૂપિયા માં આવેલ ઘસારા ને લીધે ઘર-આંગણે સોના ના ભાવ વધ્યા. આમ ડોલર વધે કે ઘટે, બંને કિસ્સા માં સોના ના ભાવ વધતા જોવાયા છે. હવે આપણે  આગળ જોયું તેમ, ચાલુ વર્ષ માં રૂપિયા નો ડોલર સામે નો ઘસારો ગયા વર્ષ કરતા ધીમો પડી રહ્યો છે. આમ જો, રૂપિયો ગ્લોબલ માર્કેટ માં સુધરતા ડોલર સામે પણ સ્થિર રહે કે સુધારો દર્શાવે તો સોના ની આ તેજી એક મોટા કરેકશન માં ફેરવાઈ જાય. જો કે જ્યાં સુધી 30,100 ની ઉપર છે, સરવાળે ટ્રેન્ડ પોઝીટીવ કહેવાય. અને 29300 ની નીચે કરેકશન ઝડપી બને.

ચાંદી: સપ્ટેમ્બર 2011 માં $26.05 નો અમેરિકી બજાર માં નીચો ભાવ બતાવ્યા પછી ચાંદી બે (ડીસેમ્બર 2011 અને જુલાઈ 2012) વખત આ સ્તર થી સપોર્ટ લઇ ચુકી છે. આમ $26 આસપાસ ડેઈલી, વીકલી તેમ જ મંથલી ચાર્ટ પર ત્રિપલ બોટમ ફોર્મેશન જોવાયું છે. આથી વર્ષ દરમ્યાન ના ઘટાડા માં આ સ્તર ઘણું મહત્વ નું ગણાય. જયારે ઉપર માં હવે $35.15 ને મોટો રેસીસ્ટેન્સ ગણવો. જયારે આપણા બજાર માટે ચાંદી જ્યાં સુધી 52000 ની ઉપર રહે સરવાળે ટ્રેન્ડ તેજી નો કહેવાય.

ક્રુડ: હાલ માં તો ક્રુડ માં રુખ મંદી તરફી જોવાયો છે. યુ એસ ક્રુડ માં $82.22 તૂટતા $77.6 સુધી ની મંદી ની શક્યતા છે. પરંતુ જુન 2012 માં $77.25 એક મહત્વ નો સપોર્ટ હોઈ આ સ્તર વર્ષ દરમ્યાન ઘણું નિર્ણાયક રહે.  જયારે ઉપર માં $92.77 અને $100 મહત્વ ના રેસીસ્ટેન્સ છે. જયારે MCX માં 4440 ને જ મહત્વ નો ટેકો ગણાય. અહી એ નોધવું રહ્યું કે યુ એસ માર્કેટ માં નવેમ્બેર 2011 થી નવેમ્બર 2012 દરમ્યાન ક્રુડ ના ભાવ માં આશરે 6.30% જેટલો ઘટાડો થયા હોવા છતાં MCX ના ભાવો માં આ ગાળા માં આશરે 3.5% જેટલો સુધારો જોવાયો છે. વર્ષ 2011 માં અખાતી દેશો માં જોવાયેલી રાજકીય અસ્થિરતા ની સરખામણીએ વર્ષ 2012 માં ક્રુડ માં સપ્લાય લગભગ સ્થિર રહ્યો તેમ જ ડોલર ઇન્ડેક્ષ માં પણ કોઈ મોટી ઉથલપાથલ રહી નથી. પરંતુ, ડોલર ઇન્ડેક્ષ નું હાલ ની રેંજ માંથી ગમે તે તરફ નું બ્રેક-આઉટ મોટી ઉથલપાથલ સર્જી શકે.

એલ્યુમીનીયમ, કોપર, નિકલ, લીડ અને ઝીંક:
મેટલ સ્પેસ માં નિકલ સતત બીજા વર્ષે ઘટાડા તરફી રહ્યું. જયારે ગયા વર્ષે આશરે 9% જેટલું ઘટેલ લીડ આ વર્ષે 10% જેટલું વધતું જોવાયું. જયારે કોપર સતત બીજા વર્ષે પણ સુધારા તરફી રહ્યું. જયારે ઝીંક 3.5% જેટલો સાધારણ સુધારો તો એલ્યુમીનીયમ માં 5% જેટલો ઘટાડો જોવાયો. પાછલા બે-એક વર્ષો માં ચીન-ભારત જેવા વિકાસશીલ દેશો ના અર્થતંત્ર માં રહેલ નરમી ન ચાલતા ઔદ્યોગિક ધાતુઓ ની માંગ માં સુસ્તી જોવાઈ છે. વર્ષ દરમ્યાન વિકાસશીલ દેશો ની આર્થિક નીતિઓ તેમ જ ડોલર ની વધઘટ આ મેટલ્સ માટે નિર્ણાયક રહે.

જયારે હાલ ની સીઝન માં કપાસ માં 850 અને 900 જ મહત્વ ના ટેકા છે તો જીરા માં 13250 નો ટેકો અને 15500 નો રેસીસ્ટેન્સ ગણી શકાય. વર્ષ દરમ્યાન નિકાસનીતિ ને લગતી જાહેરાતો આ બંને કોમોડીટી માં નિર્ણાયક રહે.

	નવે 2011 થી નવે 2012 ફેરફાર %	નવે 2012	નવે 2010 થી નવે 2011 ફેરફાર %	નવે 2011
ડોલર સામે રૂપિયો (USDINR)	10.71%	53.8	9.76%	48.59
ડોલર ઇન્ડેક્ષ	4.54%	80.02	-0.5%	76.54
સોનું (US)	0.35%	$ 1720	25.76%	$ 1713.99
સોનું (MCX)	13.5%	રુ 31090	38.07%	રૂ. 27393
ચાંદી (US)	-5.54%	$ 32.28	36.88%	$ 34.18
ચાંદી (MCX)	5.96%	રૂ. 59870	51.93%	રૂ. 56500
ક્રુડ (US)	-6.37%	$ 86.90	14.03%	$ 92.81
ક્રુડ (MCX)	3.42%	રૂ. 4662	24.05%	રૂ. 4508

MCX	નવે 2011 થી નવે 2012 ફેરફાર %	નવે 2012	નવે 2010 થી નવે 2011 ફેરફાર %	નવે 2011
એલ્યુમીનીયમ	-4.94%	રૂ. 102.90	2.32%	રૂ. 108.25
કોપર	7.49%	રૂ. 419.70	5.96%	રૂ. 390.45
લીડ	10.8%	રૂ. 111.80	-8.94%	રૂ. 100.90
નિકલ	-8.35%	રૂ. 879.90	-7.59%	રૂ. 960.10
ઝીંક	3.57%	રૂ. 100.00	-11.83%	રૂ. 96.55

વર્ષ દરમ્યાન ડોલર ઇન્ડેક્ષ ની 76.60 - 83.60 રેંજ નું બ્રેક-આઉટ શેર બજાર, ધાતુઓ તેમ જ ક્રુડ માટે નિર્ણાયક

વર્ષ દરમ્યાન સોના માં સાવચેતી જરૂરી

ચાંદી માં $26 વર્ષ માટે મહત્વ નો ટેકો 

04/11/2012

ગુજરાત ગાર્ડિયન ના સર્વ વાચક મિત્રો ને દિવાળી ની શુભકામના. આશા રાખીએ કે આવનાર વર્ષ આપણા સર્વ વાચક મિત્રો માટે વધુ સારું, પ્રગતિકારક અને સુખાકારી વધારનારું રહે.

વીતેલા ત્રણ - ચાર વર્ષો પર નજર કરીએ તો આ ગાળા દરમ્યાન શેર બજાર માં વોલ્યુમો સતત ઘટતા અને રોકાણકારો શેરબજારો થી વિમુખ થતા જોવાયા છે. પણ બજાર છેલ્લા ત્રણ વર્ષો માં રેંજ બાઉન્ડ રહી, ધીમે - ધીમે ઉપર ની રેંજ પકડતું રહ્યું છે. એમાં પણ પાછલા એક વર્ષ માં શેર બજાર ખરાબ સમાચારો પાછળ સાધારણ ઘટાડા આપતું અને પછી ધીમે ધીમે એ ઘટાડો રીકવર કરતુ અને પોઝીટીવ સમાચારો ના પગલે ઉછાળા આપતું જોવાયું. 2008 સુધી ની તેજી ના તોફાની અશ્વો જેવા કે ADAG શેર, ઇન્ફ્રા ક્ષેત્ર ના શેર કે ટેલીકોમ શેર ભલે તળિયે રહ્યા, પણ ઇન્ડેક્ષ ધીમા પણ મોટા કડાકા વગર સુધારા તરફી રહ્યા.

અહી એ અવશ્ય કહીશ કે એવરેજ ટ્રેડર જે મંદી ના રોજેરોજ ના વેપાર થી ટેવાઈ ગયા છે તેમણે પોતાના ટ્રેડીંગ અભિગમ માટે એક વખત વિચાર અવશ્ય કરી લેવો જોઈએ. સાથે સાથે વિવિધ એક્ષચેન્જો એ કરેલ પ્રવાહિતા અને રોકાણ ના વિકલ્પ લક્ષી સુધારા ને પણ અવશ્ય ધ્યાન પર લેવા જોઈએ. પાછલા 2 વર્ષો માં NSE એ વૈશ્વિક ઇન્ડેક્ષ જેવા કે DJIA, FTSE 100 અને S&P500 ના ફ્યુચર અને ઓપ્શન્સ તથા કરન્સી ના ફ્યુચર અને ઓપ્શન્સ શરુ કરી રોકાણકારો ને રિસ્ક હેજ કરવાની તેમજ ગ્લોબલ ઇવેન્ટ નો લાભ ઉઠાવવા ની તક પૂરી પાડી તો BSE એ પણ સેન્સેક્ષ ના ફ્યુચર અને ઓપ્શન્સ ઉપરાંત BSE 100 ના ડેરીવેટીવ ટ્રેડરો માટે ખુલ્લા મુક્યા. ટૂક માં ટ્રેડરે બજાર માં આવેલ ચેન્જ ને અનુરૂપ પોતાની સ્ટ્રેટેજી એવી રીતે બનાવવી જોઈએ કે જેથી મહત્તમ લાભ ઉઠાવી શકે.

વૈશ્વિક બજારો ની વાત કરીએ તો અપ્રિલ 2011 થી સતત સુધારા તરફી રહેલ ડોલર ઇન્ડેક્ષ હાલ માં તો રેંજ બાઉન્ડ છે. પણ, જુલાઈ 2008 થી 78 થી 88 ની રેંજ માં રહેલ ડોલર ઇન્ડેક્ષ ચાર વર્ષ થી કોન્સોલીડેશન માં કહી શકાય. માટે કોમોડીટી બજાર માં પણ ટ્રેડરે પાછલા ચાર વર્ષ ના ટ્રેડીંગ અભિગમ અને સ્ટ્રેટેજી માં ફેરફાર અવશ્ય કરવા જોઈએ. વિ.સં. 2069 માં યુ.એસ. ડોલર ઇન્ડેક્ષ ના નીચા માં 76.70 અને ઉપર માં 83.39 લેવલ સોના - ચાંદી, મેટલ તથા શેર બજાર માં મોટા તોફાનો સર્જવા માં નિર્ણાયક રહે.

અગર રૂપિયા ની વાત કરીએ તો ઓગસ્ટ 2011 થી ડોલર રૂપિયા સામે 35% જેટલો ધરખમ સુધારો દર્શાવી ચુક્યો છે. જયારે આ જ ગાળા માં ડોલર અન્ય કરન્સી સામે ફક્ત 4.5% જેટલો જ સુધર્યો. આજ સમય ગાળા દરમ્યાન ડોલર નું રૂપિયા સામે નું 57.5000 જેવું પાછલા 15 વર્ષ નું સર્વોચ્ચ સ્તર જોવા મળ્યું. અહી એ પણ નોધવું રહ્યું કે વર્ષ 2002 થી વર્ષ 2008 દરમ્યાન ડોલર અન્ય કરન્સી સામે 36% જેટલો ઘટ્યો તો રૂપિયા સામે આ ગાળા માં ફક્ત 10% જેટલો જ ઘટાડો નોધાયો. આમ પાછલા દસ વર્ષ નું અવલોકન કરતા એ સ્પષ્ટ છે કે જયારે ડોલર અન્ય કરન્સી સામે ઘટે છે ત્યારે રૂપિયો ડોલર સામે એટલી તાકાત થી સુધારો નથી દર્શાવી શક્યો. પણ ડોલર જયારે અન્ય કરન્સી સામે સુધારો દર્શાવે ત્યારે રૂપિયા સામે વધારે સુધારો દર્શાવે છે.

પાછલા દસ વર્ષ 

	USD ઇન્ડેક્ષ	USDINR	સોનું (US)	સોનું (ભારત)	ચાંદી (US)	ચાંદી (ભારત)
જા 2002	120	48.5	$ 280	Rs. 4300	$ 7	Rs.7360
જા 2008	76.67	39.4	$ 860	Rs. 9890	$ 15.3	Rs. 19236
% તફાવત	-36.11%	-9.10%	207.14%	130%	118.50%	161.35%
ઓ. 2012	80.09	53.54	$ 1703	Rs. 31000	$ 31.72	Rs. 59500
% તફાવત	4.45%	35.90%	98%	213.50%	107.30%	209.30%

પાછલા બે વર્ષ 

	USD ઇન્ડેક્ષ	USDINR	સોનું (US)	સોનું (ભારત)	ચાંદી (US)	ચાંદી (ભારત)
જા 2011	79.3	44.7	$ 1416	Rs. 20750	$ 30.8	Rs.46250
જા 2012	80.33	53.06	$ 1564	Rs. 27300	$ 27.64	Rs. 51000
% તફાવત	1.30%	18.70%	10.45%	31.60%	-10.25%	10.25%
ન. 2012	80	53.79	$ 1720	Rs. 31000	$ 31.72	Rs. 59800
% તફાવત	-0.41%	1.38%	10%	13.55%	16.80%	17.25%

પરંતુ, અહી એ નોધવું રહ્યું કે રૂપિયા ના ગ્લોબલ કરન્સી સામે ના પર્ફોમન્સ માં વર્ષ 2011 વધારે ખરાબ રહ્યું. વર્ષ 2011 માં ડોલર અન્ય કરન્સી સામે ફક્ત સવા ટકા જેટલો સુધર્યો તો રૂપિયા સામે 18% થી પણ વધારે નો સુધારો જોવાયો. આ જ કારણે ઘર-આંગણે સોના ના ભાવ માં 30% થી પણ વધારે નો ઉછાળો જોવાયો. જયારે વર્ષ 2012 માં રૂપિયો પાછલા વર્ષ જેટલો નરમ રહ્યો નથી. આ જ કારણ હોઈ શકે કે શેર બજાર વર્ષ 2012 માં ખરાબ સમાચારો પાછળ સાધારણ ઘટતા અને સારા સમાચારો પાછળ મોટા ઉછાળા બતાવતા જોવાયા.

આપણે સોમવાર ની તા .1લી ઓક્ટોબર ની કોલમ માં સોના ના ભાવ, ડોલર ના બીજી કરન્સી સામે અને ડોલર ના રૂપિયા સામે ના ત્રિકોણીય સંબંધ ની ચર્ચા કરેલ. વૈશ્વિક બજારો માં ડોલર માં નરમી હોય ત્યારે સલામત રોકાણ તરીકે રોકાણકારો ની સોના માં લેવાલી ને પગલે સોના ના ભાવ વધે. જયારે ડોલર મજબૂત થાય ત્યારે રૂપિયા ની ખરીદક્ષમતા માં આવેલ ઘટાડા ને પગલે ઘર-આંગણે સોના ના ભાવ ઉચકાય. આમ સોના માં ચાલતી બે-ધારી તલવાર જેવી તેજી ના પગલે વર્ષ 2011 માં સોના ના ભાવ માં 31% જેટલો મોટો ઉછાળો જોવાયો. પણ, જો વૈશ્વિક બજાર માં ડોલર સુધારો દર્શાવે અને સુધારતા ડોલર સામે રૂપિયો પણ સ્થિર રહે કે સુધારો દર્શાવે તો સોના ની આ બે-ધારી તલવાર જેવી તેજી મોટા કરેકશન માં ફેરવાઈ જાય એમ 1 ઓક્ટોબર ના અંક માં લખેલ. આપણે આગળ જે ચર્ચા કરી તેમ વર્ષ 2012 માં રૂપિયો ડોલર સામે અન્ય કરન્સી ની સમાંતર ચાલતો જોવાયો. ઉપરાંત છેલ્લા 5 વર્ષ માં સોના માં 200% થી પણ વધારે નો ઉછાળો નોધાયો હોઈ, હવે આ વર્ષ ની શરૂઆત માં સોના માં કરેકશન આગળ વધવાની સંભાવના વધારે છે.

જયારે ચાંદી માં રોજ-બરોજ નો ટ્રેન્ડ ભલે સોના ની દિશા માં રહેતો હોય. પણ ચાંદી માં પાછલા બે વર્ષ માં અનુક્રમે 10.25% અને 17.25% જેટલા ઉછાળા નોધાયા છે. ઉપરાંત યુ.એસ. સ્પોટ માં ચાંદી માં $26 આસપાસ ડેઈલી, વીકલી તેમ જ મન્થલી ચાર્ટ પર ત્રિપલ બોટમ ફોર્મેસન છે. વર્ષ દરમ્યાન ચાંદી માં સોના ની સાથે ઘટાડો જોવાય તો આ લેવલ નિર્ણાયક સાબિત થાય. પરંતુ ચાંદી માં રોજેરોજ ની ટ્રેડીંગ રેંજ મોટી હોઈ, ટ્રેડરે તેના અનુરૂપ પોતાની સ્ટ્રેટેજી બનાવવી જોઈએ.

અહી એ જરૂર કહીશ કે વર્ષ 2012 માં ડોલર ની રૂપિયા સામે ની તેમ જ ડોલર ની વૈશ્વિક કરન્સી સામે ની ચાલ માં બદલાવ શરુ થયેલ હોઈ, ટ્રેડરે સોનું, ચાંદી, કોપર, ઝીંક, નિકલ , લીડ સહીત તમામ ધાતુઓ તેમ જ ક્રુડ ઓઈલ માં પોતાની ટ્રેડીંગ સ્ટ્રેટેજી તેમ જ ટ્રેડીંગ અભિગમ માટે થોડું હોમ-વર્ક જરૂર થી કરી લેવું જોઈએ. એક જ સોદા માં પૂરી તાકાત / પૈસા લગાવી દેનાર, ઉતાવળિયા ટ્રેડર ફસાય જ. જયારે અલગ અલગ ભાવ થી, ટ્રેન્ડ અને લેવલ મુજબ સોદા કરનાર ટ્રેડર બજાર માંથી સારો નફો રળી શકે.

આશા રાખીએ નવું વર્ષ વધુ મંગલમય રહે.

ગ્લોબલ માર્કેટ ને ધમરોળતો ડોલર

સોના માં કરેકશન ની સંભાવના


લેખક IFCI ફાયનાન્સીયલ સ.લી.- અમદાવાદ ના મેનેજર છે. અહી વ્યક્ત કરેલ મંતવ્યો / અભિપ્રયો તેમના વ્યક્તિગત છે અને નહિ કે IFCI ફાયનાન્સીયલ સ.લી. ના.

02/11/2012

ગતાંક માં આપણે યુ. એસ. ડોલર ની બીજી કરન્સી સામે ની વધઘટ ની શેર બજાર, સોનું, ચાંદી તેમજ વૈશ્વિક બજારો પર થતી અસર ની ચર્ચા કરી. વીતેલા સપ્તાહ દરમ્યાન આપણે જોયું કે જયારે ડોલરે રૂપિયા સામે ના અમેરિકી બજાર ના તેના 54.10 ના અહી લખેલ સ્તર ને સોમવાર ના રોજ પાર કર્યું તો મંગળવારે શેર બજાર માં આશરે 200 પોઈન્ટ જેટલો કડાકો બોલાઈ ગયો. પરંતુ બુધવાર ના રોજ ડોલર રૂપિયા સામે ના 54.10 ના સ્તર ઉપર ટકવા માં અસમર્થ રહેતા ફરી પાછો બજારો માં સુધારો જોવાયો. જયારે એલ્યુમીનીયમ, કોપર, નિકલ, ઝીંક, લીડ તેમજ સોનું - ચાંદી પાછલા સપ્તાહ માં તેમના મહત્વ ના સ્તર પાસે હોઈ,  તમામ ધાતુઓ માં સપ્તાહ ના મધ્ય માં તેજી જોવા મળી. પરંતુ, સપ્તાહ ના છેલ્લા દિવસે જયારે ડોલર ઇન્ડેક્ષે ગતાંક માં અહી જણાવેલ 80.25 નું સ્તર પાર કર્યું તે સાથે જ સોનું, ચાંદી, કોપર, નિકલ, ઝીંક સહીત લગભગ તમામ ધાતુઓ અને ક્રુડ માં કડાકો આવી ગયો. શુક્રવાર ના રોજ ડોલર ઇન્ડેક્ષ 80.55 ના બે માસ ના હાઈ પર બંધ રહેતા હવે આગામી સપ્તાહ માં 81.35 - 81.55 સુધી ની શક્યતા કહી શકાય.

USDINR(ડોલર સામે રૂપિયા): હજુ પણ રૂપિયા માં 54.10 ને જ નિર્ણાયક સમઝવું. 54.10 ની ઉપર બંધ આવતા 56.00 સુધી ની શક્યતા યથાવત છે. જયારે હવે નીચે માં 52.7000 નજીક નો અને 52.1700 મહત્વ નો સપોર્ટ છે. જયારે NSE અને MCX બંને ના વાયદા માં હાલ ના પ્રીમીયમ ને જોતા 54.3500 ને નિર્ણાયક સમઝવું.

સોનું - ચાંદી:
MCX ડીસેમ્બર વાયદા માં આગળના અઠવાડિયે 31022 બંધ રહેલ સોના માં અહી ગતાંક માં 30655 મહત્વ નો સપોર્ટ અને 31250 સ્ટ્રોંગ રેસીસ્ટન્સ લખેલ. ડોલર ના રૂપિયા સામે ના સુધારા ને પગલે સોના માં સોમવાર થી શરુ થયેલ તેજી તેના 31250 ના રેસીસ્ટન્સને પાર કરવા માં સફળ રહ્યું નહિ. જયારે શુક્રવાર ના રોજ વૈશ્વિક બજારો સાથે ઘર આંગણે સોના માં આશરે 600 રૂપિયા જેટલો કડાકો જોવાયો. હવે MCX ના ડીસેમ્બર વાયદા માં 30150 ને મહત્વ નો સપોર્ટ ગણવો.  અહી એ જરૂર કહીશ કે આગળ આપણે તા.1 ઓક્ટોબર ના અંક માં લખ્યું હતું કે, જો ડોલર બીજી વૈશ્વિક કરન્સી સામે સુધરે અને રૂપિયો પણ સુધરતા ડોલર સામે સુધારો દર્શાવે તો સોના ની પાછલા 4 વર્ષ થી ચાલતી તેજી ને બ્રેક લાગી શકે. ગયા અંક માં આપણે જોયું કે પાછલા ચાર વર્ષ માં ડોલર વૈશ્વિક કરન્સી સામે ફક્ત 5% જેટલો જ સુધર્યો છે, જયારે રૂપિયા સામે આશરે 35% જેટલો સુધારો આ ગાળા માં જોવાયો છે. જયારે આજ ગાળા માં સોનું અમેરિકી બજાર માં આશરે 100% જેટલું વધ્યું તો ભારતીય બજાર માં 200% કરતા પણ વધારે નો સુધારો સોના ના ભાવ માં જોવાયો. રૂપિયો - ડોલર, ડોલર - વૈશ્વિક કરન્સી અને સોના ના ભાવ ના આ ત્રિકોણ ની ચર્ચા ફરી ક્યારેક કરીશું. હાલ માં એ તો અવશ્ય કહીશ કે દર વર્ષે દિવાળી માં સોના માં આંખ બંધ કરી ને તેજી નો વેપાર કરનાર ટ્રેડરે આ વખતે સાવચેતી જરૂર રાખવી.

ચાંદી માં ગયા અંક માં આપણે જણાવ્યું હતું કે MCX ડીસેમ્બર વાયદા માં 58835 અકબંધ રહેતા, 60650 સુધી ની તેજી જોવાય. જો કે ગુરુવાર ના રોજ 60333 નો હાઈ કરી, શુક્રવાર ના રોજ ચાંદી માં આશરે 2000 રૂપિયા નો ઘટાડો જોવાયો. જો કે, સોના ની સરખામણીએ ચાંદી માં સુધારા ની શક્યતા ઝડપી હોઈ, કદાચ સપ્તાહ ના શરૂઆત ના ત્રણેક દિવસો પછી ચાંદી માં પ્રત્યાઘાતી ઉછાળા ની સંભાવના નકારી શકાય નહિ. નીચા માં MCX ડીસેમ્બર વાયદા માં હવે 56610 અને 55435 મહત્વ ના સપોર્ટ ગણાય.

એલ્યુમીનીયમ, લીડ, નિકલ, ઝીંક અને કોપર:

એલ્યુમીનીયમ MCX નવેમ્બર વાયદા માં પાછલા મંગળવાર ના રોજ 100.7 ના નીચા સ્તર થી સતત સુધારા તરફી રહ્યું છે. હવે આ વાયદા માં 102.25 મહત્વ નો સપોર્ટ છે. જયારે ઉપર માં 105.35 ની ઉપર બંધ આવતા 107.25 - 108 સુધી ની તેજી ની સંભાવના છે.
(ધ્યાન માં રાખવા લાયક લેવલ : 102.25 - 104.3 - 105.8 - 107.3)

જયારે લીડ માં MCX નવેમ્બર વાયદા માં હવે 111.55 મહત્વ નો સપોર્ટ છે. જ્યાં સુધી આ સપોર્ટ અકબંધ રહે, સરવાળે રુખ તેજી તરફી નો રહે. પરંતુ આગળ ની તેજી માટે 115.45 ની ઉપર નો બંધ આવશ્યક છે. 115.45 ની ઉપર નો બંધ 119 સુધી ની તેજી લાવી શકે છે.
(ધ્યાન માં રાખવા લાયક લેવલ: 110 - 11.5 - 115.6 - 118.2)

નિકલ MCX નવેમ્બેર વાયદા માં 890 ઉપર નો બંધ આગળ ની તેજી માટે આવશ્યક છે. 890 ની ઉપર નો બંધ આવતા 925 સુધી ની તેજી ની સંભાવના છે. પરંતુ, 852.1 આસપાસ બનેલું ડબલ બોટમ તૂટે તો 823 સુધી ની મંદી ની શક્યતા ગણી શકાય.
(ધ્યાન માં રાખવા લાયક લેવલ: 855.4 - 882.5 - 894.1 - 912.4)

ઝીંક MCX નવેમ્બર વાયદા માં હવે 98.65 - 99.30 અગત્ય ની સપોર્ટ રેંજ છે. 99.3 અકબંધ રહેતા તેજી આગળ ચાલે.
(ધ્યાન માં રાખવા લાયક લેવલ: 98.65 - 99.30 - 101.6 - 103.1)

બીજા બધા બેઝ મેટલ ની સરખામણીએ કોપર વીતેલા સપ્તાહ માં ઉપર ટકવા માં અસમર્થ રહેતું જોવાયું છે. MCX નવેમ્બેર વાયદા માં સમગ્ર સપ્તાહ દરમ્યાન 420 આસપાસ સપોર્ટ લઇ રહેલ કોપર, શુક્રવાર ના રોજ ડોલર ના તોફાન માં આશરે 8 રૂપિયા ઘટી 415.95 બંધ રહ્યું. હવે કોપર માં 409.25 ને જ મહત્વ નો સપોર્ટ સમઝ્વો.
(ધ્યાન માં રાખવા લાયક લેવલ: 409.25 - 414.65 - 425.35)

ક્રુડ - નેચરલ ગેસ:

આગલા સપ્તાહે 4669 આસપાસ બંધ રહેલ ક્રુડ MCX નવેમ્બર વાયદા માં અહી 4582 નો સપોર્ટ જણાવેલ. સોમવાર ના રોજ 4622 ના નીચા સ્તર થી સમગ્ર સપ્તાહ દરમ્યાન સુધારા તરફી રહેલ ક્રુડ ઉપર માં 4712 સુધી જોવાયું. પરંતુ, ગુરુવાર અને શુક્રવાર ના રોજ ફરી પાછો 4610 - 20 સુધી નો ઘટાડો જોવાયો. હજુ પણ ક્રુડ માં 4582 ને જ સપોર્ટ ગણી શકાય. જયારે ઉપર માં હવે 4717 ને રેસીસ્ટન્સ કહી શકાય.

નેચરલ ગેસ નવેમ્બર વાયદા માં હવે 194.4 નિર્ણાયક સ્તર ગણાય. 194.4 નીચે નો સાપ્તાહિક બંધ આવતા હવે 175.5 સુધી ની મંદી ની શક્યતા નકારી શકાય નહિ.


કપાસ, જીરું અને ઈલાયચી:
કપાસ માં MCX અને NCDEX બંને વાયદા માં હજુ પણ ગતાંક માં જણાવેલ 990 જ મહત્વ નું પ્રતિકારાત્મક સ્તર છે. હવે MCX વાયદા માં 979.5 ની ઉપર નો બંધ ના આવે તો 890 સુધી ની મંદી ની શક્યતા ગણી શકાય. જયારે જીરા ના ઊંજા વાયદા માં 13565 મહત્વ નો સપોર્ટ અને 14500 મહત્વ નો રેસીસ્ટેન્સ ગણાય.
ઈલાયચી ના નવેમ્બર વાયદા માં હાલ માં 710 અને ડીસેમ્બર વાયદા માં 755 મહત્વ ના સપોર્ટ ગણી શકાય. પાછલા ચાર સપ્તાહ થી સતત ઘટાડા તરફી રહેલ નવેમ્બેર વાયદા માં એક્ષ્પાયરી દરમ્યાન 730-710 સુધી ના ઘટાડા ની શક્યતા ગણી શકાય.


Disclaimer: લેખક IFCI ફાયનાન્સીયલ સ. લી. - અમદાવાદ ના મેનેજર છે. અહી વ્યક્ત કરેલ મંતવ્યો / અભિપ્રાયો તેમના વ્યક્તિગત છે અને નહિ કે IFCI ફાયનાન્સીયલ સ. લી ના.

28/10/2012

I have been mentioning the US$Index's 80.25 and 79.05 as the major trend-deciders for the global markets as the 200 Day Exponential Average of the Index is placed at 80.25 as of now.

Why $ Index so important for the markets?

	US$Index	USD INR	GOLD US	GOLD INDIA	Silver US	Silver India	Sensex	Sensex EPS
Jan 2002	120	48.5	280	4300	7	7360	3300	200
Jan 2008	76.67	39.4	860	9890	15.3	19236	19019	800
% Change	-36.11%	-9.10%	207.14%	130.00%	118.57%	161.35%	476.10%	300.00%
Oct 2012	80.09	53.54	1703	31000	31.72	59500	18800	1100
% Change	4.45%	35.90%	98.00%	213.50%	107.30%	209.32%	-1.10%	37.50%

During 2002 -08 the $Index fell by 36% where as during this period the INR managed to gain only 10% apprx against the $. Despite the one third appreciation compared to the Global currencies' against USD, the Indian markets jumped by 450% due to the rise in the Earnings of the Indian corporates.

During last 4 years, the $Index has appreciated by only 5% but our rupee has depreciated by 35% meanwhile against the USD. During this same time period the Sensex EPS has grown by 37% but as the currency has depreciated, the Sensex could not gain.

Now today, the US$Index made a high of 80.1550 in the US markets which was the resistance level mentioned earlier. Now, it seems as the upper side is capped for 3-4 more working days. But, we should not ignore that the 200 Day exponential Moving average is placed at 80.2125 and a cross-over may bring a bounce up to 81.50.

The conclusion is, the $Index is expected to face some resistance for 2 - 3 working days at 80.25. But, a cross above 80.25 will bring the Index into a positive territory and a bounce up to 81.50 would be followed by.

As we have seen in the past, the INR does not appreciate compared to the Global currencies or EURO especially when the $ looses. But, when the $ bounces back, the INR depreciates faster.

Now, the USDINR has already crossed its 200 EDMA and have been at the level of 53.7 for nearly a week.

On the daily chart a strong resistance is placed at 54. If it does not crosses 54.15, the pair is expected to remain range bound between 53.3200 and 53.9500. But a cross of 54.15 would bring the momentum up to 56.
For the NSE and MCX November series Currency futures, 54.4500 has to be considered as the resistance and cross-over should be considered as a rally up to 56.15 for the week. But, failure to cross 54.4500 will keep the future range-bound between 54.3500 - 53.6700.

Nifty:

The market seems to be expecting clues from the Currency market. Like the USDIndex, the Nifty has been trading in a perfect range of the Bollinger Band on the daily chart.

As mentioned in the previous mail, 5728 has been acting as a major hurdle for the spot. While, 5632 is the major support. It would not be inappropriate to mention that if the USDINR crosses the hurdle and achieves the expected 3 - 4% above the hurdle, the fall in the Benchmark Index would be followed by. The expected fall could be anywhere in the range of 7 to 8%.